JEREMAÏAH 9:2 - Khasi CL Bible (BSI)

² Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

KA BAIBL

² A ba ngan da la don ha ri khlaw ka jaka shong basa jong ki nongleit jingleit; ba ngan da ïoh iehnoh ïa ki briew jong nga, bad ban leit noh na ki! Naba ki baroh ki long kiba klim, ka jingïalang ki briew kiba shetkylla.

JEREMAÏAH 9:2 ပူးပေါင်းရင်းမြစ်များ

ISAÏAH 59:3

Phi long kiba la rem namar ka jinglamler, ka jingleh jubor bad ka jingpynïap briew.

JEREMAÏAH 12:1

“A Trai, lada nga ïasaid ïa ka kam jong nga bad me, men pynshisha ba me long ha kaba dei. Pynban nga dei ban kylli ïa me shaphang ki bynta ka jingbishar hok. Balei ba ki rangbah basniew ki manbha katta katta? Balei ba ki rangbah bymhok ki jop?

JEREMAÏAH 12:6

Wat ki hynmen ki para shynrang jong me, ki dkhot jong ka longïing jong me hi, ki la shetkylla ïa me; ki la ïasoh ha ki jingtur ïaleh pyrshah ïa me. Wat shaniah ïa ki, wat la ki kren ki ktien sngewieit.”

JEREMAÏAH 13:22

Lada pha kylli balei kane baroh ka la jia ha pha — balei ba ki jaiñ jong pha ki la kad noh bad pha la shah batbor — ka dei namar ba ka pop jong pha ka long kaba shyrkhei.

JEREMAÏAH 23:10

Ka ri ka jyllei da ki briew ki bymïaineh ha U Trai; ki im ka jingim bymman bad pyndonkam bakla ïa la ka bor. Namar ka jingtim U Trai, ka ri ka ïamkthang, bad ki jaka phlang ki tyrkhong.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 5:1

Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

JEREMAÏAH 5:11

Ki briew jong ka Israel bad Judah ki la shetkylla la biang ïa nga, ma nga, U Trai, nga la kren.”

JEREMAÏAH 5:2

Wat la phi kam ba phi mane ïa U Trai, phim shym mut kumba phi ong.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 5:7

Ki la long ki bymïaineh ha U Trai; ki khun jong ki kim long ki jong u. Kumta mynta, ma ki bad ki jaka jong ki kin sa shah pynjot noh shen.

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

HOSIA 7:4

Baroh ki long kiba shetkylla bad ki bym lah shaniah. Ka jingisih jong ki, ka ing suki kum ka ding ha ka tyndur, ka bym shym la pynkhih da u nongshet kpu haduh ba u 'purew u lah long ban shet.

MIKAH 6:12

Ki briew bariewspah jong phi ki kjit na kiba duk, bad baroh ki long ki nongshukor.

SEPHANAÏAH 3:4

Ki nongïathuhlypa ki long ki bym don jingkitkhlieh bad kiba shetkylla; ki lyngdoh ki pyntngit ïa kaei kaba kyntang, bad ki pynwan ïa ka aiñ jong U Blei sha ka jingmyntoi jong ki hi.

MALAKHI 2:11

Ki paid Judah ki la pynkheiñ ïa ka jingkular jong ki sha U Blei bad ki la leh ïa kaei kaei kaba shyrkhei ha Jerusalem bad ha ka ri baroh kawei. Ki la pynjakhlia ïa ka Templ kaba U Trai u ieit. Ki rangbah ki la shongkurim ïa ki kynthei kiba mane ïa ki blei nongwei.

MALAKHI 2:14

Phi kylli balei ba um shym pdiang shuh ïa ki. Ka long namar u tip ba phi la pynkheiñ ïa ka kular jong phi ïa ka tnga kaba phi la shongkurim mynba phi dang khynraw. Ka la long ka paralok jong phi, bad phi la pynkheiñ ïa ka jingkular jong phi ïa ka, wat la phi la kular ha khmat U Blei ba phin ïaineh bad ka.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

NONGBISHAR 2:10

Kata ka pateng bynriew baroh ka la ïap, bad ka pateng bynriew kaba bud ka la klet ïa U Trai bad ïa kaei kaba u la leh na ka bynta ki Israel.