JINGKHEIÑ 10:10 - Khasi CL Bible (BSI)

¹⁰ Kumjuh ruh ha ki por lehkmen — ha ki Jingkhawai Niam Bnai Thymmai bad ha kiwei pat ki Jingkhawai Niam jong phi — phi dei ban put ïa ki turoi haba phi wanrah ïa ki jingainguh thang bad ki jingainguh ïasyllok jong phi. Te ngan ïarap ïa phi. Nga long U Trai U Blei jong phi.”

KA BAIBL

¹⁰ Ha kata ka sngi ka jinglehkmen jong phi ruh, bad ha ki sngi Ki Jingkhawai Niam bakyntang jong phi, bad ha ki jingsdang ki bnai jong phi, phin put da kita ki ronsing halor ki jingainguh thang jong phi, bad halor ki jingkñia bapynïasuk jong phi; ba kin ïoh long ka jingpynkynmaw ha phi ha khmat U Blei jong phi: Nga long U Trai U Blei jong phi.”

JINGKHEIÑ 10:10 ပူးပေါင်းရင်းမြစ်များ

2 SYIEM 4:23

“Balei phi hap ban leit mynta ka sngi?” u tnga jong ka u kylli. “Kam shym dei ka Sabbaton lane ka Jingkhawai Niam Bnai Thymmai.” “Kam lei lei,” ka jubab.

1 KHRONIKL 15:28

Te baroh ki Israel ki synran ïa ka Synduk ka Jutang haduh Jerusalem ryngkat bad ki jingrisa jong ka jingkmen, ki sur jong ki turoi, ki ronsing, bad ki shakuriaw, bad ki jingtem ha ki duitara.

1 KHRONIKL 16:42

Ïa u Heman bad u Jeduthun ruh la buh ban peit ïa ki turoi bad ki shakuriaw bad kiwei ki jingtem ba pyndonkam ha ka por ba rwai ïa ki jingrwai ïaroh. Ïa ki dkhot jong ka kur u Jeduthun, la buh ban ap phira ïa ki khyrdop.

2 KHRONIKL 29:26

Ki lyngdoh ruh ki la ïeng hangta lem bad ki turoi.

2 KHRONIKL 29:28

Baroh kiba ïadon hangta ki ïasnohlang ha ka jingmane bad ka jingrwai bad kaba sah jong ka put ka tem ka bteng haduh ban da dep thang ïa ki jingkñia baroh. U paidlang baroh u ïamane dem, ki nongrwai ki rwai, bad ki nongput ki put; bad kane ka neh haduh ba la pyndep ïa ka jingainguh thang.

2 KHRONIKL 7:6

Ki lyngdoh ki ïeng ha ki jaka ba la pynbeit na ka bynta jong ki; bad ha pyrshah jong ki, ki ïeng ki Lebi, ki da ïaroh ïa U Trai ryngkat bad ki jingput jingtem ba u syiem Dabid u la pynkhreh bad ki ïarwai ïa ka jingrwai, “Ka jingieit jong u ka neh junom!” kumba u Dabid u la bthah ïa ki. Ki lyngdoh ki put ïa ki turoi, katba ki paidbah baroh ki ïa-ïeng.

ESRA 3:10

Haba ki rangbah ki la sdang ban tei ïa ka nongrim jong ka Templ, ki lyngdoh ha ki jingriam jong ki, ki ïeng ha la ki jaka bad ki turoi ha ki kti jong ki, bad ki Lebi jong ka kur Asaph ki ïeng hangta ryngkat bad ki shakuriaw. Ki ïaroh ïa U Trai kat kum ki jingbthah ba la ai pateng naduh ka por u syiem Dabid.

SALM 150:3

To ïaroh ïa u da ki turoi. To ïaroh ïa u da ki duitara bad ki jingtem ksai.

SALM 81:3

To put ïa ka turoi ha ka jinglehniam, haba dang lung bnai bad haba pyllun bnai.

SALM 81:4

Kane ka long ka aiñ ha Israel, ka hukum na U Blei jong u Jakob.

