JEREMAÏAH 8:7 - Khasi CL Bible (BSI)

⁷ Wat ki thring ki tip lano ka dei ka por ban wan phai; ki lyngdkhur, ki lyntait, bad ki throsh ki tip lano ka dei ka por ban leit noh shawei. Hynrei, ko ki briew jong nga, phim shym tip ïa ki aiñ da kiba nga synshar ïa phi.

KA BAIBL

⁷ Shisha, ka thring ha bneng ka tip ïa la ka samoi ba la buh; bad ka lyngdkhur bad ka lyntait bad u sim puh dohkha ki sumar ïa ka por ka jingwan jong ki; hynrei, ki briew jong nga kim tip ïa ki aiñ jong U Trai.

JEREMAÏAH 8:7 ပူးပေါင်းရင်းမြစ်များ

JINGRWAI SOLOMON 2:12

ha ka rudnong ki syntiew ki phuh. Kane ka dei ka por ban rwai; ïa ka jingrwai ka lyngdkhur la ïohsngew ha ki lyngkha.

ISAÏAH 1:3

Ki jingri ki tip mano ba long trai ïa ki, bad ki kada ki tip hangno u kynrad jong ki u bsa ïa ki. Hynrei kata ka kham bun ban ïa kaba ki briew jong nga ki Israel ki tip. Kim shemphang ei ei.”

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 5:12

Ha ki jingkhawai jong phi, phi don ki duitara, ki shakuriaw bad ki tangmuri — bad ka waiñ. Hynrei phim sngewthuh aïu U Trai u leh,

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

HABAKKUK 1:4

Ka aiñ ka tlot bad kam myntoi ei ei, bad ym ju don ka jingbishar hok. Ki briew kiba sniew ki ïoh ïa kaba kham bha ban ïa kiba hok, bad kumta ïa ka jingbishar hok la pynjngut.

SEKHARAÏAH 5:9

Nga la khmih shajrong bad ïohi ïa ki ar ngut ki kynthei kiba her sha nga lem bad ki thapniang bakhlaiñbor kum kito ki jong ka thring. Ki la shim ïa ka shang bad ki her noh lem bad ka.