JEREMAÏAH 8:13 - Khasi CL Bible (BSI)

¹³ “Nga la kwah ban lumlang ïa ki briew jong nga, kumba u briew u lumlang ïa ka jingot jong u; hynrei ki long kum u dieng sohwaiñ khlem ki sohwaiñ, kum u diengsoh Dumbur khlem ki soh Dumbur; wat ki sla ki la jlop. Namar kata, nga la shah ïa kiba nabar ban shim noh ïa ka ri.”

KA BAIBL

¹³ “Ngan pynduh khoit ïa ki,” ong U Trai: “kan ym don soh Waiñ halor u dieng Waiñ, lymne soh Dumbur halor u dieng Dumbur, bad u sla un jlop; bad ïa kita kiba nga la ai ha ki kin phet noh na ki.”

JEREMAÏAH 8:13 ပူးပေါင်းရင်းမြစ်များ

ISAÏAH 5:10

Ki dieng sohwaiñ kiba mih ha ka jaka kaba shiphew hektar kin pynmih tang san gallon ka waiñ. Shiphew shang u symbai un pynmih tang shi shang u symbai.”

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 14:15

Ma nga, U Trai, nga ïathuh ïa phi ïa kaei ba ngan leh ïa kito ki nongïathuhlypa kiba ngam shym phah hynrei kiba kren ha ka kyrteng jong nga bad ong ba ka thma bad ka jingïapthngan kin ym lynshop ïa kane ka ri — ngan pynïap ïa ki ha ka thma bad da ka jingïapthngan.

JEREMAÏAH 17:8

U long kum u dieng uba mih hajan ka wahduid bad uba ki thied ki ksam sha ka um. Um sheptieng haba ka jingshit ka suiñbneng ka wan, namar ki sla jong u ki sah jyrngam; um don jingkhuslai haba ym don slap; u ïai pynmih soh.

JEREMAÏAH 5:17

Kin bam duh ïa ki jingthung bad ïa ki jingbam jong phi; kin pynïap ïa ki khun shynrang bad ki khun kynthei jong phi. Kin pynïap ïa ki kynhun langbrot bad ki kynhun masi jong phi bad pynjot ïa ki dieng sohwaiñ bad diengsoh Dumbur jong phi. Ïa ki nongbah ba la ker kynroh ha kiba phi shaniah yn pynjot da ka kynhun shipai jong ki.

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

ESEKIEL 22:31

Te ngan theh ïa ka jingbitar jong nga ha ki, bad kum ka ding ngan pynjot ïa ki na ka bynta kaei kaba ki la leh.” U Trai Nongsynshar u la ong.

HOSIA 2:12

Ngan pynjulor ïa ki dieng sohwaiñ bad ki diengsoh Dumbur jong ka, kiba ka ju ong ba kiba ieit jong ka ki ai ïa ka namar ba ka la shakri ïa ki. Ngan pynkylla ri khlaw ïa ki bri sohwaiñ bad ki brisoh jong ka; ki mradkhlaw kin pynjot ïa ki.

JOEL 1:7

Ki la pynjot ïa ki brisoh jong ngi bad ki la ktha lut ïa ki dieng Dumbur jong ngi. Ki la bam lut ïa ki snep dieng, haduh bad ki tnat ki la kylla lieh.

LEBITIKOS 26:20

Baroh ka jingtrei shitom jong phi kan long lehnoh-ei, namar ka khyndew jong phi kan ym pynmih jingthung jingtep bad ki dieng kin ym seisoh.

HABAKKUK 3:17

Wat la ki dieng Dumbur kim don soh bad ym don sohwaiñ ba mih ha ki dieng sohwaiñ, wat la u dieng Olib um sei ei ei bad ki lyngkha kim pynmih kew, wat la ki langbrot baroh ki ïap bad ki sem masi ki thylli,

HAGGAI 1:11

Nga la wallam ïa ka jingtyrkhong ha ka ri — ha ki lumrit jong ka, ha ki lyngkha kew jong ka, ki bri sohwaiñ, ki brisoh Olib — ha baroh ki jingthung kiba ka khyndew ka pynmih, ha ki briew bad ki mrad, ha baroh kiba phi pyrshang ban pynmih.”

HAGGAI 2:17

Nga la phah ïa ki lyer ba-tyrkhong bad u phria ban pynjot ïa baroh kiba phi pyrshang ban thung, hynrei phim kylla-kaba-mut hi.

MALAKHI 3:11

Ngan ym shah ïa ki khñiang ban pynjot ïa ki jingthung jingtep jong phi, bad ki dieng sohwaiñ jong phi kin dap da ki sohwaiñ.

MATHAÏOS 21:19

U la ïohi ïa u dieng Dumbur harud ka lynti bad u la leit sha u, hynrei um shem ei ei ha u lait noh tang ki sla. Kumta u la ong ha u dieng, “Men ym pynmih soh shuh!” Mar kumta hi u dieng Dumbur u la ïap tyrkhong.

JAKOB 1:11

Ka sngi ka mih lem bad ka jingshit kyr-ang bad ka thang ïa u jingthung; u syntiew jong u, u hap noh, bad ka jingitynnat jong u ka jah noh. Ha kajuh ka rukom ïa uba riewspah yn pynjot noh katba u dang don ha ka kam jong u ba u trei.