JEREMAÏAH 9:20 - Khasi CL Bible (BSI)

²⁰ Nga la ong, “To sngap ïa U Trai, phi ki kynthei, bad to pynshahshkor ïa ki ktien jong u. To hikai ïa ki khun kynthei jong phi kumno ban ïambriew, bad ïa ki paralok jong phi kumno ban rwai ka jingrwai ïapbriew.

KA BAIBL

²⁰ La kumta ruh to sngew ïa ka ktien U Trai, ko phi ki kynthei, bad to kin pdiang ki shkor jong phi ïa ka ktien ka shyntur jong u, bad to hikai ka jingïambriew ïa la ki khun kynthei, bad ka jingrwai sngewsynei kawei kawei ïa la ka paramarjan.

JEREMAÏAH 9:20 ပူးပေါင်းရင်းမြစ်များ

Ka Kitab U Job 22:22

Pdiang ïa ki jinghikai ba u ai; buh ïa ki ktien jong u ha ka dohnud jong phi.

ISAÏAH 3:16

U Trai u ong, “Ha khmih haduh katno ki kynthei ka Jerusalem ki long kiba sarong! Ki ïaid da kaba pynhieng ïa la ki khmut. Ki ju long borabor kiba kynshleiñ. Ki shim ki sien jam kiba rit itynnat bad ki jingdeng ha ki matsohlah ki sawa.

ISAÏAH 3:4

U Trai un shah ïa ki briew ban shah synshar ha ki khynnah shynrang ki bym pat ïaw.

JEREMAÏAH 14:16

Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

JEREMAÏAH 23:16

U Trai Badonbor Baroh u ong ha ki briew ka Jerusalem: “Wat sngap ïa kaei kaba ki nongïathuhlypa ki ong; ki pyndap ïa phi da ki jingkyrmen bymshisha. Ki ïathuh ïa phi ïa kaei kaba ki shu mutdur bad ym ïa kaei kaba nga la ong.

JEREMAÏAH 23:28

U nongïathuhlypa uba ïoh ka jingphohsniew u dei ban ong ïa ka ba ka long tang ka jingphohsniew, hynrei u nongïathuhlypa uba la ïohsngew ïa ka khubor jong nga u dei ban pynbna hok ïa kata ka khubor. Kaei ka jingbha u jyntang ban ïanujor bad u kew?

JEREMAÏAH 6:11

Ka jingbitar jong me pyrshah ïa ki ka pluh ruh hapoh jong nga, A Trai, bad ngam lah ban kun slem shuh ïa ka.” Nangta U Trai u la ong ha nga, “To theh noh ïa ka jingbitar jong nga halor ki khynnah ha ki surok bad ha ki jingïalang jong ki samla shynrang. Ïa ki rangbah bad ki tnga jong ki yn shim noh, bad wat ïa kiba tymmen tam yn ym pynsah.

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

JEREMAÏAH 9:12

Nga la kylli, “Ko Trai, balei ka ri ka ha ka jingjot jingpra bad ka tyrkhong kum ka ri shyiap, ba ym don mano mano ba leit jingleit lyngba jong ka? Uei uba stad eh ban shemphang ïa kane? Hano me la batai ïa ka ba u lah ban ïathuh ha kiwei pat?”

SNGEWSYNEI 2:19

Baroh shi miet to khie bad ïai khie ban kyang jam ha U Trai; to theh ïa la ka dohnud bad kyrpad ïa u na ka bynta ka jingisynei ïa ki khun jong pha — Ki khun kiba ha ka jingïapthngan ha kawei pa kawei ka kyndong lynti bah!

SNGEWSYNEI 2:21

Kiba samla bad kiba tymmen kumjuh ki thiah ïap ha ki lynti bah, ki samla shynrang bad kynthei, ki la shah pynïap da ki waitlam jong u nongshun jong ki. Me la pynïap ïa ki khlem jingisynei ha ka sngi ka jingbitar jong me.