JEREMAÏAH 8:2 - Khasi CL Bible (BSI)

² Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

KA BAIBL

² bad kin pynphriang ïa ki ha khmat ka sngi, bad u bnai, bad u paidbah bneng baroh, ïa kiba ki la ieit, bad ïa kiba ki la shakri, bad ïa kiba ki la bud nadien jong ki, bad ïa kiba ki la wad, bad ïa kiba ki la mane; yn ym ïalum ïa ki, lymne tep ïa ki; kin long ka kynsha ha khmat ka khyndew.

JEREMAÏAH 8:2 ပူးပေါင်းရင်းမြစ်များ

2 SYIEM 17:16

Ki pynkheiñ ïa baroh ki hukum U Trai U Blei jong ki bad ki thaw ar tylli ki khun masi da ka nar ban mane; ki thaw ruh ïa ka durblei jong ka blei Asherah, ki mane ïa ki khlur, bad ki shakri ïa u blei Baal.

2 SYIEM 21:3

U tei pat ïa ki jaka mane blei thala ïa kiba u Hesekaïah u kpa jong u, u la pynjot; u la tei ki duwan ban mane ïa u Baal bad thaw ïa ka dur jong ka blei Asherah, kumba u Ahab u syiem Israel u la leh. U Manasseh u la mane ruh ïa ki khlur.

2 SYIEM 21:5

Ha ki ar tylli ki phyllaw jong ka Templ u tei ïa ki duwan ban mane ïa ki khlur.

2 SYIEM 23:5

U weng noh na ka kam ïa ki lyngdoh kiba ki syiem Judah ki la pynkyntang ban ai jingkñia halor ki duwan ba-thala ha ki nongbah ka Judah bad ha ki jaka hajan Jerusalem ― ïa baroh ki lyngdoh kiba ai jingkñia sha u Baal, sha ka sngi, u bnai, ki metbneng, bad ki khlur.

SALM 53:5

Hynrei pynban kin sngewshyrkhei shikatdei eh, kum bym pat ju long mynshuwa, naba U Blei un pynsaphred ïa ki shyieng jong ki nongshun jong ki briew jong U. U Blei u la kyntait ïa ki, bad kumta ki Israel kin jop thiaw ïa ki.

SALM 83:10

Me la jop ïa ki ha Endor, bad ki met jong ki, ki la pyut ha ka khyndew.

SALM 83:11

To leh ïa ki nongïalam jong ki kaei ba me la leh ïa u Oreb bad u Seeb, To jop ïa ki nongsynshar jong ki baroh Kumba me leh ïa u Sebah bad u Salmunna,

EKLESIASTIS 6:3

Ngi lah ban don shispah ngut ki khun bad ban im slem, hynrei kam pher haduh katno ngi im, lada ngim ïoh ïa la ka bynta jong ka jingsngewkmen bad ïohpdiang ïa ka jingontep kaba donburom, te nga ong ba kham bha u khunlung uba la kha ïap.

JEREMAÏAH 14:16

Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

JEREMAÏAH 16:11

Nangta ïathuh ïa ki ba U Trai u la ong, ‘Ki kpa tymmen jong phi ki la phai dien noh na nga bad ki la mane bad shakri ïa kiwei pat ki blei. Ki la iehnoh ïa nga bad kim shym kohnguh ïa ki jinghikai jong nga.

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 16:6

Kiba riewspah bad kiba duk kin ïap ha kane ka ri, hynrei ym don mano mano ban tep ïa ki lane ban ïambriew na ka bynta jong ki. Ym don mano mano u ban ot ïa lade lane u ban khi ïa la ka khlieh ban pyn-i ïa ka jingsngewsih jong u.

JEREMAÏAH 19:13

Ki ïing jong ka Jerusalem bad ki ïing jong ki syiem ka Judah, bad shisha baroh ki ïing ha kiba halor ki tnum jong ki la thang ïa ki jingiwbih sha ki khlur bad ha kaba ïa ka waiñ la theh kum ka jingainguh sha kiwei pat ki blei — ma ki baroh kin long ki bymkhuid kum ka Topheth.”

JEREMAÏAH 22:19

Yn tep ïa u kumba tep ïa u kada, un sa shah ring bad bret ïa u shabar ki khyrdop ka Jerusalem.”

