JEREMAÏAH 8:14 - Khasi CL Bible (BSI)

¹⁴ “Balei ba ngi ïashong khop?” Ki briew jong U Blei ki ïakylli. “Ale, ngin ïaphet sha ki nongbah ba la ker kynroh, bad ïap hangta. U Trai U Blei jong ngi u la pynrem ïa ngi ban ïap; u la ai ha ngi ka bih ban dih, namar ngi la leh pop pyrshah ïa u.

KA BAIBL

¹⁴ Balei ba ngi shu ïashong? To ïalum ïa lade, bad ïa ngin leit rung sha ki shnong ba la ker kynroh, bad ngin ïashong jar hangta: namar U Trai U Blei jong ngi u la pynsngap jar ïa ngi, bad u la ai ha ngi ka umksang ban dih, namar ngi la leh pop ïa U Trai.

JEREMAÏAH 8:14 ပူးပေါင်းရင်းမြစ်များ

2 SAMUEL 20:6

Kumta u syiem u ong ha u Abishai, “U Sheba un kham pynjynjar ïa ngi ban ïa u Absalom. Shim ïa ki rangbah jong nga bad leit thwet ïa u, lym kumta u lah ban leit shong shnong ha ki shnong ba la ker kynroh, bad lait phet na ngi.”

SALM 39:2

Nga la sngap jar, ngam shym kren wat tang shikyntien ruh, wat shaphang kaei kaei kaba bha! Hynrei ka jingshitom jong nga ka nang jur, bad nga la shahjop da ka jingkhuslai.

SALM 69:21

Haba nga thngan, ki ai ha nga ka bih; haba nga sliang, ki ai ha nga ka sirka.

ISAÏAH 47:5

U Trai u ong ïa ka Babilon, “To shong ha ka jingjar jar bad ha ka jingdum; kin ym khot shuh ïa pha ka syiem jong ki jaitbynriew!

JEREMAÏAH 14:20

Ngi la leh pop pyrshah ïa me, A Trai; ngi phla ïa la ki pop bad ïa ki pop jong ki kpa tymmen jong ngi.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

JEREMAÏAH 23:15

“Kumta te, kane ka long kaei kaba ma nga, U Trai Badonbor Baroh, nga ong shaphang ki nongïathuhlypa ka Jerusalem: “Ngan ai ïa ki da ki jhur kthang ban bam, bad ka bih ba kin dih; namar ba ki la pynsaphriang ïa ka jingbymriewblei kylleng ka ri.”

JEREMAÏAH 3:25

Ngi dei ban shah ha ka jinglehrain bad ai ba ka jingjahburom kan tap ïa ngi. Ma ngi bad ki kpa tymmen jong ngi, ngi la ïai leh pop pyrshah ïa U Trai U Blei jong ngi; ngim shym la kohnguh ïa ki hukum jong u.”

JEREMAÏAH 35:11

Hynrei mynba u syiem Nebukhadnessar u la hiarthma ïa ka ri, ngi la rai ban wan sha Jerusalem ban lait na ki kynhun shipai ka Babilonia bad ka Syria. Dei na kane ka daw balei ba ngi ïashong ïasah ha Jerusalem.”

JEREMAÏAH 9:14

Pynban, ki la long kiba mutlop bad ki la mane ïa ki bleithaw u Baal kumba ki kpa jong ki, ki la hikai ïa ki ban leh.

JEREMAÏAH 9:15

Kumta te, to shahshkor ïa kaei kaba ma nga, U Trai Badonbor Baroh, U Blei ki Israel, ngan leh: Ngan ai ki jhur kthang ha ki briew jong nga ban bam bad ka bih ban dih.

SNGEWSYNEI 3:19

Ka jingpyrkhat ïa ka jingpang jong nga, ka jingbymdon ïing jong nga, ka long ka bih bakthang.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

AMOS 6:10

U ba-ha-ïing jong u briew uba ïap, uta uba dei khmih ïa ka jingleit ontep, un sei shabar ïa ka metïap na ka ïing. Uba ha ïing un khot ïa uno uno ba dang sah hapoh ïing, “Dang don mano mano bad phi hangto?” Ka sur kan jubab, “Em!” nangta u ba-ha-ïing un sa ong, “Sngap jar! Ngi dei ban sumar wat ban ym ong ei ei ïa ka kyrteng U Trai.”

HABAKKUK 2:20

U Trai u don ha ka Templ bakhuid jong u; to ai ba uwei pa uwei ha ka pyrthei un sngap jar ha khmat jong u.

SEKHARAÏAH 2:13

To pynjar jar, uwei pa uwei baroh, ha ka jingdon ryngkat jong U Trai, namar u wan na ka jaka shong kaba khuid jong u.

MATHAÏOS 27:34

Hangta ki la tyrwa ïa U Jisu ka waiñ ba la khleh bad ka kynja bakthang; hynrei hadien ba u la mad ïa ka, um treh dih.

DEUTERONOMI 29:18

Pynthikna ba yn ym don napdeng jong phi u shynrang, lane ka kynthei, lane ka longïing, lane ka jait, ki ban phai noh na U Trai U Blei jong phi ban mane ïa ki blei jong kiwei pat ki jaitbynriew. Kum uta, un long kum u thied uba pynmih u soh uba kthang bad uba don bih.

DEUTERONOMI 32:32

Ki nongshun jong ki, kiba jyrsieh kum ka Sodom bad ka Gomorrah, ki long kum ki dieng sohwaiñ kiba sei ki soh kiba kthang bad don bih,