SALM 89:15

A katno suk ki long ki briew kiba mane ïa me da ki jingrwai, kiba im ha ka jingshai jong ka jingbhasbun jong me!

EKSODOS 28:29

“Haba u Aaron u rung sha ka Jaka Kyntang, un phong ïa kane ka jingdeng shadem ha kaba la thoh ïa ki kyrteng jong ki khat-ar jait Israel, khnang ba ma nga, U Trai, ngan ïai kynmaw ïa la ki briew.

EKSODOS 30:16

Lum ïa kane ka jingainguh na ki Israel, bad pyndonkam ïa ka ha kaba sumar ïa ka Ïingjaiñ ka Jingdon Ryngkat jong nga. Kane ka khajna ka long ka jingsiew na ka bynta la ka jingim, bad ngan kynmaw ban da ban ker ïa ki.”

ISAÏAH 27:13

Haba kata ka sngi kan wan, ïa ka turoi yn put ban khot pat na Assyria bad Ijipt ïa baroh ki Israel kiba don ha ka jinglongmraw hangta. Kin wan bad mane ïa U Trai ha Jerusalem, ha u lum bakyntang jong u.

LEBITIKOS 23:24

Ong ha ki Israel, “Ha ka sngi kaba nyngkong jong u bnai uba hynñiew, rakhe ïa ka kum ka sngi shongthait kaba kyrpang, bad haba ka turoi ka sawa, wan ïalumlang ban mane Blei.

JINGKHEIÑ 10:9

Haba phi don ha ka thma ha la ka ri, haba phi ïada ïa lade pyrshah ïa u nongshun uba tur ïaleh ïa phi, ai dak ban ïaleh thma da kine ki turoi. Ma nga U Trai U Blei jong phi, ngan ïarap bad pyllait im ïa phi na ki nongshun jong phi.

JINGKHEIÑ 28:11

Man ba sdang u bnai, wanrah ka jingainguh thang sha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 29:1

Ha ka sngi kaba nyngkong jong u bnai uba hynñiew phi dei ban ïalumlang ban mane Blei, bad wat trei kano kano ka kam. Ha kata ka sngi put ïa ki turoi.

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

KI KAM 10:4

U la khmih shaiñ ïa u angel ha ka jingsheptieng bad u la ong, “Ka dei kaei, ko Kynrad?” U angel u la jubab, “U Blei u la sngewbha ïa ki jingduwai jong me bad ïa ki kam leh-isynei jong me, bad u kloi ban jubab ïa me.

1 THESSALONI 4:16

Kan don ka jingpyrta da ka hukum, ka sur jong u angel rangbah, ka jingriew ka turoi jong U Blei, bad U Trai hi da lade un sa wan hiar na bneng. Kito kiba la ïap da kaba ngeit ha U Khrist kin ïamih pat shuwa;

1 THESSALONI 4:18

Kumta te, to pynshlur iwei ïa iwei pat da kine ki ktien.

JOSHUA 4:7

phin ïathuh ïa ki ba ka um jong ka Jordan ka la sangeh ban tuid haba ka Synduk ka Jutang U Trai ka jam ïa ka wah. Kine ki maw kin ïai pynkynmaw ïa ki paid Israel shaphang kaei kaba la jia hangne.”

JOSHUA 6:4

Hynñiew ngut ki lyngdoh, uwei uwei uba rah ïa ka turoi, kin ïaid ha shuwa ka Synduk ka Jutang. Ha ka sngi kaba hynñiew, ma me lem bad ki shipai jong me, men ïaid tawiar hynñiew sien ïa ka nongbah katba ki lyngdoh ki dang put ïa ki turoi.

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.

1 SAMUEL 20:5

“Lashai ka sngi ka dei ka jingkhawai mih bnai thymmai” u Dabid u jubab “bad nga dei ban ïashong bam ryngkat bad u syiem. Hynrei lada ka long kaba biang ïa phi, ngan leit noh ban rieh ha ki bri haduh la shi sngi janmiet.