JEREMAÏAH 8:4 - Khasi CL Bible (BSI)

⁴ U Trai u la bthah ïa nga ban ong ha ki briew jong u, “Haba uno uno u kyllon, hato un ym ïeng pat? Lada uno uno u bakla lynti, hato un ym wan phai pat?

KA BAIBL

⁴ Nalor kata, men ong ïa ki, “Kumne u ong U Trai: Ki briew kin kyllon du, bad kin ym ïeng pat? Ju don uwei uba phai noh, bad u bym wan kylla pat?

JEREMAÏAH 8:4 ပူးပေါင်းရင်းမြစ်များ

1 SYIEM 8:38

to shahshkor ïa ki jingduwai jong ki. Lada uno uno na ki briew jong me ki Israel, da kaba sngewkynduh ha la ka mynsiem, ki kner la ki kti ha ka jingduwai sha kane ka Templ, to sngap ïa ka jingduwai jong ki.

PROBERB 24:16

Kam pher katno sien uba hok u kyllon, borabor un khie pat; hynrei ka jingjot ka pynjot ïa ki bymman.

ISAÏAH 44:22

Nga la weng noh ïa ki pop jong phi kum ïa u lyoh. To wan phai pat sha nga; nga long uta uba la pynim ïa phi.”

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

JEREMAÏAH 23:14

Hynrei ha ki nongïathuhlypa ka Jerusalem nga la ïohi ba ki leh kaba kham sniew: ki klim bad ki kren lamler; ki pynshlur ïa ki briew ban leh ïa ka bymdei, kumta ba ym don ba sangeh noh ïa kaei kaba sniew. Ha nga, ki long baroh kiba sniew kum ki briew ka Sodom, bad ka Gomorrah.

JEREMAÏAH 3:1

U Trai u ong, “Lada u briew u pyllait noh ïa la ka tnga, bad ka iehnoh ïa u bad ka long noh ka tnga jong uwei pat u briew, um dei ban shim pat ïa ka. Kane kan pyntngit lut ïa ka ri. Hynrei, ko Israel, pha la lah don shibun ki nongleh-ieit, bad mynta pha kwah ban wan phai sha nga!

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 4:1

U Trai u ong, “Ko paid Israel, lada phi kwah ban wan phai, to wan phai noh sha nga. Lada phi shaniah ha nga bad weng noh ïa ki bleithaw kiba nga ijli,

ESEKIEL 18:23

Hato phi pyrkhat ba nga kmen ban ïohi ba ki briew kiba sniew ki ïap?” U Trai Nongsynshar u kylli. “Em, nga kham mon ban ïohi ïa ki ba ki kylla-kaba-mut bad ki im.

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

HOSIA 7:10

Ka jingsngewmeng ki paid Israel ka kyang pyrshah ïa ki hi. Wat haba kane baroh ka la jia, kim shym la wan phai sha nga, U Trai U Blei jong ki.

AMOS 5:2

Ka theisotti Israel ka la kyllon; Kan ym khie pat lano lano! Ka shah iehnoh ha ka khyndew Bad ym don uwei ruh u ban khyllie ïa ka.

MIKAH 7:8

Ki nongshun jong ngi kim don daw ban risa beiñ halor jong ngi. Ngi la kyllon noh, hynrei ngin khie pat. Ngi don ha ka jingdum mynta, hynrei U Trai un ai jingshai ïa ngi.