JEREMAÏAH 9:24 - Khasi CL Bible (BSI)

²⁴ Lada uno uno u kwah ban kob sarong, u dei ban kob sarong ba u ithuh bad ba u shemphang ïa nga, namar ka jingieit jong nga ka long kaba neh, bad nga leh ïa kaba hok bad kaba dei. Kine ki long kita kiei kiei kiba pynsngewbha ïa nga. Ma nga, U Trai, nga la kren.”

KA BAIBL

²⁴ hynrei, uta uba sngewsarong to un sngewsarong ha kane, ba u shemphang, bad ba u ithuh ïa nga, ba nga long U Trai uba leh ïa ka jingleh ieit, ïa ka jingbishar, bad ïa ka hok, ha ka khyndew: naba ha kine kiei kiei nga sngewbha keiñ,” ong U Trai.

JEREMAÏAH 9:24 ပူးပေါင်းရင်းမြစ်များ

SALM 20:7

Katto katne ki shaniah ha ki kali ïapom jong ki bad kiwei pat ha ki kulai jong ki, hynrei ngi, ngi shaniah ha ka bor jong U Trai U Blei jong ngi.

SALM 34:2

Ngan ïaroh ïa u ïa kaei ba u la leh ai ba kiba shah lehbeiñ baroh kin shahshkor bad kin kmen.

SALM 34:3

To pynbna ryngkat bad nga ïa ka jingkhraw U Trai, to ngin ïaroh lang ïa ka kyrteng jong u!

SALM 44:8

Ngin ïaroh ïa me borabor bad ai ki jingsngewnguh ïa me junom.

SALM 44:9

Hynrei mynta me la kyntait ïa ngi bad pynlong ïa ngi ban shahjop; mem tur shuh ryngkat bad ki kynhun shipai jong ngi.

SALM 51:1

To isynei ïa nga, A Blei, namar ka jingieit baneh jong me. Namar ka jingisynei bakhraw jong me, to pyndam noh ïa ki pop jong nga!

SALM 91:14

U Blei u ong, “Ngan pynim ïa kito kiba ieit ïa nga, bad ngan ïada ïa kito kiba ithuh ïa nga kum U Trai.

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

ISAÏAH 20:5

Kito kiba buh ïa la ka jingshaniah ha ka Sudan bad kiba la kob sarong shaphang ka Ijipt kin shaïong jingmut; la pynkhih ïa ki jingkyrmen jong ki.

ISAÏAH 41:16

Men kynting ïa ki ha ka lyer; ka lyer kaba jur kan kit lut ïa ki, bad yn pynsaphriang ïa ki da ka 'erïong. Te men sa kmen namar nga long U Blei jong me; men ïaroh ïa nga, U Blei bakhuid ki Israel.

ISAÏAH 45:25

Nga, U Trai, ngan pyllait im ïa baroh ki khun ki ksiew jong u Jakob, bad kin ai ka jingïaroh ïa nga.

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

JEREMAÏAH 22:16

U bishar hok ïa kiba duk, bad baroh ki ïaid beit bad u. Kata ka long ka jingmut ban ithuh ïa U Trai.

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

LOUKAS 10:22

“U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

Ka Shithi U Paul Sha Ki Nong Rom 5:11

Hynrei kam long tang kumta; ngi lehkmen na ka bynta kaei kaba U Blei u la leh lyngba U Jisu Khrist uba U Trai jong ngi, uba mynta u la pynlong ïa ngi ki paralok jong U Blei.

1 KORINTH 1:31

Te kumta, kumba ka Jingthoh Bakhuid ka ong, “Uno uno uba kwah ban sngewsarong, u dei ban sngewsarong ha kaei kaba U Trai u la leh.”

2 KORINTH 10:17

Hynrei kumba ka Jingthoh Bakhuid ka ong, “Uno uno uba kwah ban sngewsarong u dei ban sngewsarong ïa kaei kaba U Trai u la leh.”

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

GALATIA 6:14

Pynban, na ka bynta jong nga, ngan sngewsarong tang shaphang ka diengphna U Jisu Khrist uba U Trai jong ngi; naba da ka diengphna jong u, ka pyrthei ka la ïap ïa nga, bad nga la ïap ïa ka pyrthei.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.