JEREMAÏAH 9:23 - Khasi CL Bible (BSI)

²³ U Trai u ong, “Ki rangbah bastad kim dei ban kob sarong ïa ka jingstad jong ki, lymne ki rangbah bakhlaiñ ïa ka jingkhlaiñ jong ki, lymne ki rangbah bariewspah ïa ka spah jong ki.

KA BAIBL

²³ Kumne u ong U Trai, “Wat ai ba u riewstad un sarong ha la ka jingstad, lymne u bakhrawbor un ym sarong ha la ka bor, u riewspah to un ym sarong ha ki spah jong u:

JEREMAÏAH 9:23 ပူးပေါင်းရင်းမြစ်များ

Ka Kitab U Job 32:13

Kumno phi lah ban kubur ba phi la shem ïa ka jingstad? U Blei u dei u ban jubab ïa u Job, naba phim shym lah leh ei ei.

Ka Kitab U Job 41:15

Ïa ka met jong u la shna da ki stieh ha ki laiñ, kiba la pynïadait lang bad kiba eh kum u maw.

SALM 33:5

U Trai u ieit ïa ka hok bad ka jingbishar hok; ka jingieit baneh jong u ka pyndap ïa ka pyrthei.

SALM 34:3

To pynbna ryngkat bad nga ïa ka jingkhraw U Trai, to ngin ïaroh lang ïa ka kyrteng jong u!

SALM 44:9

Hynrei mynta me la kyntait ïa ngi bad pynlong ïa ngi ban shahjop; mem tur shuh ryngkat bad ki kynhun shipai jong ngi.

SALM 62:10

Wat buh ïa la ka jingshaniah ha ka jinglehbor; wat kyrmen ban ïoh myntoi ei ei da ka jinglute; wat haba ka spah jong phi ka roi, wat shaniah ha ka.

PROBERB 11:4

Ka spah kan ym lah ban leh ïa kaei kaei kaba bha ha ka sngi ba phi ïashem ïa ka jingïap, hynrei ka jinglehhok kan pyllait ïa ka jingim jong phi.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

PROBERB 3:5

Shaniah ha U Trai da ka dohnud jong phi baroh. Wat shaniah ha kaei ba phi pyrkhat ba phi tip.

EKLESIASTIS 2:19

bad u lah ban long uba stad, lane u lah ban long uba bieit — mano batip? Pynban un long trai ïa kaei kaei baroh kaba nga la trei, baroh kaba ka jingstad jong nga ka la kamai ïa nga ha kane ka pyrthei. Baroh ka long ka bymmyntoi.

EKLESIASTIS 9:11

Nga la sngewthuh sa kawei pat, ba ha kane ka pyrthei ki nongmareh kiba stet kim ju ïai jop sah ïa ki jingïamareh thong, bad kiba shlur kim ju ïai jop sah ïa ka thma. Ki briew kiba stad kim ju ïai kamai sah ban im, ki briew kiba proh jingmut kim ju ïai ïoh spah, bad ki briew kiba lah ban leh ei ei kim ju ïai kiew sha ki kyrdan bashalor. Ka kupar basniew ka jia ha uwei pa uwei.

ISAÏAH 10:8

U kob sarong, “Uwei pa uwei na ki rangbah ai hukum jong nga u dei u syiem!

ISAÏAH 20:5

Kito kiba buh ïa la ka jingshaniah ha ka Sudan bad kiba la kob sarong shaphang ka Ijipt kin shaïong jingmut; la pynkhih ïa ki jingkyrmen jong ki.

ISAÏAH 47:10

“Pha sngewshngain ïa lade ha la ki kam sniew; pha pyrkhat ba ym don mano mano ba ïohi ïa pha. Ka jingstad bad ka jingtip jong pha ki ïalam bakla ïa pha, bad pha ong ha lade, ‘Nga long U Blei — ym don uno uno pat kum ma nga.’

ISAÏAH 5:21

Phi long ba la tim! Phi pyrkhat phi long uba stad, kumta kiba shalak shibun.

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

JEREMAÏAH 48:14

“Ko ki rangbah ka Moab, balei ba phi kam ïa lade kum ki riewkhraw, ki shipai bashlur ba la tynjuh ha ka thma?

JEREMAÏAH 48:7

“Ko Moab, pha shaniah ha la ka jingkhlaiñ bad ha la ka spah, hynrei mynta wat ïa pha ruh yn jop noh; ïa u blei Khemosh jong pha yn ringmraw, lem bad ki khun syiem bad ki lyngdoh.

JEREMAÏAH 49:4

Balei ba ma phi ki briew bymïaineh phi kren sarong? Ka jingkhlaiñ jong phi ka la nang hiar. Balei ba phi shaniah ha la ka bor bad phi ong ba ym don ba nud ban tur ïaleh ïa phi?

ESEKIEL 29:9

Ka Ijipt kan long kaba suda khlem jingmyntoi. Te phin tip ba nga long U Trai. “Namar me la ong ba ka wah Nile ka dei ka jong me bad ba me la pynlong ïa ka,

ESEKIEL 7:19

Kin bret noh ïa la ka ksiar bad ka rupa ha ki lynti bah kum kiba la kyntait, namar ka ksiar lymne ka rupa kan ym lah ban pynim ïa ki haba U Trai un theh noh ïa ka jingbitar shla jong u. Kin ym lah ban pyndonkam ïa ki ban pynhun ïa ka jingangnud jong ki ne pyndap ïa ki snier jong ki. Ka ksiar bad ka rupa ki ïalam ïa ki sha ka jingleh pop.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

SEPHANAÏAH 1:18

Ha ka sngi haba U Trai un pyn-i ïa ka jingbitar shla jong u, wat ka rupa bad ka ksiar jong ki baroh kan ym lah ban pynim ïa ki. Ïa ka pyrthei baroh kawei yn pynjot da ka ding ka jingbitar jong u. Un pynkut — ka jingkut kaba kynsan — ïa uwei pa uwei uba im ha ka pyrthei.

MARKOS 10:24

Ki synran ki la sngewkyndit halor kine ki ktien, hynrei U Jisu u la ong shuh shuh, “Ko khun jong nga, katno ka long kaba eh ban rung sha ka Hima U Blei!

Ka Shithi U Paul Sha Ki Nong Rom 1:22

Ki ong ba ki long kiba stad, hynrei ki long kiba bieit;

1 KORINTH 1:31

Te kumta, kumba ka Jingthoh Bakhuid ka ong, “Uno uno uba kwah ban sngewsarong, u dei ban sngewsarong ha kaei kaba U Trai u la leh.”

DEUTERONOMI 8:17

Husiar ïoh phi ong ha lade, ‘Ka bor bad ka jingkhlaiñ jong nga hi ki la pynriewspah katne ïa nga.’

PHILIPPI 3:10

Baroh kaba nga kwah ka long ba ngan ithuh ïa U Khrist bad ban mad ïa ka bor ka jingmihpat jong u, ban ïoh bynta ha ki jingshahshitom jong u, bad ban long kum ma u ha ka jingïap jong u,

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.

1 SAMUEL 17:42

U ïai wan kham sha jan, bad haba u la ïohi shai ïa u Dabid, u la dap da ka jingbitar shla ïa u namar ba u long tang u khynnah uba saw ngab, uba phyrnai khmat.