JEREMAÏAH 8:22 - Khasi CL Bible (BSI)

²² Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

KA BAIBL

²² Ym don dawai ha Gilead? Ym don nongpynkhiah hangta? Balei te bym shym la pynbha pat ïa ka jingkhiah jong ka khun ki briew jong nga?

JEREMAÏAH 8:22 ပူးပေါင်းရင်းမြစ်များ

JENESIS 37:25

Katba ki dang ïabam, kynsan ki la ïohi shi kynhun ki nong Ishmael kiba wan ïaid lynti na Gilead sha Ijipt. Ïa ki ut jong ki la pynkit ïa ki musli musla bad ki jingiwbih.

JENESIS 43:11

U Jakob u ong ha ki, “Lada kumta te, to leit rah ïa ki jingmih kiba kynsai tam jong kane ka ri ha ki byrni jong phi kum ka jingai sngewbha ïa uta u lat: khyndiat ka jingiwbih, khyndiat ka ngap, ki musli musla, ka mirr, ki jait soh-ot, bad ki almond.

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

JEREMAÏAH 22:6

“Ha nga, ka ïingsyiem Judah ka long kaba itynnat kum ka ri Gilead, bad kum ki lumbah Lebanon; hynrei ngan pynlong ïa ka, ka jaka kynjah ha kaba yn ym don bashong basah.

JEREMAÏAH 46:11

Ko ki briew jong ka Ijipt, khie leit sha Gilead bad wad ïa ka dawai! Ki dawai jong pha baroh ki la pynshisha ba kim myntoi ei ei; ym don ei ei ba lah ban pynkhiah ïa pha.

JEREMAÏAH 51:8

Ka Babilonia kynsan kynsan ka kyllon bad la pynjot noh! To ïam namar jong ka! Pynïoh dawai na ka bynta ki jingmong jong ka, bad lehse yn lah ban pynkhiah.

JEREMAÏAH 6:7

Kumba ka pukri ka pynneh sngur ïa ka um jong ka, kumta ruh ka Jerusalem ka pynneh ïa ka jingsniew jong ka. Nga ïohsngew ïa ka jingleh jubor bad ka jingpynjot hapoh ka nongbah, ka jingpang bad ki jingmong ki long baroh kiba nga ïohi.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

ESEKIEL 27:17

Ka Judah bad ka Israel ki la siew na ka bynta ki mar jong pha da u kew, ka ngap, ka umphniang Olib, bad ki musli musla.

JINGKHEIÑ 32:1

Ki jait Reuben bad ki jait Gad ki la don shibun ki jingri. Haba ki la ïohi ba ka ri Jaser bad ka ri Gilead ka long kaba bit eh na ka bynta ki jingri,

LOUKAS 8:43

Napdeng jong ki la don ka kynthei kaba la shitom na ka jingpang mihsnam kaba jur la khat-ar snem; ka la pynlut ïa baroh kaba ka don ha ki nongsumar, hynrei ym don mano mano ba lah ban pynkhiah ïa ka.