JEREMAÏAH 7:24 - Khasi CL Bible (BSI)

²⁴ Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

KA BAIBL

²⁴ Hynrei, kim shym la sngap, lymne pyndem ïa la ka shkor, hynrei, ki la ïaid ha la ki jong ki buit bad ha ka jingmutlop ka dohnud bymman jong ki, bad ki la ïaid da dien bad ym sha khmat.

JEREMAÏAH 7:24 ပူးပေါင်းရင်းမြစ်များ

NEHEMAÏAH 9:29

Me maham ïa ki ban kohnguh ïa ki jinghikai jong me, hynrei ha ka jingsarong ki kyntait ïa ki hukum jong me, wat la kaba sumar ïa ka Hukum ka long ka lynti sha ka jingim. Kiba mutlop bad kiba ehrang, ki kyntait ban kohnguh.

SALM 81:13

Katno nga kwah ba ki briew jong nga kin shahshkor ïa nga; A katno nga kwah ba kin kohnguh ïa nga!

JEREMAÏAH 13:10

Kine ki briew basniew ki la kyntait ban kohnguh ïa nga. Ki la long kiba mutlop bad bymman kumba ki la ju long, bad ki la mane bad shakri ïa kiwei ki blei. Kumta te, ki la long kum kine ki patlun lyngkot ki bym long shuh ban pyndonkam.

JEREMAÏAH 13:11

Kumba ki patlun lyngkot ki biang sbiak sawdong ka syngkai, kumta nga la thmu ba baroh ki briew jong ka Israel bad Judah kin snoh skhem ha nga. Nga la leh ïa kane khnang ba kin ïoh long ki briew jong nga bad wallam ka jingïaroh bad ka burom ïa ka kyrteng jong nga; hynrei kim shym kohnguh ïa nga.”

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 16:12

Hynrei phi la leh wat kaba kham sniew ban ïa ka jong ki kpa tymmen jong phi. Ma phi baroh phi long kiba mutlop bad kiba sniew, bad phim shym kohnguh ïa nga.

JEREMAÏAH 17:23

Ki kpa tymmen jong ki kim shym la shahshkor ïa nga lane pynleit jingmut ei ei. Pynban ki la kylla long kiba mutlop; kin ym kohnguh ïa nga lane ïoh jinghikai na nga.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 18:10

hynrei hadien, kata ka jaitbynriew kam kohnguh ïa nga bad ka leh ïa kaba sniew, ngan ym leh ïa kaei kaba nga la ong ba ngan leh.

JEREMAÏAH 18:12

Kin jubab, ‘Em, balei ngin leh kumta? Ngi baroh ngin ïailong kiba mutlop bad kiba sniew kumba ngi kwah ban long.’ ”

JEREMAÏAH 2:27

Ïa phi baroh yn pynjahburom — ma phi kiba ong ba u dieng u dei u kpa jong phi bad ba u mawsiang u dei ka kmie jong phi. Kane kan jia namar ba phi la phai noh na nga ha ka jaka ba phin phai sha nga. Hynrei haba phi don ha ka jingjynjar, phi kyrpad ïa nga ban wan bad pynim ïa phi.

JEREMAÏAH 22:21

U Trai u la kren ha phi mynba phi dang manbha, hynrei phi kyntait ban shahshkor. Kata ka long kaei kaba phi leh shi lynter ka jingim jong phi, phim ju treh ban kohnguh ïa U Trai.

JEREMAÏAH 23:17

Ha ki briew kiba kyntait ban sngap ïa kaei kaba nga la ong, ki ïai-ong ba baroh ka long bha bad ki. Bad ki ïathuh ïa uwei uwei baroh uba mutlop ba ka jingjot kan ym ktah ïa u.”

JEREMAÏAH 3:13

Shu pdiang ba pha la bakla bad ba pha la ïeng ïaleh pyrshah ïa U Trai, U Blei jong pha. To phla ba hapoh uwei pa uwei u dieng bajyrngam pha la ai ïa la ka jingieit ha ki blei nongwei bad ba pham shym la kohnguh ïa ki hukum jong nga. Ma nga, U Trai, nga la kren.

