JEREMAÏAH 8:3 - Khasi CL Bible (BSI)

³ Bad ki briew jong kane ka jaitbynriew basniew kiba dang im, kiba shong ha ki jaka kiba nga la pynsakma ïa ki, kin jied ban ïap ban ïa kaba ki ïai im. Ma nga, U Trai, nga la kren.”

KA BAIBL

³ Yn kham jied ïa ka jingïap ban ïa ka jingim da kiba dang sah baroh kiba sah tam na kane ka jaid bymman, kiba dang sah ha ki jaka baroh sha kiba nga la beh ïa ki,” ong U Trai ki paid.

JEREMAÏAH 8:3 ပူးပေါင်းရင်းမြစ်များ

1 SYIEM 19:4

U Elijah u ïaid baroh shi sngi ha ka ri khlaw. U la sangeh bad shong ha ka jingkah syrngiew u dieng bad u kwah tang ban ïap noh. “Ka la long palat, ko Trai,” u la duwai. “Shim noh ïa ka jingim jong nga; ka bha ïa nga ban ïap noh.”

JEREMAÏAH 23:3

Ngan lum ïa kiba sah na ki briew jong nga na ki ri kiba nga la pynsakma ïa ki, bad ngan wallam pat ïa ki sha la ka jong ka ri. Kin ïoh bun ki khun bad kin nang roi ha ka jingbun briew.

JEREMAÏAH 23:8

Pynban, kin smai da nga kum U Blei uba im uba la wallam ïa u paid Israel na ka ri kaba shatei bad na kiwei pat ki ri baroh sha kiba nga la pynsakma ïa ki. Te kin sa ïoh shong ha la ka jong ka ri.”

JEREMAÏAH 29:14

Ho-oid, nga ong, phin shem ïa nga, bad ngan buh pat ïa phi ha ka ri jong phi hi. Ngan lumlang ïa phi na kawei pa kawei ka ri bad na kawei ka jaka sha kaba nga la pynsakma ïa phi, bad ngan wallam pat ïa phi sha ka ri na kaba nga la phah noh ïa phi sha ka jingshah ringmraw. Ma nga, U Trai, nga la kren.’

JEREMAÏAH 29:28

Dei ban pynsangeh ïa u namar u la ong ïa ki briew ha Babilonia ba kin long ki koidi slem bah hangta bad ba kin tei ïa ki ïing, kin shongduh, kin thaw ki kper, bad bam ïa kaei kaba ki thung.”

JEREMAÏAH 40:12

Kumta ki la mihnoh na ki jaka ba la pynsakma ïa ki bad ki la wan phai pat sha Judah. Ki la wan sha u Gedalaïah ha Mispah, bad hangta ki la ïalum shibun bah ka waiñ bad ki soh.

JEREMAÏAH 44:2

U Trai Badonbor Baroh, U Blei ki Israel, u ong, “Phi hi da lade phi la ïohi ïa ka jingpynjot kaba nga la wanrah ha Jerusalem bad ha baroh kiwei ki nongbah ka Judah. Wat mynta ki dang sah ha ki jingjot, bad ym don ba sah ha ki namar ki briew jong ki, ki la leh ïa kaba sniew bad ki la pynlong ïa nga ban bitar. Ki ai jingkñia ha kiwei pat ki blei bad shakri ïa ki blei kiba ma ki ne ma phi ne ki kpa tymmen jong phi kim ju mane.

JEREMAÏAH 44:6

Te nga pynmih noh ïa ka jingbitar jong nga bad ka jingbitar shla ha ki shnong jong ka Judah bad ha ki surok bah ka Jerusalem, bad nga thang ïa ki da ka ding. La iehnoh ïa ki ha ki jingjot bad ki la long ka jingïohi ba-itriem, kumba ki long mynta ka sngi.

JEREMAÏAH 6:9

U Trai Badonbor Baroh u ong ha nga, “Ïa ka Israel yn sloit pynkhuid kum ka bri sohwaiñ na kaba la kheit ïa uwei pa uwei u sohwaiñ. Kumta pha dei ban pyllait im ïano ïano katba pha lah katba dang don ka por.”

DANIEL 9:7

Ma me ko Trai, me leh borabor ïa kaba dei, hynrei borabor ngi la wallam ka jingjahburom ha lade hi. Kane ka long kaba shisha ïa baroh na ngi kiba shong basah ha Judia bad ha Jerusalem bad jong baroh ki khun Israel ïa kiba me la pynsakma ha ki ri kiba jan bad kiba jngai namar ki la long ki bymïaineh ha me.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

AMOS 3:1

Ko ki paid Israel, to sngew ïa kane ka khubor kaba U Trai u la kren shaphang jong phi, ka jaitbynriew baroh kawei kaba u la wan ïalam na ka ri Ijipt;

JONAH 4:3

Mynta, A Trai, ai ba ngan ïap noh. Ka kham bha ïa nga ban ïap ban ïa ka ban im.”

MIKAH 2:3

Bad kumta U Trai u ong, “Nga dang thmu ban wallam ïa ka jingjot ha phi, bad phin ym lah ban lait na ka. Phin sa shem ïa lade ha ka jingeh, bad nangta phin ym ïaid sngewsarong shuh.

DEUTERONOMI 30:1

“Mynta nga la ai ba phin jied napdeng ka jingkyrkhu bad ka jingtim. Ynda kine kiei kiei baroh ki la wan jia ha phi, bad phi shong hapdeng ki jaitbynriew sha kiba U Trai U Blei jong phi u la pynsakma ïa phi, phin sa kynmaw ïa ka jingjied ba nga la ai ha phi.

DEUTERONOMI 30:4

Wat la phi la sakma kylleng sawdong ka pyrthei ruh, U Trai U Blei jong phi un lumlang bad wan ïalam pat ïa phi,

JINGPYNPAW 6:16

Ki la pyrta ha ki lumbah bad ha ki mawsiang, “To tap halor jong ngi bad to buhrieh noh ïa ngi na ki khmat jong uta uba shong halor ka khet bad na ka jingbitar U Khunlangbrot!

JINGPYNPAW 9:6

Ha kine ki san bnai kin wad ïa ka jingïap, hynrei kin ym shem ïa ka; kin kwah ban ïap noh, hynrei ka jingïap kan phet na ki.