JEREMAÏAH 9:21 - Khasi CL Bible (BSI)

²¹ Ka jingïap ka la wan shapoh lyngba ki jingkhangïit jong ngi bad ka la rung sha ki ïingsyiem jong ngi; ka la ot ïa ki khynnah ha ki surok bad ïa ki samla shynrang ha ki jaka ïew.

KA BAIBL

²¹ Naba ka jingïap ka la kiew sha ki jingkhang ïit jong ngi, bad ka la rung sha ki ïingbah jong ngi; ïa ka ban ot noh ïa ki khynnah na shabar, bad ïa ki samla shynrang na ki lynti shnong.

JEREMAÏAH 9:21 ပူးပေါင်းရင်းမြစ်များ

2 KHRONIKL 36:17

Kumta U Trai u wallam ïa u syiem ka Babilonia bad tur ïaleh ïa ki. U syiem u pynïap ïa ki samla shynrang ka Judah, wat hapoh ka Templ hi. Um don jingsngewsynei ïano ïano, samla ne tymmen, shynrang ne kynthei, uba pang ne uba koit. U Blei u aiti ïa ki baroh ha u.

ISAÏAH 40:30

Wat kito kiba dang samla ki sngewtlot; ki rangsamla ki lah ban kyllon ha ka jingthait.

JEREMAÏAH 15:7

Ha kawei pa kawei ka shnong ha ka ri nga la kynting ïa phi sha ka lyer kum ïa u phlangïap. Nga la pynjot ïa phi, ki briew jong nga, nga la pynïap ïa ki khun jong phi namar phim shym sangeh ïa ki rukom basniew jong phi.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

JEREMAÏAH 44:7

“Bad kumta ma nga, U Trai Badonbor Baroh, U Blei ki Israel, mynta nga kylli ba balei phi leh kum kata ka kam kaba sniew ïa lade. Hato phi kwah ban wallam ïa ka jingpynjot ha ki rangbah bad ki kynthei, ki khynnah bad ki khunlung, khnang ba yn ym don na ki briew jong phi ban dang sah?

JEREMAÏAH 50:30

Te ïa ki samla shynrang jong ka yn pynïap ha ki surok bah jong ka nongbah, bad ki shipai jong ka baroh yn pynjot ha kata ka sngi. Ma nga, U Trai, nga la kren.

JEREMAÏAH 6:11

Ka jingbitar jong me pyrshah ïa ki ka pluh ruh hapoh jong nga, A Trai, bad ngam lah ban kun slem shuh ïa ka.” Nangta U Trai u la ong ha nga, “To theh noh ïa ka jingbitar jong nga halor ki khynnah ha ki surok bad ha ki jingïalang jong ki samla shynrang. Ïa ki rangbah bad ki tnga jong ki yn shim noh, bad wat ïa kiba tymmen tam yn ym pynsah.

JEREMAÏAH 6:21

Bad kumta ngan pynlong ïa kine ki briew ban jynthut bad kyllon. Ki kpa bad ki khun kin ïap, bad kumta kin long ki paralok bad ki paramarjan.”

JEREMAÏAH 7:33

Ki metïap kin long ka jingbam ïa ki sim bad ïa ki mradkhlaw, bad yn ym don mano mano ban beh pyntieng ïa ki.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

JOEL 2:9

Ki rung stet sha ka nongbah; ki mareh nalor ki kynroh; ki kiew sha ki ïing bad ki rung lyngba ki jingkhangïit kum ki nongtuh.

AMOS 5:2

Ka theisotti Israel ka la kyllon; Kan ym khie pat lano lano! Ka shah iehnoh ha ka khyndew Bad ym don uwei ruh u ban khyllie ïa ka.

AMOS 6:9

Lada shiphew ngut ki dang sah ha kawei ka ïing, kin ïap.

SEPHANAÏAH 1:17

U Trai u ong, “Ngan wallam ïa ki jingpynjot kiba kum kine ha u bynriew ba uwei uwei baroh un tare shane shatai kum u briew bamatlah. Ki la leh pop pyrshah ïa nga, bad mynta ïa ka snam jong ki yn theh noh kum ka um, bad ki metïap jong ki kin pyut ha khyndew.”