JINGKHEIÑ 1:1 - Khasi CL Bible (BSI)

¹ Ha ka sngi kaba nyngkong jong u bnai uba ar, ha ka snem kaba ar hadien ba ki Israel ki la mihnoh na Ijipt, U Trai u kren ha u Moses hangta ha ka Ïingjaiñ ka Jingdon Ryngkat jong U ha ka ri shyiap Sinai.

KA BAIBL

¹ Te U Trai u la kren ha u Moses ha ka ri khlaw Sinai, ha Ka Tabernakl jong ka jingïaseng, ha ka sngi ka banyngkong jong u bnai u ba-ar, ha ka snem ka ba-ar hadien ba ki la ïamih noh na ka ri Ijipt, u da ong,

JINGKHEIÑ 1:1 ပူးပေါင်းရင်းမြစ်များ

1 SYIEM 6:1

Sawspah phraphew snem hadien ba ki Israel ki mih na Ijipt, ha ka snem kaba saw jong ka jingsynshar u Solomon ïa ki Israel, ha u bnai Sib uba long u bnai uba ar, u Solomon u sdang ban tei ïa ka Templ.

EKSODOS 19:1

Ki paid Israel ki mihnoh na Rephidim, bad ha ka sngi kaba nyngkong jong u bnai uba lai naduh ba ki mih na Ijipt ki wan poi ha ka ri shyiap Sinai. Ki sher dara hangta ha kjat u Lum Sinai,

EKSODOS 25:22

Ngan sa ïakynduh ïa me hangta, bad najrong jong ka jingtap kaba hapdeng kita ki kherub ar tylli, ngan ai ha me ïa ki hukum jong nga baroh na ka bynta ki Israel.

EKSODOS 40:17

Kumta ha ka sngi kaba nyngkong jong u bnai uba nyngkong jong ka snem kaba ar hadien ba ki la mihnoh na Ijipt, la pynïeng ïa kata ka Ïingjaiñ ka Jingdon Ryngkat U Trai.

EKSODOS 40:2

“Ha ka sngi kaba nyngkong jong u bnai uba nyngkong pynïeng ïa ka Ïingjaiñ ka Jingdon Ryngkat U Trai.

LEBITIKOS 1:1

U Trai u khot ïa u Moses na ka Ïingjaiñ ka Jingdon Ryngkat U Trai bad u ai ha u ïa kine ki aiñ harum,

LEBITIKOS 27:34

Kine ki long ki hukum ba U Trai u la ai ha u Moses ha u Lum Sinai na ka bynta ki paid Israel.

JINGKHEIÑ 1:18

ki la khot lang ïa ka kynhun baroh kawei ha ka sngi kaba nyngkong jong u bnai uba ar bad ki shim kyrteng ïa ki briew baroh da ki kur ki kur bad da ki longïing longsem. Ki kyrteng jong ki rangbah baroh kiba arphew snem lane kiba kham rangbah la buh jingthoh bad la ñiew ruh ïa ki,

JINGKHEIÑ 12:4

Kynsan kynsan U Trai u ong ha u Moses, u Aaron, bad ka Miriam, “Nga kwah ïa phi baroh lai ngut ban wan sha ka Ïingjaiñ ka Jingdon Ryngkat jong nga.”

JINGKHEIÑ 9:1

U Trai u la kren ha u Moses ha ka ri shyiap Sinai ha u bnai uba nyngkong jong ka snem kaba ar hadien ba ki Israel ki la mihnoh na Ijipt.

DEUTERONOMI 1:3

Ha ka sngi kaba nyngkong jong u bnai uba khatwei, ha ka snem kaba sawphew hadien ba ki la mih na Ijipt, u Moses u ïathuh ha u paidbah ïa kaei kaei baroh kaba U Trai u la hukum ïa u ban ong ha ki,

DEUTERONOMI 2:14

Kane ka long laiphew phra snem hadien ba ngi la mih na Kadesh Barnea. Ki rangïapom baroh jong kata ka pateng ki la ïap lut, kumba U Trai u la kren lypa.

DEUTERONOMI 2:7

“Kynmaw kumno U Trai U Blei jong phi u la kyrkhu ïa phi ha kiei kiei baroh kiba phi la leh. U la sumar sukher ïa phi haba phi ïaid sakma lyngba kane ka ri shyiap kaba ïar. U la don ryngkat bad phi ha kine ki sawphew snem, bad phi la ïoh ruh kat ïa kaba phi donkam.