JEREMAÏAH 9:4 - Khasi CL Bible (BSI)

⁴ Uwei uwei baroh u dei ban da sumar bha pyrshah ïa u paralok jong u, bad ym don uno uno uba lah ban shaniah ïa u hynmen u para shynrang jong u; namar uwei pa uwei uba shi para u long uba dap da ka jingshukor kum u Jakob, bad uwei uwei u krenbeiñ ïa ki paralok jong u.

KA BAIBL

⁴ “To uwei uwei baroh un sumar na la u paramarjan, bad to wat shaniah ha uno uno u para: namar man u para un ïashukor naduh haduh, bad man u paramarjan un ïaid kylleng da ki jingkren siar.

JEREMAÏAH 9:4 ပူးပေါင်းရင်းမြစ်များ

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

SALM 101:5

Ngan kyntait ïa uno uno uba kren siar shaphang kiwei pat; ngan ym shah ïa u briew uba sarong bad uba leh meng.

SALM 15:3

bad ki bym pynbudnam ïa kiwei. Um leh kano kano kaba sniew ïa ki paralok jong u lymne uba pynphriang ki hamsaïa shaphang ki paramarjan jong u.

PROBERB 10:18

U briew uba buhrieh ïa la ka jingshun u dei uba lamler. Uno uno uba pynphriang ïa ka jinglorni u dei uba bieit.

PROBERB 25:18

Ka jingsakhi lamler ka long kaba ma kum ka waitlam, u dieng tangon ne u khnam banep.

PROBERB 4:16

Ki riewsniew kim nang ïohthiah lymda ki ïoh ban leh ïa ka kam sniew; ki peitmat sah lymda ki la ïoh pynmynsaw ïano ïano.

PROBERB 4:17

Ka jingleh bymman bad ka jingleh jubor ki long kum ka bam ka dih ïa ki.

PROBERB 6:16

Don hynñiew tylli kiei kiei kiba U Trai u isih bad um lah shah: Ka khmat kaba i-meng, u thylliej uba lamler, ki kti kiba pynïap ïa ki briew kiba lui lui, ka jingmut kaba pyrkhat ïa ki jingthmu basniew, ki kjat kiba kloi ban leh sniew, u sakhi uba ïathuh lamler kawei hadien kawei pat, bad u briew uba pynmih jingïakajia hapdeng ki paralok.

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

ISAÏAH 9:16

Kito kiba ïalam ïa kine ki briew ki la ïalam bakla ïa ki bad pynshaïong jingmut lut ïa ki.

JEREMAÏAH 12:6

Wat ki hynmen ki para shynrang jong me, ki dkhot jong ka longïing jong me hi, ki la shetkylla ïa me; ki la ïasoh ha ki jingtur ïaleh pyrshah ïa me. Wat shaniah ïa ki, wat la ki kren ki ktien sngewieit.”

JEREMAÏAH 6:28

Ma ki baroh ki long ki nongïaleh pyrshah ba-mutlop, kiba eh kum ka rnong bad u nar. Ma ki baroh ki long kiba sniew, ki da ïaid kylleng bad pynsaphriang ïa ka lorni.

JEREMAÏAH 9:8

Ki thylliej jong ki, ki long ki khnam kiba shyrkhei; ki ïathuh lamler borabor. Uwei uwei u kren ki kyntien sngewieit ïa u paramarjan jong u, hynrei ha ka jingshisha u pynap ka jingriam ïa u.

ESEKIEL 22:9

Don na ki briew jong phi kiba ïathuh lamler shaphang kiwei khnang ban ïoh pynïap ïa ki. Don na ki, kiba bam ïa ki jingkñia ba la ai ha ki bleithaw. Don kiba sngewhun borabor ha la ki jingkwah brai.

LEBITIKOS 19:16

Wat pynphriang lamler shaphang jongno jongno, bad haba uno uno u dang don ha ka jingbishar namar la ka jingim, kren pynpaw lada ka jingphla jong phi kan long jingïarap ïa u. Nga long U Trai.

MALAKHI 2:10

Hato baroh na ngi ngim don ujuh u kpa? Hato ym dei ujuh U Blei uba la thaw ïa ngi baroh? Te balei ngi pynkheiñ ïa la ki jingkular iwei ïa iwei pat, bad balei ngi ñiewbeiñ ïa ka jutang kaba U Blei u la pynlong bad ki kpa tymmen jong ngi?

MATHAÏOS 10:17

To sumar, naba kin don ki briew ki ban kem ïa phi bad ïalam ïa phi sha ka ïingbishar, bad kin sympat ïa phi ha ki synagog.

MATHAÏOS 10:21

“Ki rangbah kin aiti noh ïa la ki jong ki hynmen bad para ïa ka ban pynïap ïa ki, bad ki kpa kin leh kumjuh ïa la ki khun; ki khun kin phai ïaleh pyrshah ïa la ki kmie ki kpa bad kin phah pynïap ïa ki.

LOUKAS 21:16

Yn aiti ïa phi da ki kmie ki kpa jong phi, da ki hynmen ki para shynrang jong phi, da ki ba-ha-ïing jong phi, bad da ki paralok jong phi; bad ïa katto katne na phi yn pynïap.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.