JEREMAÏAH 8:16 - Khasi CL Bible (BSI)

¹⁶ Ki nongshun jong ngi ki la da don hapoh ka nongbah Dan; ngi ïohsngew ïa ka jingsawa pynhiar mynsiem jong ki kulai jong ki. Ka ri baroh kawei ka khynñiuh haba ki kulai jong ki, ki pah. Ki nongshun jong ngi ki la wan ban pynjot ïa ka ri jong ngi bad ïa kiei kiei baroh kiba ha ka, ka nongbah jong ngi bad baroh ki briew jong ka.”

KA BAIBL

¹⁶ “Ïa ka jingkynsnok ki kulai jong u la sngew naduh Dan: ha ka jingsawa ka jingpah kiba khlaiñ jong u ka ri baroh ka khih khynñiuh; naba ki la wan, bad ki la bam duh ïa ka ri bad ïa baroh kaba don ha ka; ïa ka shnong bad kita kiba shong ha ka.

JEREMAÏAH 8:16 ပူးပေါင်းရင်းမြစ်များ

Ka Kitab U Job 39:20

Hato me pynlong ïa ki ban kynthih kum ki puit bad pynsheptieng ïa ki briew da ka jingpah jong ki?

SALM 24:1

Ka pyrthei bad baroh kiba don ha ka ki dei ki jong U Trai; ka khyndew bad baroh kiba shong ha ka ki dei ki jong u.

JEREMAÏAH 10:25

Pynphai ïa ka jingbitar jong me halor ki jaitbynriew ki bym mane ïa me bad halor ki briew kiba kyntait ïa me. Ki la pynïap ïa ki briew jong me; ki la pynjot khoit ïa ngi bad iehnoh ïa ka ri jong ngi ha ka jingjot jingpra.

JEREMAÏAH 3:24

Hynrei ka jingmane ïa u Baal, u blei ka jinglehrain, ka la pynlong ïa ngi ban duh ïa ki kynhun langbrot bad kynhun masi, ïa ki khun shynrang bad ki khun kynthei — kiei kiei baroh kiba ki kpa tymmen jong ngi ki la trei naduh ki por mynbarim.

JEREMAÏAH 30:16

Hynrei mynta, baroh kiba klun ïa phi kin shah klun, bad ïa baroh ki nongshun jong phi yn rah noh kum ki koidi. Ïa baroh kiba banbeiñ ïa phi yn banbeiñ, bad ïa baroh kiba lute ïa phi yn lute.

JEREMAÏAH 30:5

“Nga la ïohsngew ka jinglynñiar ka jingsngewtriem, ka jinglynñiar ka jingtieng bad ym ka jingsuk.

JEREMAÏAH 4:24

Nga la khmih ha ki lumbah — ki la khynñiuh, bad ki lumrit ki khih shadien bad sha khmat.

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 47:3

Kin ïohsngew ïa ki jingsawa ki jingjam jong ki kulai, ki jingriew jong ki kali ïapom, ki jingtyllun jong ki shaka. Ki kpa kin phai pat na ka bynta la ki khun; ki kti jong ki kin noh kyrwep.

JEREMAÏAH 5:17

Kin bam duh ïa ki jingthung bad ïa ki jingbam jong phi; kin pynïap ïa ki khun shynrang bad ki khun kynthei jong phi. Kin pynïap ïa ki kynhun langbrot bad ki kynhun masi jong phi bad pynjot ïa ki dieng sohwaiñ bad diengsoh Dumbur jong phi. Ïa ki nongbah ba la ker kynroh ha kiba phi shaniah yn pynjot da ka kynhun shipai jong ki.

JEREMAÏAH 50:42

Ki la rah ïa la ki ryntieh bad ki waitlam; ki long kiba runar bad ki bymsngewsynei. Ki sawa kum ka duriaw bakyrhuh, katba ki dang ïaid halor ki kulai. Ki long kiba la pynkhreh ïa ka thma pyrshah ïa ka Babilonia.

JEREMAÏAH 51:29

Ka khyndew ka kyiuh bad ka khynñiuh namar ba U Trai u pyndep ïa ka jingthmu jong u ban pynlong ïa ka Babilonia ka ri shyiap, ha kaba yn ym don mano mano ban shong ban sah.

JEREMAÏAH 6:23

Ki la shim ïa la ki ryntieh bad ki waitlam; ki long kiba runar bad ki bym don jingisynei. Ki sawa kum ka duriaw bakyrhuh, katba ki shong ha ki kulai jong ki. Ki la pynkhreh ïa ka thma pyrshah ïa ka Jerusalem.”

NAHUM 3:2

To shahshkor! Ka jingsawa u shabuk, ka jingriew ki shalyntem, ka jingsawa ka jingïaid ki kulai, ka jingkynthih jong ki kali ïapom!

HABAKKUK 3:10

Haba ki lumbah ki la ïohi ïa me, ki kyiuh; ka um ka hap na ki sahit bneng. Ki um hapoh ka khyndew ki kyrhuh, bad ki jingat phyllung jong ki, ki kiew shalor.

1 KORINTH 10:26

Naba, ka Jingthoh Bakhuid ka ong, “Ka khyndew bad kiei kiei kiba don ha ka ki long ki jong U Trai.”

1 KORINTH 10:28

Hynrei lada uno uno u ong ïa phi, “Kane ka dei ka jingbam ba la kñia ha ki bleithaw,” te wat nym bam phi ïa kata ka jingbam, na ka bynta uta uba la ïathuh ïa phi bad na ka bynta ka jingïatiplem —

NONGBISHAR 18:29

Ki pynkylla kyrteng ïa ka Laish sha ka Dan, kum ka kyrteng u kpa tymmen u Dan, u khun jong u Jakob.

NONGBISHAR 20:1

Baroh ki paid Israel naduh Dan kaba shaphang shatei haduh Beersheba kaba shaphang shathie, kumjuh ruh naduh ri Gilead kaba shaphang mihngi, ki la ïawanlang. Ki ïalumlang kum kawei ka kynhun ha khmat U Trai ha Mispah.

NONGBISHAR 5:22

Nangta ki kulai kin wan ïaid, Ki da kyrdem ïa ka khyndew da ki poh'jat jong ki.