JEREMAÏAH 8:10 - Khasi CL Bible (BSI)

¹⁰ Kumta ngan ai ïa ki lyngkha jong ki ha ki trai bathymmai bad ïa ki tnga jong ki ha kiwei pat ki rangbah. Uwei uwei baroh, uba rit bad uba khraw, u pyrshang ban thaw pisa da ka jingbymhok. Wat ki nongïathuhlypa bad ki lyngdoh ki thok ïa ki briew.

KA BAIBL

¹⁰ Namar kata, ïa ki tnga jong ki ngan ai ha kiwei, bad ïa ki lyngkha jong ki ha kita ki ban ïoh ïa ki: naba uwei uwei baroh, naduh u barit tam haduh u bakhraw tam u la aiti ïa lade ha ka jingkwah lalot, naduh u prophet keiñ haduh u lyngdoh, uwei uwei baroh u leh shukor.

JEREMAÏAH 8:10 ပူးပေါင်းရင်းမြစ်များ

Ka Kitab U Job 31:10

te to ai ba ka tnga jong nga kan shet ïa ka jingbam na ka bynta uwei pat u briew bad ban thiah ha ka jingthiah jong uwei pat.

ISAÏAH 28:7

Wat ki nongïathuhlypa bad ki lyngdoh ki buaid bha bad ki ïaid sheng sheng. Ki la dih waiñ bad dih kyiad haduh katta katta haduh ba ki jynthut kulmar. Ki nongïathuhlypa ki ïabuaid haduh katta katta ba kim sngewthuh shuh ïa ki jingïohipaw ba U Blei u phah, bad ki lyngdoh ki buaid haduh ba kim lah shuh ban ai jingrai ïa ki kam ba la wanrah ha ki.

ISAÏAH 57:17

Nga la bitar ïa ki namar ka pop bad ka jingkwah lalot jong ki, bad kumta nga la pynshitom bad iehnoh ïa ki. Hynrei ki la long mutlop bad ki la nang ïaid ha la ki jong ki lynti.

JEREMAÏAH 14:14

Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

JEREMAÏAH 14:18

Haba nga leit sha ki lyngkha, nga ïohi ïa ki met jong ki rangbah kiba la shah pynïap ha ka thma; haba nga leit sha ki shnong, nga ïohi ïa ki briew kiba ïapthngan. Ki nongïathuhlypa bad ki lyngdoh ki trei la ki kam, hynrei kim tip ïa kaei ki leh.”

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

JEREMAÏAH 32:32

Nga la kut jingmut ban pynjot ïa ka namar baroh kaba sniew ba la leh da ki paid ka Judah bad ka Jerusalem, ryngkat bad ki syiem bad ki nongïalam jong ki, ki lyngdoh bad ki nongïathuhlypa jong ki.

JEREMAÏAH 38:22

Ha ka, nga la ïohi ba ïa baroh ki kynthei kiba dang sah ha ka ïingsyiem ha Judah ba la ïalam ïa ki shabar sha ki rangbah pynïaidkam jong u syiem ka Babilonia. Ha sngap ïa kaei kaba ki ïakren katba ki dang ïaleit: “ ‘Ki paralok bajan tam u syiem ki la ïalam bakla ïa u, ki la ïaid lait ïa u. Bad mynta ba ki kjat jong u ki la ngam ha ka ktieh, ki paralok jong u ki la iehnoh ïa u.’ ”

JEREMAÏAH 42:1

Te baroh ki nongïalam ka kynhun shipai, kiba kynthup ïa u Johanan u khun jong u Kareah bad u Asaraïah u khun jong u Heshaïah, ki la wan ryngkat bad ki paidbah kiba ha ki kyrdan baroh bad ki la ong ïa nga, “Sngewbha leh ïa kaei kaba ngi ong ïa phi! To duwai ha U Trai U Blei jong ngi na ka bynta jong ngi. To duwai na ka bynta jong ngi baroh kiba la lait im. Shisien la don bun bah na ngi; hynrei mynta tang khyndiat eh ngi dang sah, kumba phi ïohi.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

SNGEWSYNEI 4:13

Hynrei ka la jia namar ba ki nongïathuhlypa jong ka ki la leh pop bad ki lyngdoh jong ka ki long kiba la rem namar ka jingpynjia ïa ka jingïap jong ki briew balui lui.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

AMOS 5:11

Phi la banbeiñ ïa kiba duk bad la shim jubor na ki ïa u kew jong ki. Bad kumta phin ym ïoh sah ha ki ïing maw ba-itynnat ba phi la tei lane dih waiñ na ki bri sohwaiñ kiba itynnat ba phi la thung.

MIKAH 2:4

Haba kata ka por ka poi, ki briew kin pyndonkam ïa ka jingïathuhkhana jong phi kum ka nuksa ïa ka jingpynjot, bad kin rwai ïa kane ka jingrwai sngewsih ïa ka jingshem jong phi: “La pynjot thiaw ïa ngi! U Trai u la shim noh ïa ka ri jong ngi bad u la ai ïa ka sha kito kiba la ring koidi ïa ngi.”

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MIKAH 3:5

Ki briew jong nga ki la shah shukor ha ki nongïathuhlypa kiba la kular ïa ka jingsuk ïa kito kiba da siewdor ïa ki, hynrei ki byrngem da ka thma ïa kito ki bym siew.

HABAKKUK 1:6

Ngan wanrah ïa ki nong Babilonia ban don ha ka bor, kito kiba triem, ki briew bym lah ban shong khop. Ki leit kylleng ka pyrthei ban jop ïa kiwei ki ri.

SEPHANAÏAH 1:13

Ïa ka spah jong ki yn lute bad ïa ki ïing jong ki yn pynjot. Kin ym shong ha ki ïing kiba ki tei lane dih ïa ka waiñ na ki bri sohwaiñ kiba ki thung.”

TITOS 1:11

Ka long kaba donkam ban pynsngap jar ïa ka jingïathuh jong ki, namar ki pynkylla khongpong ïa ki longïing baroh da kaba hikai ïa kaei kaba kim dei ban hikai, bad baroh ka long ïa ka jingthmu basngewlehrain ban thaw pisa.

TITOS 1:7

Namar ba u nongïalam balang u long uba pynïaid ïa ka kam U Blei, u dei ban long u bym don jingshah kynnoh pop. Um dei ban long uba leh meng ne uba bitar shen, ne uba buaid ne uba leh jubor ne uba lalot pisa.