JEREMAÏAH 9:18 - Khasi CL Bible (BSI)

¹⁸ Ki briew ki la ong, “Ïathuh ïa ki ban pynkloi bad rwai ka jingrwai ïapbriew na ka bynta jong ngi, tad haduh ba ki khmat jong ngi kin dap da ki ummat, bad ba ki irmat jong ngi ki jhieh na kaba ïam.”

KA BAIBL

¹⁸ bad to kin pynkloi noh, bad pynmih noh ka jingïambriew ïa ngi, ba ki khmat jong ngi kin tuid da ki jingjaw ummat, bad ba kin pynmih um buk ki irmat jong ngi.

JEREMAÏAH 9:18 ပူးပေါင်းရင်းမြစ်များ

SALM 119:136

Ki ummat jong nga ki tuid kum ka wah, namar ki briew kim kohnguh ïa ka aiñ jong me.

ISAÏAH 22:4

Mynta to iehnoh ïa nga marwei ban ïamkthang halor kito na ki briew jong nga kiba la ïap. Wat pyrshang ban pyntngen ïa nga.

JEREMAÏAH 13:17

Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

JEREMAÏAH 14:17

U Trai u la hukum ïa nga ban ïathuh ïa ki briew shaphang ka jingsngewsih jong nga bad ban ong: “Ai ba ki khmat jong nga kin tuid da ki ummat mynsngi bad mynmiet, ai ba da lei lei ngan ym sangeh ban ïam, namar ki briew jong nga ki la mynsaw jur bad ki la mong tyngeh.

JEREMAÏAH 3:24

Hynrei ka jingmane ïa u Baal, u blei ka jinglehrain, ka la pynlong ïa ngi ban duh ïa ki kynhun langbrot bad kynhun masi, ïa ki khun shynrang bad ki khun kynthei — kiei kiei baroh kiba ki kpa tymmen jong ngi ki la trei naduh ki por mynbarim.

JEREMAÏAH 3:25

Ngi dei ban shah ha ka jinglehrain bad ai ba ka jingjahburom kan tap ïa ngi. Ma ngi bad ki kpa tymmen jong ngi, ngi la ïai leh pop pyrshah ïa U Trai U Blei jong ngi; ngim shym la kohnguh ïa ki hukum jong u.”

JEREMAÏAH 4:20

Kawei ka jingjot ka bud hadien kawei pat, ïa ka ri baroh kawei la iehnoh ha ka jingjot. Kynsan kynsan la pynjot ïa ki ïingjaiñ jong ngi, ïa ki pyrda jong ki la tar lyngkhot.

JEREMAÏAH 6:26

U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

JEREMAÏAH 9:20

Nga la ong, “To sngap ïa U Trai, phi ki kynthei, bad to pynshahshkor ïa ki ktien jong u. To hikai ïa ki khun kynthei jong phi kumno ban ïambriew, bad ïa ki paralok jong phi kumno ban rwai ka jingrwai ïapbriew.

SNGEWSYNEI 1:2

Baroh shi miet lynter ka ïam; ki ummat ki tuid ha ki ngab jong ka. Na baroh ki paralok jong ka kiba mynshuwa, ym don iwei ruh iba sah ban pyntngen ïa ka. Kiba ïateh lok bad ka ki la shetkylla ïa ka bad baroh ki la long pyrshah ïa ka mynta.

SNGEWSYNEI 2:11

Ki khmat jong nga ki la tlot da ka jingïam; ka mynsiem jong nga ka don ha ka jinglyng-a. Nga la thait da ka jingsngewsih ha ka jingshah pynjot jong ki briew jong nga. Ki khynnah bad ki khunlung ki ïapler ha ki lynti bah jong ka nongbah.

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

SNGEWSYNEI 2:18

Ko Jerusalem, ai ba ki kynroh jong pha hi kin kyang jam sha U Trai! Ai ba ki ummat jong pha kin tuid kum ki wah bad miet bad sngi; pynthait ïa lade da ka jingïam bad da ka jingsngewsih!

SNGEWSYNEI 3:48

Ki khmat jong nga ki tuid da ki ummat kum ki wah ha ka jingshah pynjot jong ki briew jong nga.

AMOS 5:16

Bad kumta U Trai Nongsynshar Badonbor Baroh, u ong, “Kan don ka jinglynñiar bad ki jingïam sngewsih ha ki lynti bah jong ka nongbah. Wat ïa ki nongrep yn khot ban ïam na ka bynta kiba ïap lem bad kito ïa kiba lah da siew ban ïambriew.

LOUKAS 19:41

U la poi kham jan sha ka nongbah, bad haba u la ïohi ïa ka, u la ïam na ka bynta jong ka, u da ong,