JEREMAÏAH 9:10 - Khasi CL Bible (BSI)

¹⁰ Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

KA BAIBL

¹⁰ “Na ka bynta ki lum bah ngan pynlong ka jingïam bad ka jinglynñiar, bad ïa ka jingsngewsih na ka bynta ki jaka bam phlang ka ri khlaw, naba la wiang duh ïa ki, katba ym don ba ïaid nangta shuh lymne ki briew kim lah ban ïohsngew shuh ïa ka jingpah ki jingri; u sim bneng bad u mrad ruh ki la ïaphet ïap, ki la leit noh.

JEREMAÏAH 9:10 ပူးပေါင်းရင်းမြစ်များ

ISAÏAH 41:15

Ngan pynlong ïa me kum ka kor khlur-kba, lem bad ki bniat kiba thymmai banep. Men tylliat ïa ki lumbah bad pynlwet ïa ki; ki lumrit kin lwet kum u pui pui.

ISAÏAH 49:19

“Ïa ka ri jong pha la pynjot bad la iehnoh kynjah — hynrei mynta kan rit eh na ka bynta kito ki ban wan ban shong hangta. Bad ïa kito kiba la iehnoh ïa pha ha ka jingjot yn pynkynriah jngai na pha.

JEREMAÏAH 12:10

Shibun ki nongsynshar nongwei ki la pynjot ïa ka bri sohwaiñ jong nga; ki la ïuhroit ïa ki lyngkha jong nga; ki la pynkylla ïa ka ri ba-itynnat jong nga sha ka ri shyiap.

JEREMAÏAH 12:11

Ki la pynkylla ri khlaw ïa ka; ka la long thylli ha khmat jong nga. Ka ri baroh kawei ka la kylla long ka ri shyiap, bad ym don mano mano ba salia.

JEREMAÏAH 12:4

Sa katno ba ka ri jong ngi kan tyrkhong, bad ba u phlang ha kawei pa kawei ka pyntha un ïapstai? Ki mrad bad ki sim ki ïap namar ka jingbymman jong ki briew jong ngi, ki briew kiba ong, ‘U Blei um ïohi ïa kaei kaba ngi leh.’ ”

JEREMAÏAH 14:6

Ki kada khlaw ki ïeng halor ki kliar lum bad ki thrang ban ring mynsiem kum ki myrsiang; ka jingïohi ki khmat jong ki kam ïarap ïa ki namar kim don jingbam.

JEREMAÏAH 2:15

Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

JEREMAÏAH 23:10

Ka ri ka jyllei da ki briew ki bymïaineh ha U Trai; ki im ka jingim bymman bad pyndonkam bakla ïa la ka bor. Namar ka jingtim U Trai, ka ri ka ïamkthang, bad ki jaka phlang ki tyrkhong.

JEREMAÏAH 50:3

“Ka jaitbynriew na shatei ka la wan ban tur ïaleh ïa ka Babilonia bad yn pynlong ri shyiap ïa ka. Ki briew bad ki mrad kin phet krad noh, bad yn ym don bashong ba sah hangta.”

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

JEREMAÏAH 8:18

Ïa ka jingsngewsih jong nga ym lah ban pynkhiah; nga pang ha ka dohnud.

SNGEWSYNEI 1:16

“Kata ka long balei ba ki khmat jong nga ki shlei da ki ummat. Ym don mano mano ba lah ban pyntngen ïa nga; ym don mano mano ba lah ban ai jingshlur ïa nga. U nongshun u la jop ïa nga; ki briew jong nga kim don ei ei shuh kaba sah.

SNGEWSYNEI 2:11

Ki khmat jong nga ki la tlot da ka jingïam; ka mynsiem jong nga ka don ha ka jinglyng-a. Nga la thait da ka jingsngewsih ha ka jingshah pynjot jong ki briew jong nga. Ki khynnah bad ki khunlung ki ïapler ha ki lynti bah jong ka nongbah.

SNGEWSYNEI 5:18

namar u lum Seïon u long kynjah bad u la shah iehnoh, bad ki myrsiang khlaw ki shang kylleng lyngba ki jingpra jong u.

ESEKIEL 14:15

“Lane nga lah ban phah ïa ki mradkhlaw ban pynïap ïa ki briew, da kaba pynlong ïa ka ri kaba ma katta katta ba ym don uno uno uba lah ban leit lyngba ïa ka,

ESEKIEL 27:2

“Ko khun u briew, to rwai ïa ka jingrwai ïapbriew na ka bynta ka Tyros,

ESEKIEL 29:11

Yn ym don bynriew ne mrad ban ïaid lyngba jong ka. Na ka bynta sawphew snem yn ym don ban im hangta.

ESEKIEL 33:28

Ngan sa pynlong ïa ka ri ka jaka kynjah, bad ka bor kaba ki ju sngewsarong katta katta kan sa kut noh. Ki lumbah ka Israel kin long khlaw kynjah ba ym don uba nud ban leit jingleit lyngba jong ki.

ESEKIEL 6:6

Ïa baroh ki nongbah ka Israel yn pynjot noh, kumta ba ïa ki duwan jong ki bad ki bleithaw jong ki yn pynpait lyngkhot lyngkhai, ïa ki duwan jingiwbih jong ki yn pynpra lyngkhot lyngkhai, bad ïa ki jingtei jong ki baroh yn sa pynjot noh.

HOSIA 4:3

Bad kumta ka ri kan sa tyrkhong, kiei kiei baroh kiba im ha ka kin ïap. Baroh ki mrad bad ki sim, bad wat ki dohkha ruh, kin ïap.”

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

JOEL 1:19

Nga pyrta sha me, ko Trai, namar ki jaka phlang bad ki dieng ki la tyrkhong, kumba ka ding ka la thang ïa ki.

AMOS 5:1

To shahshkor, ko ki paid Israel, ïa kane ka jingrwai leit ontep kaba nga rwai ha phi:

AMOS 5:16

Bad kumta U Trai Nongsynshar Badonbor Baroh, u ong, “Kan don ka jinglynñiar bad ki jingïam sngewsih ha ki lynti bah jong ka nongbah. Wat ïa ki nongrep yn khot ban ïam na ka bynta kiba ïap lem bad kito ïa kiba lah da siew ban ïambriew.

MIKAH 2:4

Haba kata ka por ka poi, ki briew kin pyndonkam ïa ka jingïathuhkhana jong phi kum ka nuksa ïa ka jingpynjot, bad kin rwai ïa kane ka jingrwai sngewsih ïa ka jingshem jong phi: “La pynjot thiaw ïa ngi! U Trai u la shim noh ïa ka ri jong ngi bad u la ai ïa ka sha kito kiba la ring koidi ïa ngi.”

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.