JEREMAÏAH 9:8 - Khasi CL Bible (BSI)

⁸ Ki thylliej jong ki, ki long ki khnam kiba shyrkhei; ki ïathuh lamler borabor. Uwei uwei u kren ki kyntien sngewieit ïa u paramarjan jong u, hynrei ha ka jingshisha u pynap ka jingriam ïa u.

KA BAIBL

⁸ U thylliej jong ki u long u khnam bapynïap; u kren ïa ka jingshukor: da la u thylliej uwei u kren suk ïa la u paramarjan, hynrei, ha la ka dohnud u ap thap ïa u.

JEREMAÏAH 9:8 ပူးပေါင်းရင်းမြစ်များ

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

SALM 12:2

Baroh na ki, ki lamler iwei ïa iwei pat; ki shukor iwei ïa iwei pat da ki kyntien pynroh.

SALM 12:3

To pynsngap jar ïa ki thylliej pynroh, A Trai! To set noh khop ïa ki shyntur basngewmeng kiba ong,

SALM 120:3

Phi ki riewlamler, aïu U Blei un leh ïa phi? Da kumno un pynshitom ïa phi?

SALM 28:3

Wat pynrem ïa nga ryngkat bad ki bymman, lem bad kito kiba leh ïa kaba sniew — kito ki briew kiba ki ktien jong ki, ki long kiba sngewieit, hynrei kiba don ka jingbishni ha la ki dohnud.

SALM 35:20

Kim kren ha ka rukom paralok; pynban ki shu thaw ïa bun jait ki ktien shukor shaphang ki briew kiba ieit ïa ka jingsuk.

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

SALM 57:4

Ïa nga la ker sawdong da ki nongshun, kiba long kum ki sing bathrang ïa ka doh briew. Ki bniat jong ki kum ki sum bad ki khnam; ki thylliej jong ki kum ki waitlam banep.

SALM 62:5

Nga shaniah tang ha U Blei hi; nga buh ïa la ka jingkyrmen ha u.

SALM 64:8

Un pynjot ïa ki namar kito ki kyntien jong ki; baroh kito kiba ïohi ïa ki kin pynkhih ïa la ki khlieh.

PROBERB 25:18

Ka jingsakhi lamler ka long kaba ma kum ka waitlam, u dieng tangon ne u khnam banep.

JEREMAÏAH 5:26

“Ki riewsniew ki don hapdeng ki briew jong nga; ki apthap kum ki briew kiba phriang ïa ki jar ban riam ïa ki sim, hynrei kiba pynap ïa ki jingriam jong ki ban riam ïa ki briew.

JEREMAÏAH 5:9

Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

JEREMAÏAH 9:3

Ki long borabor kiba kloi ban ïathuh lamler; ka jingbymhok ha ka jaka jong ka jingshisha, ka synshar ïa ka ri. U Trai u ong, “Ki briew jong nga ki leh ïa kawei kaba sniew hadien kawei pat bad kim shym pdiang ïa nga kum U Blei jong ki.”

JEREMAÏAH 9:4

Uwei uwei baroh u dei ban da sumar bha pyrshah ïa u paralok jong u, bad ym don uno uno uba lah ban shaniah ïa u hynmen u para shynrang jong u; namar uwei pa uwei uba shi para u long uba dap da ka jingshukor kum u Jakob, bad uwei uwei u krenbeiñ ïa ki paralok jong u.

JEREMAÏAH 9:5

Ma ki baroh ki ïalam bakla ïa la ki paralok, bad ym don uwei ruh uba ïathuh ïa ka jingshisha; ki la hikai ïa la ki thylliej ban lamler bad kin ym iehnoh ïa ka jingleh pop jong ki. Ki leh ïa kawei ka jingleh jubor hadien kawei pat, bad kawei ka jingleh shukor ka bud ïa kawei pat. U Trai u ong ba ki briew jong u ki kyntait ïa u.

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.