JEREMAÏAH 7:9 - Khasi CL Bible (BSI)

⁹ Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

KA BAIBL

⁹ Phin tuh, pynïap briew, bad klim, bad phin smai lamler, bad phin thang ka jingiwbih ïa u Baal, bad leit bud ïa kiwei pat ki blei kiba phim shym tip,

JEREMAÏAH 7:9 ပူးပေါင်းရင်းမြစ်များ

1 SYIEM 18:21

U Elijah u leit sha u paidbah bad ong, “Sa katno slem ba phin pynbeit ïa ki jingmut jong phi? Lada U Trai u dei U Blei, mane ïa u; hynrei lada u Baal u dei U Blei, mane ïa u!” Hynrei u paidbah u la shu sngap jar.

EKSODOS 20:3

“Wat mane ïa uwei pat u blei hynrei tang ïa nga.

ISAÏAH 1:13

Ka long ka bymmyntoi ban wallam ïa ki jingainguh jong pha. Nga la sngewjli da ka jingiw jong ka jingiwbih ba pha thang. Ngam lah shah ïa ki Jingkhawai Niam Bnai Thymmai jong pha, ïa ki Sabbaton jong pha bad ïa ki jingïaseng jong pha; la pyntngit ïa ki baroh da ki pop jong pha.

ISAÏAH 58:2

Ki mane ïa nga man la ka sngi, ki da kam ba ki thrang ban tip ïa ki lynti jong nga bad kohnguh ïa ki aiñ jong nga. Ki ong ba ki kwah ïa nga ban ai ïa ki aiñ kiba beit bad ba ki shem sngewbha ha kaba mane ïa nga.”

JEREMAÏAH 1:16

Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 13:10

Kine ki briew basniew ki la kyntait ban kohnguh ïa nga. Ki la long kiba mutlop bad bymman kumba ki la ju long, bad ki la mane bad shakri ïa kiwei ki blei. Kumta te, ki la long kum kine ki patlun lyngkot ki bym long shuh ban pyndonkam.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 44:8

Balei ba phi pynbitar ïa nga da kaba mane ïa ki bleithaw bad da kaba kñia ha kiwei ki blei hangne ha Ijipt, ha kaba phi la wan ban shong ban sah? Hato phi leh ïa kane ban pynjot ïa lade, khnang ba ki jaitbynriew baroh ha ka pyrthei kin ñiewbeiñ ïa phi bad pyndonkam ïa ka kyrteng jong phi kum ka jingtim?

JEREMAÏAH 44:9

Hato phi la klet ïa ki kam bymman baroh ïa kiba la leh ha ki shnong jong ka Judah bad ha ki surok bah ka Jerusalem da ki kpa tymmen jong phi, da ki syiem ka Judah bad ki tnga jong ki, bad da ma phi bad ki tnga jong phi?

JEREMAÏAH 48:35

Ngan pynsangeh ïa ki briew ka Moab na kaba thang jingainguh ha ki jaka mane jong ki bad ban ai ïa ki jingkñia sha ki blei jong ki. Ma nga, U Trai, nga la kren.

JEREMAÏAH 5:2

Wat la phi kam ba phi mane ïa U Trai, phim shym mut kumba phi ong.

JEREMAÏAH 5:7

U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

ESEKIEL 18:18

Ha kawei pat ka liang, u kpa jong u, u la shukor bad lute bad u ïai leh ïa kaba sniew ha uwei pa uwei baroh. Bad kumta u la ïap namar ki pop kiba ma u hi u la leh.

ESEKIEL 20:30

Mynta to ïathuh ïa ki Israel ïa kaei kaba ma nga, U Trai Nongsynshar nga ong: Balei phi dei ban leh ïa kijuh ki pop kiba ki kpa jong phi ki la leh bad ba phi ïabud nadien ki bleithaw jong ki?

ESEKIEL 23:39

Ha kata ka sngi hi ba ki pynïap ïa ki khun jong nga kum ki jingkñia sha ki bleithaw, ki la wan sha ka Templ jong nga bad pyntngit ïa ka!

ESEKIEL 5:11

“Namarkata, namar ba nga long U Blei uba im — kane ka long ka ktien U Trai Nongsynshar — namar pha la pyntngit ïa ka Templ jong nga da kiei kiei kiba basniew, ki kam ijli kiba pha la leh, ngan kyntait ïa pha khlem isynei.

HOSIA 2:13

Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

HOSIA 6:9

Ki lyngdoh ki long kum ka kynhun ki nonglute kiba apthap ïa u briew. Wat ha ka lynti sha ka jaka bakhuid ha Shekhem ki pynïap briew. Bad ki leh ïa kane kaba sniew baroh da kaba thmu lypa!

AMOS 4:5

Ïaid shaphrang bad rah ïa u kpu jong phi kum ka jingainguh sha U Blei, bad to sngewsarong shaphang ki jingainguh ba tam ba phi wallam! Kane ka long ka rukom ïa kaei kaei kaba phi ieit ban leh.

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

Ka Shithi U Paul Sha Ki Nong Rom 2:2

Ngi tip ba U Blei u leh ïa kaba dei haba u bishar ïa ki briew kiba leh ïa kiei kiei kum kine.

DEUTERONOMI 32:17

Ki kñia ha ki blei ki bym dei shisha ki blei, ha ki blei thymmai kiba ki kpa tymmen jong ki kim ju tip, ki blei kiba ki Israel kim ju kohnguh.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.

NONGBISHAR 5:8

Nangta la don ka thma ha ka ri, Haba ki Israel ki jied ki blei thymmai. Na ki sawphew hajar ngut ki rangbah ha Israel Don mano mano ba rah ïa ka stieh ne u sum?