JEREMAÏAH 9:11 - Khasi CL Bible (BSI)

¹¹ U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

KA BAIBL

¹¹ Bad ngan pynlong lymbher tait ïa ka Jerusalem, ka jaka shong ki myrsiang; bad ngan pynlong ka jingkynjah ïa ki shnong ka Judah, bymshong briew shuh.”

JEREMAÏAH 9:11 ပူးပေါင်းရင်းမြစ်များ

NEHEMAÏAH 4:2

Ha khmat ki paralok jong u bad ki shipai Samaria u ong, “Kaei, kine ki Jiw shem-lanot, ki tharai ba ki leh? Hato ki pyrkhat ba da ka jingkñia jingainguh ki lah ban pyndep ïa ka kam ha ka shi sngi? Hato ki lah ban pynlong ïa ki maw jingtei na ki kynton jong ki synrum ba la ing?”

SALM 107:43

To ai ba kito kiba stad kin pyrkhat shaphang kine kiei kiei; to kin pyrkhat shaphang ka jingieit baneh U Trai.

SALM 44:19

Pynban me la iehnoh khlem jingïarap ïa ngi hapdeng ki mradkhlaw; me la iehnoh ïa ngi hapdeng ka jingdum tliw tliw.

SALM 79:1

A Blei, ki nongmane bleithaw ki la wan hiarthma ïa ka ri jong me. Ki la pyntngit ïa ka Templ bakhuid jong me; bad iehnoh ïa ka Jerusalem ha ka jingjot jingpra.

ISAÏAH 13:22

Ki mot bad ki ïingsyiem kin sawa da ki jingpah jong ki haïena bad ki myrsiang. Ka por jong ka Babilon ka la wan! Ki sngi jong ka ki la jan kut.”

ISAÏAH 25:2

Me la pynjot ïa ki nongbah bad pynpra ïa ki jingtei-kut. Ki ïingsyiem kiba ki nongshun jong ngi ki la tei ki la jah noh junom.

ISAÏAH 34:13

Ki shiah bad shiah buid kin mih ha baroh ki ïingsyiem bad ki shnong ba la ker kynroh, bad ki myrsiang bad ki dkhoh kin shong ha ki.

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

JEREMAÏAH 1:15

namar nga khot ïa baroh ki jaitbynriew ha ka phang bashatei ban ïawan. Ki syiem jong ki kin pynïeng ïa ki khet jong ki ha ki khyrdop jong ka Jerusalem bad sawdong ïa ki kynroh jong ka bad ruh sawdong ïa kiwei pat ki nongbah jong ka Judah.

JEREMAÏAH 10:22

To shahshkor! Ka khubor ka wan! Ka don ka jingkhihwin bakhraw ha ka jaitbynriew bashatei; ka kynhun shipai jong ka kan pynkylla ïa ki nongbah ka Judah sha ka ri shyiap, ka jaka ha kaba ki shong ki myrsiang.”

JEREMAÏAH 16:10

“Haba me ïathuh ha ki ïa kane baroh, kin kylli ïa me balei ba nga la kut jingmut ban pynshitom tyngeh ïa ki. Kin kylli kaei ka kam runar kaba ki la shah pynrem bad kaei ka pop ba ki la leh pyrshah ïa U Trai U Blei jong ki.

JEREMAÏAH 25:11

Ka ri baroh kawei kan sa shah iehnoh ha ka jingjot bad ka jinglong ba sngewkyndit, bad ki jaitbynriew ba-marjan kin shakri ïa u syiem ka Babilonia hynñiewphew snem.

JEREMAÏAH 25:18

Ïa ka Jerusalem bad ki shnong baroh jong ka Judah, lem bad ki syiem bad ki nongïalam jong ka, la pynlong ïa ki ban dih na ka, khnang ba kin kylla long ka ri shyiap, ka jaka kaba ishyrkhei bad pynkyndit ban peit; bad khnang ba ki briew kin pyndonkam ïa ki kyrteng jong ki kum ka jingtim — katba ki dang ïai leh.

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

JEREMAÏAH 26:9

Balei ba me la kren ha ka kyrteng jong U Trai ba kane ka Templ kan long kum ka Shiloh bad ba ïa kane ka nongbah yn pynjot bad yn ym don bashong ba sah hangta?” Nangta ki briew ki ïalum sawdong ïa nga.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 4:27

(U Trai u la ong ba ka pyrthei baroh kawei kan kylla long ka ri khlaw, hynrei ba un ym pynjot khoit ïa ka.)

JEREMAÏAH 44:2

U Trai Badonbor Baroh, U Blei ki Israel, u ong, “Phi hi da lade phi la ïohi ïa ka jingpynjot kaba nga la wanrah ha Jerusalem bad ha baroh kiwei ki nongbah ka Judah. Wat mynta ki dang sah ha ki jingjot, bad ym don ba sah ha ki namar ki briew jong ki, ki la leh ïa kaba sniew bad ki la pynlong ïa nga ban bitar. Ki ai jingkñia ha kiwei pat ki blei bad shakri ïa ki blei kiba ma ki ne ma phi ne ki kpa tymmen jong phi kim ju mane.

JEREMAÏAH 49:33

Ïa ka Hasor yn pynkylla ri shyiap junom, ka jaka ha kaba tang ki myrsiang kin im. Yn ym don mano mano shuh ban shong ban sah biang hangta. Ma nga, U Trai, nga la kren.”

JEREMAÏAH 50:3

“Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

JEREMAÏAH 51:37

Kata ka ri kan long kum ka kynton ñiut ha kaba ki mradkhlaw ki im. Kan long kaba shyrkhei ban peit; yn ym don mano mano ban sah hangta, bad baroh kiba ïohi ïa ka kin sngewshyrkhei.

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

SNGEWSYNEI 1:4

Ym don mano mano ba wan sha ka Templ mynta ban mane ha ki sngi bakhuid. Ki kynthei samla kiba rwai hangta ki shahshitom, bad ki lyngdoh ki lah tang ban shu ud. Ki khyrdop ka nongbah ki ïeng thylli, bad ka Seïon ka don ha ka jingkordit.

SNGEWSYNEI 2:2

U Trai u la pynjot khlem ka jingisynei ïa kawei pa kawei ka nongrit ha Judah bad u la kad pynpra ïa ki kut kiba ïada ïa ka ri. U la wallam ka jingjahburom ha ka hima bad ki nongsynshar jong ka.

SNGEWSYNEI 3:47

Ngi la ïaid lyngba ka jingpynjot bad jingpra; ngi im ha ka jingma bad ka jingsheptieng.

LEBITIKOS 26:32

Ngan pynjot thiaw ïa ka ri jong phi haduh ba ki nongshun jong phi kiba ïohknieh ïa ka kin da lyngngoh ngaiñ ïa ka jingpynjot.

MIKAH 1:6

Kumta U Trai u ong, “Ngan pynlong ïa ka Samaria ka kynton ñiut ha rudnong, ka jaka ban thung ïa ki dieng sohwaiñ. Ngan theh noh ïa ka jakhlia jong ka nongbah sha ka jaka them, bad ngan pynpaw shabar tang ïa ki maw nongrim jong ka nongbah.

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.