JEREMAÏAH 8:11 - Khasi CL Bible (BSI)

¹¹ Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

KA BAIBL

¹¹ Bad ki la shu pynkhiah malu mala ïa ka jingmong ka khun ki briew jong nga, ki ïa-ong, ‘Ka Jingsuk, ka jingsuk;’ haba ym don ka jingsuk.

JEREMAÏAH 8:11 ပူးပေါင်းရင်းမြစ်များ

1 SYIEM 22:13

Katba u rangbah synshar u leit ban khot ïa u Mikaïah, u ong ha u, “Baroh na kiwei ki nongïathuhlypa ki la ïathuhlypa ba u syiem un jop bad phi ruh ka bha ba phin leh kumjuh.”

1 SYIEM 22:6

Kumta u Ahab u khot ïa ki nongïathuhlypa, kumba sawspah ngut na ki, bad u kylli ïa ki, “Hato ngan leit ne em ban tur ïaleh ïa ka Ramoth?” “Tur ïaleh ïa ka,” ki jubab, “U Trai un ai ha phi ïa ka jingjop.”

JEREMAÏAH 14:13

Nangta nga la ong, “Ko Trai Nongsynshar, nga tip ba ki nongïathuhlypa ki ong ïa ki briew ba yn ym don ka thma kane ka jingïapthngan, namar me la kular, ki ong, ba kan don tang ka jingsuk ha ka ri jong ngi.”

JEREMAÏAH 23:17

Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 8:15

Ngi la kyrmen ïa ka jingsuk bad ka por ka jingpynkhiah, hynrei kam shym la myntoi ei ei; ka jingtriem ka wan pynban.

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

ESEKIEL 13:22

“Da ki jinglamler jong phi, phi pynnoh mynsiem ïa ki briew babha, kiba ngam kwah ba kin sngewmong. Phi khang ïa ki briew basniew ban iehnoh ïa kaba sniew bad pyllait ïa ka jingim jong ki.

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.