JEREMAÏAH 7:34 - Khasi CL Bible (BSI)

³⁴ Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

KA BAIBL

³⁴ Ynda kumta, ngan pynduh noh na ki shnong Judah, bad na ki lynti bah ka Jerusalem, ïa ka jingsawa ka jingrkhie bad ka jingsawa ka jingkmen, ka jingsawa u nongleit-kurim bad ka jingsawa ka nongleit-kurim: naba ka ri kan long khlaw.

JEREMAÏAH 7:34 ပူးပေါင်းရင်းမြစ်များ

Ka Kitab U Job 3:7

Pynlong ïa ka kaba khlem seisoh, ka miet khlem ka jingkmen.

SALM 78:63

Ki samla shynrang ki la shah pynïap ha ka thma, bad ïa ki samla kynthei jong ki kim don uno uno ban shongkurim.

ISAÏAH 1:7

Ïa ka ri jong phi la pynjot thiaw, ïa ki nongbah la thang duh da ka ding. Katba phi dang khmih, ki nongwei ki kurup ïa ka ri jong phi bad ki pynpra ïa kiei kiei baroh.

ISAÏAH 3:26

Ki khyrdop ka nongbah kin ïambriew bad kin kyang, bad ka nongbah hi kan long kum ka kynthei kaba shong ha madan kaba la shah sloit lyngkhuit.

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

JEREMAÏAH 16:9

Shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan pynsngap jar ïa ki jingsawa ka jingkmen bad ka jingshadkmen bad ki jingsawa bakmen jong ki jingkhawai shongkurim. Ki briew hangne kin im ban ïohi ba kane ka jia.

JEREMAÏAH 22:6

“Ha nga, ka ïingsyiem Judah ka long kaba itynnat kum ka ri Gilead, bad kum ki lumbah Lebanon; hynrei ngan pynlong ïa ka, ka jaka kynjah ha kaba yn ym don bashong basah.

JEREMAÏAH 25:10

Ngan pynsngap jar ïa ki jingkyang ka jingkmen bad ïa ka jinglehkmen bad ïa ka sur ïaleh sngewbha ha ki jingkhawai shongkurim. Kin ym don umphniang ïa ki sharak jong ki, bad kin ym don shuh ïa u kew.

JEREMAÏAH 27:17

Wat shahshkor ïa ki! Pyndem ha u syiem ka Babilonia bad phin im! Balei ba kane ka nongbah kan kylla ka kynton ki jingpra?

JEREMAÏAH 33:10

U Trai u la ong, “Ki briew ki ïa-ong ba kane ka jaka ka long kum ka ri shyiap, ba kam don ki briew ne ki mrad kiba im ha ka. Bad ki ong ïa kaba dei; ki shnong ka Judah bad ki surok bah ka Jerusalem ki long thylli; ym don ki briew ne ki mrad kiba im hangta.

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

JEREMAÏAH 4:26

Ka ri kaba seisoh ka kylla long ka ri shyiap, ki nongbah jong ka ki la don ha ka jingjot namar ka jingbitar shla jong U Trai.

JEREMAÏAH 4:27

(U Trai u la ong ba ka pyrthei baroh kawei kan kylla long ka ri khlaw, hynrei ba un ym pynjot khoit ïa ka.)

JEREMAÏAH 44:6

Te nga pynmih noh ïa ka jingbitar jong nga bad ka jingbitar shla ha ki shnong jong ka Judah bad ha ki surok bah ka Jerusalem, bad nga thang ïa ki da ka ding. La iehnoh ïa ki ha ki jingjot bad ki la long ka jingïohi ba-itriem, kumba ki long mynta ka sngi.

SNGEWSYNEI 5:14

Ki tymmen kim shong shuh ha ka khyrdop nongbah, bad ki samla kim tem jingtem shuh.

ESEKIEL 26:13

Ngan pynkut noh ïa ki jingrwai jong pha baroh, bad ngan pynsngap jar ïa ki sur tem na ki duitara jong pha.

ESEKIEL 7:11

Ka jingleh jubor ka nang pynroi ïa ka jingbymman. Yn ym don kiei kiei kiba dei ki jong ki, ki ban neh, la ka long ka spah, ka burom, ne ka nam jong ki.

HOSIA 2:11

Ngan pynkut noh ïa baroh ki kam sngewbha jong ka — ki jingkhawai ba man ka snem bad man u bnai bad ki jingrakhe ïa ka Sabbaton — bad ïa ki jinglehniam jong ka baroh.

HOSIA 2:13

Ngan pynshitom ïa ka namar kito ki por kiba ka la klet ïa nga mynba ka thang ki jingiwbih ïa u Baal bad ka la pynphuh pynphieng ïa lade da ki jingdeng bakordor haba ka leit bud nadien ïa kiba ieit jong ka. U Trai u la kren.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

MIKAH 7:13

Hynrei ka pyrthei kan long kum ka ri shyiap namar ka jingbymman jong kito kiba shong ha ka.

JINGPYNPAW 18:23

Ïa ka jingshai ka sharak yn ym ïohi shuh da lei lei ha pha; ïa ka sur u nongleitkurim bad ka nongleitkurim yn ym ïohsngew shuh ha pha! Ki nongkhaïi jong pha ki la long kiba donbor tam ha ka pyrthei baroh, bad da ka myntor balamler pha la shukor ïa ki briew baroh jong ka pyrthei!”