JEREMAÏAH 9:14 - Khasi CL Bible (BSI)

¹⁴ Pynban, ki la long kiba mutlop bad ki la mane ïa ki bleithaw u Baal kumba ki kpa jong ki, ki la hikai ïa ki ban leh.

KA BAIBL

¹⁴ hynrei, ki la ïaid katba kum ka jingmutlop ka dohnud jong ki hi, bad katba kum ki Baal, kiba ki kpa jong ki, ki la hikai ïa ki:”

JEREMAÏAH 9:14 ပူးပေါင်းရင်းမြစ်များ

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

Ka Kitab U Job 9:18

Um shah ïa nga ban ïoh pynhiar mynsiem; u la pyndap ïa ka jingim jong nga da ka jingkthang.

JEREMAÏAH 11:8

Hynrei kim shym la shahshkor lane kohnguh. Pynban, uwei uwei baroh u ïai bteng ban long uba mutlop bad uba sniew kumba u ju long. Nga la hukum ïa ki ban bat ïa ka jutang, hynrei ki la kyntait. Kumta nga la wallam halor jong ki baroh ïa ki jingpynshitom kiba la batai ha ka.”

JEREMAÏAH 13:10

Kine ki briew basniew ki la kyntait ban kohnguh ïa nga. Ki la long kiba mutlop bad bymman kumba ki la ju long, bad ki la mane bad shakri ïa kiwei ki blei. Kumta te, ki la long kum kine ki patlun lyngkot ki bym long shuh ban pyndonkam.

JEREMAÏAH 16:12

Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

JEREMAÏAH 2:23

Kumno me lah ban ong ba mem shym la pyntngit ïa lade, ba mem pat ju mane ïa u Baal? Ha khmih kumno me la leh pop ha ka them; ha peit kaei me la leh. Me long kum ka ut khlaw ha ka por jingkwah shongkha jong ka, kaba mareh laitluid kylleng,

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 23:15

“Kumta te, kane ka long kaei kaba ma nga, U Trai Badonbor Baroh, nga ong shaphang ki nongïathuhlypa ka Jerusalem: “Ngan ai ïa ki da ki jhur kthang ban bam, bad ka bih ba kin dih; namar ba ki la pynsaphriang ïa ka jingbymriewblei kylleng ka ri.”

JEREMAÏAH 23:27

Ki pyrkhat ba ki jingphohsniew ba ki ïathuh kin pynlong ïa ki briew jong nga ban klet ïa nga, kumba ki kpa jong ki, ki la klet ïa nga bad phai sha u Baal.

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

JEREMAÏAH 44:17

Ngin leh ïa kiei kiei baroh ïa kiba ngi la ong ban leh. Ngin ai ïa ki jingkñia sha ka blei jong ngi, ka Syiem jong ka Bneng, bad ngin theh ïa ki jingainguh waiñ sha ka, kumba ma ngi bad ki kpa tymmen jong ngi, u syiem jong ngi bad ki nongïalam jong ngi, ki la ju leh ha ki shnong ka Judah bad ha ki surok bah ka Jerusalem. Nangta ngi don ka bam kyrhai, ngi manbha, bad ngim ju don jingjynjar.

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

JEREMAÏAH 8:14

“Balei ba ngi ïashong khop?” Ki briew jong U Blei ki ïakylli. “Ale, ngin ïaphet sha ki nongbah ba la ker kynroh, bad ïap hangta. U Trai U Blei jong ngi u la pynrem ïa ngi ban ïap; u la ai ha ngi ka bih ban dih, namar ngi la leh pop pyrshah ïa u.

SNGEWSYNEI 3:15

Ka jingshah shitom bakthang ka long baroh kaba u la ai ïa nga kum ka jingbam bad jingdih.

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

GALATIA 1:14

Nga la long uba ha khmat tam ïa kiba bun ki para Jiw kiba ïaryngkat rta bad nga ha kaba bud pyrkhing ïa ka niam Jiw, bad nga la kham pynleit jingmut shibun ha ki rukom pateng jong ki kpa tymmen jong ngi.

EPHESOS 2:3

Ha ka jingshisha, baroh na ngi, ngi la long kum ma ki bad ngi la im kat kum ki jingkwah ka doh jong ngi, da kaba leh ïa kano kano kaba ïahap kat kum ki jingkwah jong ki met bad ki jingmut jingpyrkhat jong ngi hi. Ha ka jinglong tynrai jong ngi, kumba long uwei pa uwei, la buh lypa ban shah pynshitom ha ka jingbitar U Blei.

1 PETROS 1:18

Naba phi tip ïa kaei kaba la siew ban pyllaitluid ïa phi na ka rukom im bymmyntoi kaba la ïohpateng na ki kpa tymmen jong phi. Kam shym long kaei kaei ïa kaba lah ban pynjot, kum ka rupa ne ka ksiar;