JEREMAÏAH 8:1 - Khasi CL Bible (BSI)

¹ “Ha kata ka por ïa ki shyieng jong ki syiem bad jong ki rangbah synshar ka Judah, kumjuh ruh ïa ki shyieng jong ki lyngdoh, jong ki nongïathuhlypa, bad jong kiwei pat ki briew kiba la shong la sah ha Jerusalem, yn khlong noh na ki jingtep jong ki.

KA BAIBL

¹ “Ha kata ka por,” ong U Trai, “kin pynmih noh na ki jingtep jong ki, ïa ki shyieng ki syiem ka Judah, bad ïa ki shyieng jong ki bakhraw batri jong u, bad ïa ki shyieng ki lyngdoh, bad ïa ki shyieng ki nongïathuhlypa, bad ïa ki shyieng ki nong Jerusalem, na ki jingtep jong ki:

JEREMAÏAH 8:1 ပူးပေါင်းရင်းမြစ်များ

1 SYIEM 13:2

Ha kaba bud ïa ka hukum jong U Trai, u nongïathuhlypa u kren pynrem ïa ka duwan: “Ko duwan, duwan! Kane ka long kaba U Trai u ong, ‘U khunlung ïa uba yn khot kyrteng u Josaïah, yn sa kha ha ka longïing jong u Dabid. Un sa pynïap ha pha ïa ki lyngdoh kiba shakri ha ki jaka mane blei thala, bad un thang ïa ki shyieng briew halor jong pha.’ ”

2 SYIEM 23:16

Nangta u Josaïah u peit baroh sawdong, bad ïohi katto katne ki jingtep hangta halor lum; u sei shabar ïa ki shyieng na ki bad u thang ha ka duwan. Ha kane ka rukom u ñiewsang ïa ka duwan, u leh ïa kaei kaba u nongïathuhlypa u la ïathuh lypa mynshuwa eh ha ka por ka jinglehniam katba u syiem Jeroboam u dang ïeng hajan ka duwan. U syiem Josaïah u peit sawdong bad ïohi ïa ka jingtep jong u nongïathuhlypa uba la ïathuhlypa ïa kane.

2 SYIEM 23:20

U pynïap lut ïa ki lyngdoh nongmane blei thala halor ki duwan ba ki shakri, bad u thang ïa ki shyieng briew ha kawei pa kawei ka duwan. Nangta u leit phai pat sha Jerusalem.

2 SYIEM 9:37

Ïa kaba sah jong ka yn pynsaphriang hangta kum ka jakhlia, khnang ba yn ym don mano mano uba lah ithuh ïa ki.’ ”

SALM 53:5

Hynrei pynban kin sngewshyrkhei shikatdei eh, kum bym pat ju long mynshuwa, naba U Blei un pynsaphred ïa ki shyieng jong ki nongshun jong ki briew jong U. U Blei u la kyntait ïa ki, bad kumta ki Israel kin jop thiaw ïa ki.

JEREMAÏAH 14:16

Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

ESEKIEL 37:1

Nga la sngew ïa ka jingdon ryngkat badonbor jong U Trai bad U Mynsiem jong u, u la ïalam bad pynshong ïa nga hapoh ka them ha kaba ka madan ka dap da ki shyieng.

ESEKIEL 6:4

Ïa ki duwan yn pynjot noh bad ki duwan jingiwbih kin pra. Baroh ki briew kiba hangta kin shah pynïap ha khmat ki bleithaw jong ki.

ESEKIEL 6:5

Ngan phriang ïa ki metïap jong ki briew ka Israel; bad ngan pynphriang ïa ki shyieng jong ki baroh sawdong ki duwan.

AMOS 2:1

U Trai u ong, “Ki briew jong ka Moab ki la ïai leh pop, bad na ka bynta kane ngan pynshitom da shisha ïa ki. Kim shym burom ïa ki shyieng u syiem Edom da kaba thang haduh ba kin da kylla dpei.