JEREMAÏAH 25:33

Ha kata ka sngi ki met jong kito ïa kiba U Trai u la pynïap kin saphriang na bakut sha bakut ka pyrthei. Yn ym don ba ïambriew ïa ki, bad yn ym don ba shim noh bad tep; kin sah ha khyndew kum ki kynton sboh.

JEREMAÏAH 31:40

Ka them baroh kawei, ha kaba la tep ïa kiba ïap bad ha kaba la bret ïa ki jakhlia, bad baroh ki pyntha shaneng ka wah Kidron haduh ka Khyrdop Kulai shaphang mihngi, kin long kiba kyntang ha nga. Ka nongbah kan ym shah pynpra shuh lane shah pynjot.”

JEREMAÏAH 36:30

Te mynta, ma nga U Trai, nga ong ha me, ko syiem Jehoïakim, ba yn ym don u ban hiarpateng na me u ban synshar shuh halor ka hima u Dabid. Ïa ka metïap jong me yn bret shabar ha ka jingshit kyr-ang ka sngi ha ka por mynsngi bad ha u thah mynmiet.

JEREMAÏAH 9:20

Nga la ong, “To sngap ïa U Trai, phi ki kynthei, bad to pynshahshkor ïa ki ktien jong u. To hikai ïa ki khun kynthei jong phi kumno ban ïambriew, bad ïa ki paralok jong phi kumno ban rwai ka jingrwai ïapbriew.

JEREMAÏAH 9:21

Ka jingïap ka la wan shapoh lyngba ki jingkhangïit jong ngi bad ka la rung sha ki ïingsyiem jong ngi; ka la ot ïa ki khynnah ha ki surok bad ïa ki samla shynrang ha ki jaka ïew.

JEREMAÏAH 9:22

Ki metïap ki la saphriang ha kylleng, kum ki kynton sboh halor ki lyngkha, kum u riewhadem ba la ot bad iehnoh da ki nongot, u riewhadem u bym don mano mano ba lum. Kane ka long kaei kaba U Trai u la bthah ïa nga ban ong.”

ESEKIEL 29:5

Ngan bret ïa me bad ïa kito ki dohkha baroh sha ka ri shyiap. Ka met jong me kan hap ha khyndew bad kan sah khlem tep ïa ka. Ngan ai ïa ka ha ki sim bad ki mrad ban long jingbam ïa ki.

ESEKIEL 39:5

Kin kyllon ïap sha lum sha wah. Ma nga, U Trai Nongsynshar, nga la kren.

ESEKIEL 6:5

Ngan phriang ïa ki metïap jong ki briew ka Israel; bad ngan pynphriang ïa ki shyieng jong ki baroh sawdong ki duwan.

ESEKIEL 8:16

Kumta u la ïalam ïa nga sha ka phyllaw kaba kham shapoh ka Templ. Hangta hajan ka jaka rung sha ka jaka kyntang, hapdeng ka duwan bad ka lynti rung, la don arphew san ngut ki rangbah. Ki phai dadien ïa ka jaka kyntang, bad ki pyndem ïa lade shaphang mihngi, ki da mane ïa ka sngi kaba dang mih.

SEPHANAÏAH 1:17

U Trai u ong, “Ngan wallam ïa ki jingpynjot kiba kum kine ha u bynriew ba uwei uwei baroh un tare shane shatai kum u briew bamatlah. Ki la leh pop pyrshah ïa nga, bad mynta ïa ka snam jong ki yn theh noh kum ka um, bad ki metïap jong ki kin pyut ha khyndew.”

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

KI KAM 7:42

Kumta U Blei u la phai noh na ki, bad u la iehnoh ïa ki ban mane ïa ki khlur ka sahit bneng, kumba la thoh ha ka kitab ki nongïathuhlypa: “ ‘Ko ki paid Israel! Ym dei sha nga ba phi la pynïap bad kñia ïa ki jingri haduh sawphew snem ha ka ri shyiap.

DEUTERONOMI 17:3

da kaba mane bad shakri ïa kiwei pat ki blei, lane ïa ka sngi, lane ïa u bnai, lane ïa ki khlur, kaba long pyrshah ïa ka hukum U Trai,

DEUTERONOMI 4:19

Sumar ban ym shah pynshoi kat haduh ban da mane bad shakri ïa kaei kaba phi ïohi ha sahit bneng — la ka long ka sngi, u bnai, lane ki khlur, ïa kiba U Trai U Blei jong phi u la ai ha kiwei pat ki briew baroh ha ka pyrthei ba kin ïoh mane.