JEREMAÏAH 7:28 - Khasi CL Bible (BSI)

²⁸ Men ïathuh ïa ki ba ka jaitbynriew jong ki kam shym kohnguh ïa nga, U Trai U Blei jong ki, lane ïoh jinghikai na ki jingpynshitom jong ki. Ka jingïaineh ka la ïap. Ym shym la ïakren shuh shaphang jong ka.”

KA BAIBL

²⁸ Te men ong ha ki, ‘Kane ka long kata ka pateng bynriew ka bym shym shahshkor ïa ka ktien U Trai U Blei jong ki, lymne kim shym pdiang ka jinghikai: ka jingshisha ka la duh noh, bad la ot noh ïa ka na ka shyntur jong ki.

JEREMAÏAH 7:28 ပူးပေါင်းရင်းမြစ်များ

SALM 12:2

Baroh na ki, ki lamler iwei ïa iwei pat; ki shukor iwei ïa iwei pat da ki kyntien pynroh.

SALM 50:17

Phi la kyntait ba ngan pynbeit ïa phi; phi la kyntait ïa ki hukum jong nga.

PROBERB 1:7

Ban ïoh ïa ka jingtip, nyngkong phi dei ban don ka jingtiengburom ïa U Trai. Ki briew kiba mutlop kim don ka jingñiewkor ïa ka jingstad bad ki kyntait ban shah hikai.

ISAÏAH 30:9

Ki long borabor kiba ïaleh pyrshah ïa U Blei, kiba ïai shukor, kiba ïai kyntait ban shahshkor ïa ki jinghikai U Trai.

JEREMAÏAH 11:10

Ki la leit phai pat sha ki pop jong ki kpa tymmen jong ki, kiba la kyntait ban leh ïa kaei kaba nga ong; ki la mane ïa kiwei pat ki blei. Baroh ar, ka Israel bad ka Judah ki la pynkheiñ ïa ka jutang kaba nga la pynlong bad ki kpa tymmen jong ki.

JEREMAÏAH 17:23

Ki kpa tymmen jong ki kim shym la shahshkor ïa nga lane pynleit jingmut ei ei. Pynban ki la kylla long kiba mutlop; kin ym kohnguh ïa nga lane ïoh jinghikai na nga.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 32:33

Ki la phai dien na nga; bad wat la nga la ïai hikai ïa ki, kim shahshkor bad ïoh jinghikai.

JEREMAÏAH 5:1

Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 6:17

Nangta U Trai un thung ki rangbah nongap phira ban shahshkor ïa ka jingmaham jong ka turoi. Hynrei ki ong, “Ngin ym shahshkor.”

JEREMAÏAH 6:28

Ma ki baroh ki long ki nongïaleh pyrshah ba-mutlop, kiba eh kum ka rnong bad u nar. Ma ki baroh ki long kiba sniew, ki da ïaid kylleng bad pynsaphriang ïa ka lorni.

JEREMAÏAH 6:8

Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

SEPHANAÏAH 3:2

Kam shym la pynshahshkor ïa U Trai lane pdiang ïa ka jingsneng pynbeit jong u. Kam shym la buh ïa la ka jingshaniah ha U Trai lane kyrpad ïa ka jingïarap jong u.

SEPHANAÏAH 3:7

Nga la pyrkhat ba kumta ki briew jong nga kin da la ñiewkor ïa nga bad pdiang ïa ka jingsneng pynbeit jong nga, ba kin ym da la klet ïa ka jinghikai kaba nga la hikai ïa ki. Hynrei shen shen ki la leh bymman kumba ki ju leh.