JEREMAÏAH 7:26 - Khasi CL Bible (BSI)

²⁶ Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

KA BAIBL

²⁶ pynban, kim shym la sngap ïa nga, lymne pyndem ïa la ka shkor, hynrei, ki la pyneh ïa la ka ryndang: ki la leh kham sniew ban ïa ki kpa jong ki.

JEREMAÏAH 7:26 ပူးပေါင်းရင်းမြစ်များ

1 SYIEM 14:22

Ki paid Judah ki la leh pop pyrshah ïa U Trai bad ki leh palat ban pynkhih bitar ïa U pyrshah ïa ki ban ïa kaba ki kpa tymmen jong ki baroh ki la leh.

1 SYIEM 14:9

Me la leh ïa ki pop kiba khraw palat liam ban ïa kito kiba la synshar ha shuwa jong me. Me la kyntait ïa nga bad me la pynbitar lep ïa nga da kaba me thaw ïa ki bleithaw bad ki dur ba la shu saiñ ban mane.

2 SYIEM 17:14

Hynrei kim shym la kohnguh; ki long kiba mutlop kum ki kpa tymmen jong ki, ki bym shym la shaniah ha U Trai U Blei jong ki.

2 SYIEM 17:15

Ki kyntait ban kohnguh ïa ki jingbthah jong u, kim shym sumar ïa ka jutang kaba u la pynlong bad ki kpa tymmen jong ki, bad kim suidñiew ïa ki jingmaham jong u. Ki la mane ïa ki bleithaw bym shongdor bad ïa lade ki long ki bymdondor, bad ki bud ïa ki rukom jong ki hima ba don sawdong, khlem kohnguh ïa ki hukum U Trai ban pyrthuh bud ïa ki.

2 KHRONIKL 30:8

Wat long kiba mutlop kum ma ki, hynrei to kohnguh ïa U Trai. Wan sha ka Templ ha Jerusalem ïa kaba U Trai U Blei jong phi u la pynlong khuid junom, bad to mane ïa U, ba kumta phin un ym bitar shuh ïa phi.

2 KHRONIKL 33:10

Wat la U Trai u la maham ïa u Manasseh bad ïa ki briew jong u, ki kyntait ban shahshkor.

2 KHRONIKL 33:23

Hynrei ym kum u kpa jong u, um shym long uba pynrit ïa lade bad phai sha U Trai; u kham long uba pop ban ïa kaba long u kpa jong u.

NEHEMAÏAH 9:29

Me maham ïa ki ban kohnguh ïa ki jinghikai jong me, hynrei ha ka jingsarong ki kyntait ïa ki hukum jong me, wat la kaba sumar ïa ka Hukum ka long ka lynti sha ka jingim. Kiba mutlop bad kiba ehrang, ki kyntait ban kohnguh.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

ISAÏAH 5:4

Don kano kano kaba ngam shym la leh ïa ka? Te balei ka pynmih ki sohwaiñ kiba jew bad ym kiba bha kumba nga la khmih lynti?

JEREMAÏAH 11:8

Hynrei kim shym la shahshkor lane kohnguh. Pynban, uwei uwei baroh u ïai bteng ban long uba mutlop bad uba sniew kumba u ju long. Nga la hukum ïa ki ban bat ïa ka jutang, hynrei ki la kyntait. Kumta nga la wallam halor jong ki baroh ïa ki jingpynshitom kiba la batai ha ka.”

JEREMAÏAH 16:12

Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

JEREMAÏAH 17:23

Ki kpa tymmen jong ki kim shym la shahshkor ïa nga lane pynleit jingmut ei ei. Pynban ki la kylla long kiba mutlop; kin ym kohnguh ïa nga lane ïoh jinghikai na nga.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 22:21

U Trai u la kren ha phi mynba phi dang manbha, hynrei phi kyntait ban shahshkor. Kata ka long kaei kaba phi leh shi lynter ka jingim jong phi, phim ju treh ban kohnguh ïa U Trai.

JEREMAÏAH 25:3

“La arphew lai snem, naduh ka snem kaba khatlai ba u Josaïah u khun jong u Amon u la long u syiem ka Judah, haduh kane ka sngi hi, U Trai u la kren ha nga, bad nga la ïai pynsngew ha phi man ka por, hynrei phim shym la pynleit jingmut.

JEREMAÏAH 25:7

Hynrei U Trai da lade hi u ong ba phi la kyntait ban shahshkor ïa u. Pynban, phi la pynbitar ïa u da ki bleithaw jong phi bad phi la wallam ïa ka jingpynshitom jong u ha phi hi.

JEREMAÏAH 26:5

bad da kaba pynshahshkor ïa ki kyntien jong ki nongïathuhlypa, ki shakri jong nga, kiba nga la ju ïai phah sha phi. Phim pat ju kohnguh ïa kaei kaba ki la ong.

