JEREMAÏAH 7:29 - Khasi CL Bible (BSI)

²⁹ “To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

KA BAIBL

²⁹ “ ‘To khap noh ïa la u 'ñiuh khlieh, A Jerusalem, bad bred noh ïa u, bad to leit ïam shalor ki jaka bajrong balyngki; naba U Trai u la kyntait bad u la iehnoh sah ïa ka pateng bynriew ka jingbitar jong u.’

JEREMAÏAH 7:29 ပူးပေါင်းရင်းမြစ်များ

2 SYIEM 17:20

U Trai u la kyntait ïa ki Israel baroh, u pynshitom ïa ki bad u aiti noh ïa ki sha ki nongshun barunar haduh ha kaba khatduh ban pyndam ïa ki na khmat jong u.

Ka Kitab U Job 1:20

Te u Job u ïeng joit bad u kad ïa la ki jaiñ ha ka jingsngewsih. U khi ïa la ka khlieh bad u bret ïa lade da pyllup ha ka khyndew.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

JEREMAÏAH 12:7

U Trai u ong, “Nga la iehnoh ïa ka Israel; nga la kyntait noh ïa ka jaitbynriew ba la jied jong nga. Nga la ai ïa ki briew ba nga ieit ha ka bor jong ki nongshun jong ki.

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

JEREMAÏAH 16:6

Kiba riewspah bad kiba duk kin ïap ha kane ka ri, hynrei ym don mano mano ban tep ïa ki lane ban ïambriew na ka bynta jong ki. Ym don mano mano u ban ot ïa lade lane u ban khi ïa la ka khlieh ban pyn-i ïa ka jingsngewsih jong u.

JEREMAÏAH 3:2

Khmih shatei halor ki kliar lum. Hato don kano kano ka jaka ha kaba pham shym la leh kum ka nuti? Pha la ap ïa ki nongleh-ieit shi lynter ka rud surok, kumba u Arab u apthap ha ka ri shyiap. Pha la pyntngit ïa ka ri da ka jingleh nuti jong pha.

JEREMAÏAH 3:21

La ïohsngew ïa ka jingsawa halor ki kliar lum: ki dei ki paid Israel kiba ïam bad ïasaid, namar ba ki la im ka jingim ba-dap da ka pop bad ba ki la klet ïa U Trai U Blei jong ki.

JEREMAÏAH 47:5

Ka jingsngewsih bakhraw ka la wan ha ki briew jong ka Gasa, bad ki briew jong ka Ashkelon ki sngap jar. Katno slem kiba dang sah ha Philistia kin ïam sngewsih?

JEREMAÏAH 48:37

Baroh na ki, ki la khi ïa la ki khlieh bad ki la khapnoh ïa la ki 'ñiuhtmoh. Baroh ki la pynmong ïa la ki kti, bad uwei pa uwei u phong ïa ki jaiñ khain.

JEREMAÏAH 6:30

Yn khot ïa ki, ka eitnar bymdondor, namar ma nga, U Trai, nga la kyntait ïa ki.”

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

JEREMAÏAH 9:16

Ngan pynsakma ïa ki hapdeng ki jaitbynriew kiba ma ki lymne ki kpa tymmen jong ki, ki la ïohsngew, bad ngan phah ki kynhun shipai pyrshah ïa ki tad haduh ba ngan da pynjot khoit ïa ki.”

SNGEWSYNEI 5:22

Lane hato me la kyntait ïa ngi junom? Hato ym don jingkut ïa ka jingbitar jong me?

ESEKIEL 19:1

U Trai u la ong ïa nga ban rwai ïa kane ka jingrwai ka jingsngewsih na ka bynta ki ar ngut ki khun syiem shynrang jong ki Israel:

ESEKIEL 28:12

“Ko khun u briew,” u la ong, “to sngewsih ïa ka kupar kaba ap ïa u syiem ka Tyros. Ïathuh ha u ïa kaei kaba ma nga, U Trai Nongsynshar nga ong: Shisien me la long u nuksa jong ka jingjanai. Katno uba stad bad uba bhabriew me la long!

AMOS 5:1

To shahshkor, ko ki paid Israel, ïa kane ka jingrwai leit ontep kaba nga rwai ha phi:

MIKAH 1:16

Ko ki paid Judah, to khi ïa la u shñiuh ha ka jingsngewsih na ka bynta ki khun kiba phi ieit. To pynlong ïa lade kiba syllen kum ki pukni, namar ïa ki khun jong phi yn shim noh na phi ban ïalam sha ka jingringmraw.

MATHAÏOS 12:39

“Katno kiba sniew bad bym don blei ki long ki briew jong kane ka por!” U Jisu u la pynbna. “Phi pan na nga ïa ka kambah? Em! Ka kambah kaba yn ai ha phi ka long tang ka kambah jong u Jonah u nongïathuhlypa.

MATHAÏOS 16:4

Katno kiba sniew bad ki bym don blei ki long ki briew jong kane ka juk! Phi kyrpad na nga ïa ka kambah? Em! Ka kambah kaba yn ai ha phi ka long tang ka kambah jong u Jonah.” Kumta u la iehnoh ïa ki bad u la leit noh.

MATHAÏOS 23:36

Nga ong shisha ha phi: Ka jingpynshitom na ka bynta kine ki jingpynïap baroh kan hap halor ki briew jong kane ka juk!

MATHAÏOS 3:7

Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

KI KAM 2:40

U Petros u la pynlong ïa kane ka jingkyrpad ha ki bad da ki kyntien babun u la kyrpad ïa ki, da kaba ong, “To pynim ïa lade na ka jingpynshitom kaba wan ha une u paidbah ba-bymman!”

DEUTERONOMI 32:5

Pynban phi, phi long kiba ïaid kdor, ki bym dei hok ban long ki briew jong u, ka jaitbynriew kaba pop bad kaba shukor.