JINGKHEIÑ 1:53 - Khasi CL Bible (BSI)

⁵³ Hynrei ki Lebi kin pynïeng dara sawdong ka Ïingjaiñ ban ap sumar ïa ka, khnang ba yn ym don mano mano ban wan sha jan bad pynkhie ïa ka jingbitar jong nga ban shoh ïa ka kynhun ki Israel.”

KA BAIBL

⁵³ Hynrei, ki Lebi kin ïashong dara baroh sawdong Ka Tabernakl ka jingphla, ba ka jingbitar kan ym long halor u paidbah ki khun Israel: ki Lebi ruh kin ïa-ap ïa Ka Tabernakl ka jingphla.”

JINGKHEIÑ 1:53 ပူးပေါင်းရင်းမြစ်များ

1 KHRONIKL 23:32

La ai ha ki ka jingkitkhlieh ban sumar ïa ka Ïingjaiñ Ka Jingdon Ryngkat U Trai bad ïa ka Templ, bad ban ïarap ïa ki ba-ha-ïing jong ki, ki lyngdoh kiba hiarpateng na u Aaron, ha ka jingmane ha ka Templ.

2 KHRONIKL 13:10

“Hynrei ngi pat ngi dang ïai shakri ïa U Trai U Blei jong ngi bad ngim shym pat iehnoh ïa u. Ki lyngdoh kiba hiarpateng na u Aaron ki pyndep ïa ki kamram jong ki, bad ki Lebi ki ïarap lem ïa ki.

2 KHRONIKL 13:11

Man ka step bad man ka janmiet ki ai ha u ïa ki jingiwbih bad ki mrad jingkñia ba la thang tylli. Ki ai ïa ki jingainguh kpu ha ka miej kaba la pynkyntang khuid, bad man ka janmiet ki thang ïa ki sharak ha ki diengpynïeng sharak ksiar. Ngi leh ïa kaei kaba U Trai u la hukum, hynrei phi, phi la iehnoh ïa u.

JEREMAÏAH 23:15

“Kumta te, kane ka long kaei kaba ma nga, U Trai Badonbor Baroh, nga ong shaphang ki nongïathuhlypa ka Jerusalem: “Ngan ai ïa ki da ki jhur kthang ban bam, bad ka bih ba kin dih; namar ba ki la pynsaphriang ïa ka jingbymriewblei kylleng ka ri.”

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

LEBITIKOS 10:6

Nangta u Moses u ong ha u Aaron bad ha u Eleasar bad u Ithamar, ki khun shynrang jong u, “Wat ieh ra-ngiep ïa la u shñiuh lane kad ïa la ki jaiñ ban pyn-i ba phi ïam sngewsih, lada phi leh kumta phin ïap, bad U Trai un bitar ïa u paidlang baroh. Hynrei ïa baroh ki para jait Israel jong phi la shah ba kin ïa-ïam briew na ka bynta kane ka jingïap ba la wallam da ka ding kaba U Trai u la phah.

JINGKHEIÑ 1:50

Hynrei, buh ïa ki Lebi ba kin peit bad sumar ïa ka Ïingjaiñ ka Jingdon Ryngkat jong nga bad ïa ki jingbuh jingsat jong ka baroh. Ki kin rah ïa ka, bad ïa ki tiar ki tar jong ka, kin shakri ha ka, bad kin pynïeng ïa la ki dara sawdong jong ka.

JINGKHEIÑ 1:54

Kumta ki paid Israel ki la leh ïa kata baroh kaba U Trai u la hukum ïa u Moses.

JINGKHEIÑ 16:46

bad u Moses u ong ha u Aaron, “Shim ïa u khiew buh ding jong phi, buh hangta ïa u rnga uba rhem na ka duwan, bad buh khyndiat ka jingiwbih halor ki rnga. Nangta leit rah kloi kloi ïa ka sha u paidbah bad pyndep ïa ka jinglehniam ka jingpynkhuid na ka bynta jong ki. Pynkloi! Ka jingbitar U Trai ka la mih, bad ka khlam ruh ka la sdang.”

JINGKHEIÑ 16:9

Phi tharai ba ka long kaei kaei kaba rit ba U Blei ki Israel u la pynkyrpang ïa phi na ka kynhun, ba phi lah ban leit sha u, ban leh ïa ka kamram jong phi ha ka Ïingjaiñ U Trai, bad ban ai jingshakri ïa ka kynhun bad ban shakri ïa ki?

JINGKHEIÑ 17:7

Nangta u Moses u buh ïa kita ki diengduh baroh hapoh ka Ïingjaiñ ha khmat ka Synduk ka Jutang jong U Trai.

JINGKHEIÑ 2:17

Nangta, hapdeng ki ar ki kynhun kiba sha khmat bad ki ar kynhun kiba khatduh kin ïaid ki Lebi da kaba bah ïa ka Ïingjaiñ. Kawei pa kawei ka kynhun kan ïaid ha kajuh ka rukom kumba ki sher dara, kawei kawei ha la ka jaka hapoh la ka jong ka lama.

JINGKHEIÑ 3:23

Ki kur u Gershon ki dei ban shong dara shaphang sepngi shadien ka Ïingjaiñ,

JINGKHEIÑ 3:29

Kine ki kur u Kohath kin shong dara ha ka liang kaba shaphang shathie jong ka Ïingjaiñ,

JINGKHEIÑ 3:35

Kine ki kur u Merari kin shong dara ha ka liang kaba shaphang shatei jong ka Ïingjaiñ, lem bad u Suriel u khun jong u Abihail kum u rangbah kur.

JINGKHEIÑ 3:38

U Moses bad u Aaron bad ki khun shynrang jong u ki dei ban shong dara ha khmat ka Ïingjaiñ shaphang mihngi. Kine kin kitkhlieh ïa ki kam niam baroh kiba dei ban pyndep ha ka Jaka Kyntang na ka bynta ki Israel. Uno uno uwei pat uba pyrshang ban leh kumta un shah pynïap.

JINGKHEIÑ 31:30

Na ka bynta kaba la ai ïa kaba sah jong u paidlang, shim uwei na man ki sanphew ngut ki koidi bad katjuh ka jingmang na ki masi, ki kada, ki langbrot, bad ki blang. Ai ïa ki ha ki Lebi kiba khmih ïa ka Ïingjaiñ U Trai.”

JINGKHEIÑ 31:47

Na kane ka bhah, u Moses u la shim uwei na man ki sanphew ngut ki koidi bad uwei na man ki sanphew tylli ki jingri, bad kumba U Trai u la hukum, u la ai ïa ki ha ki Lebi kiba khmih ïa ka Ïingjaiñ U Trai.

JINGKHEIÑ 8:19

bad nga aiti ïa ki Lebi ha u Aaron bad ki khun shynrang jong u kum ka jingai sngewbha na ki Israel, ba kin trei ha ka Ïingjaiñ na ka bynta ki paid Israel bad ban ïada ïa ki Israel na ka jingmynsaw kaba lah ban ngat ha ki lada jia ba ki wan tur sha jan eh jong ka Jaka Kyntang.”

1 SAMUEL 6:19

U Trai u la pynïap hynñiewphew ngut ki rangbah kiba na Beth Shemesh namar ba ki khmih shapoh ka Synduk ka Jutang. Bad u paidbah u ïam pangnud namar ba U Trai u la pynjia kat kata ka jingpynïap hapdeng jong ki.