JEREMAÏAH 29:19

Kane kan jia ha ki namar kim shym la kohnguh ïa ka khubor kaba nga ju ïai phah sha ki lyngba ki nongïathuhlypa, ki shakri jong nga. Ki la kyntait ban shahshkor.

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JEREMAÏAH 32:23

Hynrei ynda ki la wan sha kane ka ri bad shimti ïa ka, kim shym la kohnguh ïa ki hukum jong me lane im kat kum ka jinghikai jong me; kim shym la leh ïa kaba me la hukum ïa ki ban leh. Bad kumta me la wallam ïa kane ka jingpynjot baroh ha ki.

JEREMAÏAH 34:14

Nga la ong ïa ki ba man ki hynñiew snem ki dei ban pyllaitluid ïa uno uno u mraw Hebru uba la shakri ïa ki hynriew snem. Hynrei ki kpa tymmen jong phi kim shym la suidñiew ïa nga lane shahshkor ïa kaei kaba nga la ong.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 35:17

Kumta mynta, ma nga, U Trai Badonbor Baroh, U Blei ki Israel, ngan wallam halor jong phi ki paid Judah bad Jerusalem ïa baroh ka jingpynjot kaba nga la kular. Ngan leh ïa kane namar phim shym la shahshkor haba nga la kren ha phi, bad phim shym la jubab haba nga la khot ïa phi.”

JEREMAÏAH 44:16

“Ngi kyntait ban shahshkor ïa kaei kaba phi la ïathuh ha ka kyrteng jong U Trai.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 6:10

Nga la jubab, “Mano ban shahshkor ïa nga lada nga la kren ha ki bad maham ïa ki? Ki long kiba mutlop bad ki kyntait ban shahshkor ïa ka khubor jong me; ki rkhie ïa kaei kaba me ong ïa nga ban ong.

JEREMAÏAH 6:17

Nangta U Trai un thung ki rangbah nongap phira ban shahshkor ïa ka jingmaham jong ka turoi. Hynrei ki ong, “Ngin ym shahshkor.”

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

JEREMAÏAH 9:13

U Trai u la jubab, “Kane ka la jia namar ki briew jong nga ki la iehnoh ïa ka jinghikai jong nga kaba nga la ai ha ki. Kim shym la kohnguh ïa nga lane leh ïa kaei kaba nga la bthah ïa ki.

ESEKIEL 12:2

“Ko khun u briew,” u ong, “me im hapdeng ki briew kiba ïeng ïaleh pyrshah. Ki don ki khmat, hynrei kim ïohi ei ei; ki don ki shkor, hynrei kim ïohsngew ei ei, namar ki long kiba ïaleh pyrshah.

ESEKIEL 12:3

“Mynta, ko khun u briew, to teh ïa ka song kumba u nongphetwir u leh bad mihnoh ha shuwa ban wan ka miet. Ai ba uwei uwei baroh un ïohi ba me mihnoh bad leit sha kawei pat ka jaka. Lehse kito kiba ïeng ïaleh pyrshah kin ïohi ïa me.

ESEKIEL 20:30

Mynta to ïathuh ïa ki Israel ïa kaei kaba ma nga, U Trai Nongsynshar nga ong: Balei phi dei ban leh ïa kijuh ki pop kiba ki kpa jong phi ki la leh bad ba phi ïabud nadien ki bleithaw jong ki?

DANIEL 9:6

Ngim shym la shahshkor ïa ki nongïathuhlypa, ki shakri jong me, kiba la kren ha ka kyrteng jong me sha ki syiem jong ngi, ki nongsynshar jong ngi, ki kpa tymmen jong ngi, bad ka jaitbynriew jong ngi baroh kawei.

HOSIA 11:7

Ki ïaleh ban phai lyndet na nga. Kin sa lynñiar namar ka lyngkor kaba ban ïa ki, hynrei yn ym don ban weng ïa ka na ki.

SEKHARAÏAH 7:11

“Hynrei ki briew jong nga ki kyntait da ka jingmynthi ban pynshahshkor ïa nga. Ki khang ïa ki jingmut jong ki

MALAKHI 3:7

Ma phi, kum ki kpa tymmen jong phi ha shuwa jong phi, phi la phai noh na ki aiñ jong nga bad phim shym la sumar ïa ki. To phai pat sha nga, bad ngan phai sha phi. Hynrei phi kylli, ‘Kaei ba ngi dei ban leh ban phai pat sha me?’

MATHAÏOS 21:38

Hynrei haba ki nongshimwai ki la ïohi ïa u khun, ki la ong ha lade, ‘Une u long u khun jong u trai. Ale, to ngin pynïap ïa u, bad ngin ïoh ïa ka jingdon jingem jong u!’

MATHAÏOS 23:32

To nang ïaid, bad pyndep ïa kaei kaba ki kpa tymmen jong phi ki la sdang!

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

DEUTERONOMI 8:20

Lada phim kohnguh ïa U Trai, phin shah pynjot kumjuh kumba kita ki jaitbynriew kin shah pynjot ha U Trai katba phi nang ïaid sha khmat.