JEREMAÏAH 7:18 - Khasi CL Bible (BSI)

¹⁸ Ki khynnah ki lum diengthang, ki rangbah ki sliew ding, bad ki kynthei ki khleh kpu ban shet kpu ïa ka blei kaba ki khot ka Syiem jong ka Bneng. Ki la theh ruh ïa ki jingainguh waiñ ha kiwei pat ki blei, khnang ban pynmong ïa nga.

KA BAIBL

¹⁸ Ki khynnah ki ïalum prew, bad ki kpa ki sliew ding, bad ki kynthei ki ïatylliat 'pu im ban shet kpu ïa ka syiem bneng, bad ban theh ka jingainguh dih ïa kiwei pat ki blei, khnang ba kin pankwah ïa nga ban bitar.

JEREMAÏAH 7:18 ပူးပေါင်းရင်းမြစ်များ

1 SYIEM 14:9

Me la leh ïa ki pop kiba khraw palat liam ban ïa kito kiba la synshar ha shuwa jong me. Me la kyntait ïa nga bad me la pynbitar lep ïa nga da kaba me thaw ïa ki bleithaw bad ki dur ba la shu saiñ ban mane.

1 SYIEM 16:2

“Mem shym la long ei ei ruh em, hynrei nga la pynlong ïa me u nongïalam jong ki briew jong nga ki Israel. Bad mynta me la leh pop kum u Jeroboam bad me la ïalam ïa ki briew jong nga sha ka pop.

SALM 16:4

Kito kiba beh stet sha kiwei ki blei ki wallam bun ki jingjynjar halor lade hi. Ngan ym ïashim bynta ha ki jingkñia jong ki; ngan ym mane ïa ki blei jong ki.

ISAÏAH 3:8

Ho-oid, ka Jerusalem ka long ba la tim! Ka Judah ka dang khyllem! Kano kano kaba ki kren lane ki leh ka long pyrshah ïa U Trai; ki ibeiñ khlem buhrieh ïa U Blei hi.

ISAÏAH 57:6

Phi shim ïa ki maw kiba jlih nangta bad mane ïa ki kum ki blei. Phi theh ïa ka waiñ kum ka jingainguh ïa ki bad wallam sha ki ïa ki jingainguh kew. Phi tharai ba ngan sngewbha da kine kiei kiei?

ISAÏAH 65:11

“Hynrei kan long pher ïa phi kiba la kyntait ïa nga, kiba lyndet ïa ka Seïon, u lum bakyntang jong nga, bad mane ïa u Gad bad u Meni, ki blei ka nusip bad ka kupar.

ISAÏAH 65:3

Kim lehrain satia ban ïai pynbitar ïa nga. Ki ai jingkñia sha ki blei thala ha ki kper bakyntang bad thang jingiwbih ha ki duwan ba-thala.

JEREMAÏAH 1:16

Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 17:2

Ki briew jong phi ki mane ha ki duwan bad ïa ki dak kiba la pynïeng na ka bynta ka blei Asherah harud jong uwei pa uwei u dieng bajyrngam, ha ki kliar lum

JEREMAÏAH 19:13

Ki ïing jong ka Jerusalem bad ki ïing jong ki syiem ka Judah, bad shisha baroh ki ïing ha kiba halor ki tnum jong ki la thang ïa ki jingiwbih sha ki khlur bad ha kaba ïa ka waiñ la theh kum ka jingainguh sha kiwei pat ki blei — ma ki baroh kin long ki bymkhuid kum ka Topheth.”

JEREMAÏAH 25:7

Hynrei U Trai da lade hi u ong ba phi la kyntait ban shahshkor ïa u. Pynban, phi la pynbitar ïa u da ki bleithaw jong phi bad phi la wallam ïa ka jingpynshitom jong u ha phi hi.

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.

JEREMAÏAH 7:17

Hato mem ïohi aïu ki leh hapoh ki nongbah jong ka Judah bad ha ki lynti jong ka Jerusalem?

SNGEWSYNEI 5:13

Ïa ki samla shynrang jong ngi la pynbor ban tylliat kew kum ki mraw; ki khynnah shynrang ki ïaid sheng sheng hapoh ka jingkit dieng bakhia.

ESEKIEL 16:26

Pha la shah ïa ki paramarjan bakwah brai, ki nong Ijipt ban leit ïathiah bad pha, bad pha la pyndonkam ïa ka jingleh nuti jong pha ban pynbitar ïa nga.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

ESEKIEL 8:16

Kumta u la ïalam ïa nga sha ka phyllaw kaba kham shapoh ka Templ. Hangta hajan ka jaka rung sha ka jaka kyntang, hapdeng ka duwan bad ka lynti rung, la don arphew san ngut ki rangbah. Ki phai dadien ïa ka jaka kyntang, bad ki pyndem ïa lade shaphang mihngi, ki da mane ïa ka sngi kaba dang mih.

ESEKIEL 8:17

U Trai u la ong ha nga, “Ko khun u briew, me ïohi ïa katai? Kine ki briew ka Judah kim pat hun tang kaba leh ïa ki kam ba-ijli kiba me la ïohi hangne bad ban pynphriang ïa ka ri da ka jingleh thombor. Em, ki dei ban wan bad leh ïa ki hangne hi ha ka Templ ban pynbitar shuh shuh ïa nga. Peit kumno ki beiñ ïa nga ha ka rukom kaba kham palat.

1 KORINTH 10:22

Lane hato phi kwah ban pynlong ïa U Blei ba un thut shen? Hato ngi pyrkhat ba ngi kham khlaiñ ban ïa u?

DEUTERONOMI 32:16

Ka jingmane bleithaw jong ki ka pynlong ïa U Trai ban ym lah shah, ki kam bymman jong ki, ki la pynlong ïa u ban bitar.

DEUTERONOMI 32:21

Da la ki bleithaw ïa nga ki pynbitar, ïa ki blei jong ki, ki bym dei shisha ki blei, ngam lah shah. Kumta ngan pyndonkam da kito ki bym dei ka jaitbynriew ban pynbitar ïa ki, ngan kynshoit ruh ïa ki da ka jaitbynriew kaba bieit katba kin ym lah shah.

DEUTERONOMI 4:19

Sumar ban ym shah pynshoi kat haduh ban da mane bad shakri ïa kaei kaba phi ïohi ha sahit bneng — la ka long ka sngi, u bnai, lane ki khlur, ïa kiba U Trai U Blei jong phi u la ai ha kiwei pat ki briew baroh ha ka pyrthei ba kin ïoh mane.