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

JEREMAÏAH 32:23

Hynrei ynda ki la wan sha kane ka ri bad shimti ïa ka, kim shym la kohnguh ïa ki hukum jong me lane im kat kum ka jinghikai jong me; kim shym la leh ïa kaba me la hukum ïa ki ban leh. Bad kumta me la wallam ïa kane ka jingpynjot baroh ha ki.

JEREMAÏAH 32:33

Ki la phai dien na nga; bad wat la nga la ïai hikai ïa ki, kim shahshkor bad ïoh jinghikai.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

JEREMAÏAH 7:26

Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

JEREMAÏAH 8:5

Balei te, ko ki briew jong nga, ba phi phai lyndet noh na nga khlem da wan phai shuh? Phi snoh ha la ki bleithaw bad phi kyntait ban wan phai sha nga.

JEREMAÏAH 9:14

Pynban, ki la long kiba mutlop bad ki la mane ïa ki bleithaw u Baal kumba ki kpa jong ki, ki la hikai ïa ki ban leh.

ESEKIEL 20:13

Hynrei wat ha ka ri shyiap ki la ïaleh pyrshah ïa nga. Ki la pynkheiñ ïa ki aiñ jong nga bad ki la kyntait ïa ki hukum jong nga, kiba wallam jingim ïa uno uno uba kohnguh ïa ki. Ki la pyntngit khoit ïa ka Sabbaton. Nga la kloi ban shah ïa ki ban sngew ïa ka jingbitar jong nga hangta ha ka ri shyiap bad ban pynjot ïa ki.

ESEKIEL 20:16

Nga la pynlong ka jingkular namar ba ki la kyntait ïa ki hukum jong nga, ki la pynkheiñ ïa ki aiñ jong nga, bad ki la pyntngit ïa ka Sabbaton — ki la kham jied ban mane ïa ki bleithaw.

ESEKIEL 20:21

“Hynrei kata ka pateng bynriew ruh ka la ïaleh pyrshah ïa nga. Ki la pynkheiñ ïa ki aiñ jong nga bad kim shym la bat ïa ki hukum jong nga, kiba wallam jingim ha uno uno uba kohnguh ïa ki. Ki la pyntngit ïa ka Sabbaton. Nga la kloi ban shah ïa ki ban sngew ïa ka bor ka jingbitar jong nga hangta ha ka ri shyiap bad ban pynïap ïa ki baroh.

ESEKIEL 20:8

Hynrei ki la ïaleh pyrshah ïa nga bad ki la kyntait ban shahshkor. Kim shym la bret noh ïa ki bleithaw ba-ijli jong ki lane iehnoh ïa ki blei jong ki nong Ijipt. Nga la kloi ban shah ïa ki ban sngew ïa ka bor ba-pura jong ka jingbitar jong nga hangta ha Ijipt.

DANIEL 9:6

Ngim shym la shahshkor ïa ki nongïathuhlypa, ki shakri jong me, kiba la kren ha ka kyrteng jong me sha ki syiem jong ngi, ki nongsynshar jong ngi, ki kpa tymmen jong ngi, bad ka jaitbynriew jong ngi baroh kawei.

HOSIA 10:6

Ïa uta u bleithaw yn kit noh sha Assyria kum ka jingnguh syiem ïa u patsha uba khraw. Ïa ka Israel yn pynjahburom bad yn pynlehrain namar ki jingai jingmut ba ka bud.

HOSIA 4:16

Ki paid Israel ki long mutlop kum ki khashor. Kumno ngan bsa ïa ki kum ïa ki langbrot ha ki pyntha phlang?

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

SEKHARAÏAH 7:11

“Hynrei ki briew jong nga ki kyntait da ka jingmynthi ban pynshahshkor ïa nga. Ki khang ïa ki jingmut jong ki

DEUTERONOMI 29:19

Pynthikna ba yn ym don hangne mynta ka sngi uba ïohsngew ïa ki ktien jong kane ka jutang, pynban uba pynngeit ïa lade ba kaei kaei kan ym jia ïa u wat la u ïaid mon da ka dohnud kaba mutlop. Ka jingmih na kata kan long ba phi baroh phin jot thiaw, kiba bha bad kiba sniew kumjuh.