JEREMAÏAH 7:4 - Khasi CL Bible (BSI)

⁴ Sangeh ban ngeit ïa kito ki kyntien shukor, ‘Ngim lei lei! Kane ka dei ka Templ jong U Trai, kane ka dei ka Templ jong U Trai, kane ka dei ka Templ jong U Trai!’

KA BAIBL

⁴ Wat shaniah ha ki ktien shukor, da kaba ong, “Ka templ U Trai, ka templ U Trai, ka templ U Trai, ki long kine.” ’ ”

JEREMAÏAH 7:4 ပူးပေါင်းရင်းမြစ်များ

1 SYIEM 9:7

ngan jynrat noh ïa ki Israel na kane ka ri ïa kaba nga la ai ha ki; bad ngan kyntait noh ïa kane ka ïing ïa kaba nga la pynkyntang na ka bynta ka kyrteng jong nga; bad ki Israel kin sa shah rkhiebeiñ bad shah kynshi hapdeng ki jaitbynriew baroh.

ISAÏAH 48:2

Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

ISAÏAH 59:4

Phi kiew sha ka ïingbishar, hynrei phim shym ïoh ka jingbishar hok ha ka liang jong phi. Phi shaniah ha ki jinglamler ban jop ïa ka jingmudui jong phi. Phi pyndep ïa ki jingthmu jong phi ban pynmong ïa kiwei.

ISAÏAH 66:1

U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?

JEREMAÏAH 28:15

Nangta nga la ong ïa kane ha u Hananaïah, bad nga la bynrap, “To shahshkor, ko Hananaïah! U Trai um shym la phah ïa me, bad la pynlong ïa kine ki briew ban ngeit ïa ka lamler.

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

JEREMAÏAH 29:31

ban phah sha ki koidi baroh ha Babilon ïa kane ka khubor shaphang u Shemaïah: “Ma nga, U Trai, ngan pynshitom ïa u Shemaïah bad ïa ki khun ki ksiew jong u baroh. Ngam shym la phah ïa u, hynrei u la kren ha phi kumba u la long u nongïathuhlypa, bad la pynlong ïa phi ban ngeit ïa ki jinglamler. Un ym don kino kino ki khun ki ksiew hapdeng jong phi. Un ym im ban ïohi ïa kiei kiei kiba bha kiba ngan leh na ka bynta ki briew jong nga, namar u la ong ïa ki ban ïeng ïaleh pyrshah ïa nga. Ma nga, U Trai, nga la kren.”

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 7:14

Bad kumta, kaei kaba nga la leh ïa ka Shiloh ngan leh ruh ïa kane ka Templ jong nga, ha kaba phi shaniah. Hangne ha kane ka jaka kaba nga la ai ha ki kpa tymmen jong phi bad ha phi, ngan leh ïa kata kajuh kaba nga la leh ïa ka Shiloh.

ESEKIEL 13:19

Phi pynjahburom ïa nga ha khmat ki briew jong nga khnang ban ïoh katto katne kham u barli bad khyndiat tylli ki lyngkhot kpu. Phi pynïap ïa ki briew ki bym dei hok ban ïap, bad phi pynsah im ïa ki briew ki bym dei hok ban im. Kumta phi ïathuh ki jinglamler ha ki briew jong nga, bad ki ngeit ïa phi.”

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

LOUKAS 3:8

To leh ïa kita kiei kiei ki ban pyn-i ba phi la phai noh na ki pop jong phi. Bad wat sdang ban ong hapdeng jong phi hi ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ïa ki, ki khun ki ksiew jong u Abraham!