JEREMAÏAH 9:12 - Khasi CL Bible (BSI)

¹² Nga la kylli, “Ko Trai, balei ka ri ka ha ka jingjot jingpra bad ka tyrkhong kum ka ri shyiap, ba ym don mano mano ba leit jingleit lyngba jong ka? Uei uba stad eh ban shemphang ïa kane? Hano me la batai ïa ka ba u lah ban ïathuh ha kiwei pat?”

KA BAIBL

¹² Uei uta u briew u bastad, uba lah ban sngewthuh ïa kane? bad uei uta ha uba ka shyntur U Trai ka la kren, ba u lah ban pynpaw ïa ka? Balei ba ka ri ka la jot bad ba la thang duh kum ka ri khlaw, katba ym don ba ïaid nangta shuh?

JEREMAÏAH 9:12 ပူးပေါင်းရင်းမြစ်များ

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

SALM 107:43

To ai ba kito kiba stad kin pyrkhat shaphang kine kiei kiei; to kin pyrkhat shaphang ka jingieit baneh U Trai.

ISAÏAH 42:23

Hato uno uno na phi un sngap ïa kane? Naduh mynta hato phin shahshkor bha?

JEREMAÏAH 23:10

Ka ri ka jyllei da ki briew ki bymïaineh ha U Trai; ki im ka jingim bymman bad pyndonkam bakla ïa la ka bor. Namar ka jingtim U Trai, ka ri ka ïamkthang, bad ki jaka phlang ki tyrkhong.

JEREMAÏAH 23:16

U Trai Badonbor Baroh u ong ha ki briew ka Jerusalem: “Wat sngap ïa kaei kaba ki nongïathuhlypa ki ong; ki pyndap ïa phi da ki jingkyrmen bymshisha. Ki ïathuh ïa phi ïa kaei kaba ki shu mutdur bad ym ïa kaei kaba nga la ong.

JEREMAÏAH 23:22

Lada ki la tip ïa ki jingmut barieh jong nga, te kin jin da la pynbna ïa ka khubor jong nga sha ki briew jong nga, bad kin jin da la pynlong ïa ki ban iehnoh ïa ki jingim basniew ba ki im bad na ki kam bymman ba ki leh.

JEREMAÏAH 23:28

U nongïathuhlypa uba ïoh ka jingphohsniew u dei ban ong ïa ka ba ka long tang ka jingphohsniew, hynrei u nongïathuhlypa uba la ïohsngew ïa ka khubor jong nga u dei ban pynbna hok ïa kata ka khubor. Kaei ka jingbha u jyntang ban ïanujor bad u kew?

JEREMAÏAH 9:20

Nga la ong, “To sngap ïa U Trai, phi ki kynthei, bad to pynshahshkor ïa ki ktien jong u. To hikai ïa ki khun kynthei jong phi kumno ban ïambriew, bad ïa ki paralok jong phi kumno ban rwai ka jingrwai ïapbriew.

ESEKIEL 14:23

te phin tip ba ka la don ka daw kaba bha ïa kaei kaei baroh kaba nga la leh.” U Trai Nongsynshar u la kren.

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

HOSIA 4:10

Phin sa bam ïa la ka bynta na ki jingkñia hynrei phin ïai thngan. Phin sa mane ïa ki blei pynkharoi, hynrei la katta ruh phin ym ïoh khun satia, namar phi la phai lyndet na nga bad bud ïa kiwei pat ki blei.”

JOEL 1:11

To sngewsih, phi ki nongrep; to ïam, phi kiba sumar ïa ki bri sohwaiñ, namar u kew, u barli, ho-oid, ïa baroh ki jingthung la pynjot.

SEPHANAÏAH 3:6

U Trai u ong, “Nga la pynduh lut ïa ki jaitbynriew baroh; nga la pynjot ïa ki nongbah jong ki bad iehnoh ïa ki kynroh bad ïa ki kut jong ki ha ki jingjot. Ki nongbah ki la shah iehnoh; ki lynti bah ki thylli — ym shym pynsah ïa uwei ruh.

MATHAÏOS 24:15

“Phin ïohi ïa ‘Ka Jingijli Bashyrkhei’ ïa kaba u Daniel u nongïathuh lypa u la kren. Kan ïeng ha ka jaka bakhuid.” (Ka jingkynthoh ïa u nongpule: Da pynthikna ban shemphang aïu kane ka kit jingmut!)

DEUTERONOMI 32:29

Kim lah sngewthuh balei ba ki la shahjop; kim lah shemphang ïa kaba la jia.

JINGPYNPAW 1:3

Suk uta uba pule ïa kane ka kitab, bad suk kito kiba shahshkor ïa ki ktien jong kane ka khubor jong ka jingïathuhlypa bad kiba kohnguh ïa kaei kaba la thoh ha kane ka kitab! Naba ka por ka la jan haba baroh kine kiei kiei kin sa jia.