JEREMAÏAH 9:22 - Khasi CL Bible (BSI)

²² Ki metïap ki la saphriang ha kylleng, kum ki kynton sboh halor ki lyngkha, kum u riewhadem ba la ot bad iehnoh da ki nongot, u riewhadem u bym don mano mano ba lum. Kane ka long kaei kaba U Trai u la bthah ïa nga ban ong.”

KA BAIBL

²² To kren, “Kumne u ong U Trai, ‘Ki metïap ki briew kin kyllon kum ka kynsha halor ka khmat ka khyndew, bad kum kata ka shi kham hadien u nongot Kew, te ym don ba khar ïa ki.’ ”

JEREMAÏAH 9:22 ပူးပေါင်းရင်းမြစ်များ

2 SYIEM 20:13

U Hesekaïah u pdiang sngewbha ïa ki nonglamktien bad u pyn-i ha ki ïa ka spah ka phew jong u — ka rupa bad ka ksiar jong u, ki musli musla bad ki jingiwbih jong u, bad baroh ki tiar thma ki jong u. Ym don shuh kano kano kaba don ha ki jaka buh tiar jong u lane hangno hangno ha ka hima jong u kaba um shym la pyn-i ha ki.

2 SYIEM 20:15

“Ki la ïohi aïu ha ka ïingsyiem?” “Ki la ïohi lut ïa kiei kiei. Ym don kano kano ha ki jaka buh tiar ïa kaba ngam shym la pyn-i ha ki.”

2 SYIEM 9:37

Ïa kaba sah jong ka yn pynsaphriang hangta kum ka jakhlia, khnang ba yn ym don mano mano uba lah ithuh ïa ki.’ ”

SALM 49:7

U briew un ym lah lano lano ruh ban pynim ïa lade; un ym lah ban siew ïa U Blei ïa ka dor jong ka jingim jong u,

SALM 83:10

Me la jop ïa ki ha Endor, bad ki met jong ki, ki la pyut ha ka khyndew.

PROBERB 18:11

Ki briew kiba riewspah, pynban, ki mutdur ba ka spah jong ki ka ïada ïa ki kum ki kynroh bajrong bakhlaiñ sawdong ïa ka nongbah.

PROBERB 23:4

To long uba stad bha ym ban ym pyrshang ban pynpaw ïa lade ban ïoh spah.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 25:33

Ha kata ka sngi ki met jong kito ïa kiba U Trai u la pynïap kin saphriang na bakut sha bakut ka pyrthei. Yn ym don ba ïambriew ïa ki, bad yn ym don ba shim noh bad tep; kin sah ha khyndew kum ki kynton sboh.

JEREMAÏAH 6:21

Bad kumta ngan pynlong ïa kine ki briew ban jynthut bad kyllon. Ki kpa bad ki khun kin ïap, bad kumta kin long ki paralok bad ki paramarjan.”

JEREMAÏAH 7:33

Ki metïap kin long ka jingbam ïa ki sim bad ïa ki mradkhlaw, bad yn ym don mano mano ban beh pyntieng ïa ki.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

HABAKKUK 1:11

Nangta ki her noh kum ka lyer bad ki jah syndon, kine ki briew kiba ka bor ka long u blei jong ki.”

SEPHANAÏAH 1:17

U Trai u ong, “Ngan wallam ïa ki jingpynjot kiba kum kine ha u bynriew ba uwei uwei baroh un tare shane shatai kum u briew bamatlah. Ki la leh pop pyrshah ïa nga, bad mynta ïa ka snam jong ki yn theh noh kum ka um, bad ki metïap jong ki kin pyut ha khyndew.”

DEUTERONOMI 8:17

Husiar ïoh phi ong ha lade, ‘Ka bor bad ka jingkhlaiñ jong nga hi ki la pynriewspah katne ïa nga.’