JEREMAÏAH 7:15 - Khasi CL Bible (BSI)

¹⁵ Ngan beh noh ïa phi na ka jingïohi jong nga kumba nga la leh ïa ki ba-ha-ïing ha-sem jong phi, ki paid Israel. Ma nga, U Trai, nga la kren.”

KA BAIBL

¹⁵ Bad ngan kyntait noh ïa phi na khmat jong nga, kumba nga la kyntait noh ïa ki para jong phi baroh, u symbai u Ephraim baroh keiñ.”

JEREMAÏAH 7:15 ပူးပေါင်းရင်းမြစ်များ

2 SYIEM 17:23

haduh ha kaba khatduh U Trai u pyndam noh ïa ki na khmat jong u, kumba u la maham lyngba ki shakri jong u ki nongïathuhlypa, ba un leh kumta. Te ki paid Israel ki la shah pynryngkang par sha Assyria, ha kaba ki dang ïaisah hangta.

2 SYIEM 24:20

U Trai u la bitar haduh katta katta ïa ki briew ka Jerusalem bad Judah ha kaba u la beh noh ïa ki na khmat jong u.

2 KHRONIKL 15:9

Bun ki briew ki wan sha ka liang u Asa na Ephraim, Manasseh, bad Simeon, bad ki shong ki sah ha ka hima jong u, namar ki la ïohi ba U Trai u long lem bad u. U Asa u phah khot ïa ki baroh bad ïa ki paid Judah bad Benjamin.

SALM 51:11

Wat pynjah noh ïa nga na ka jingdon ryngkat jong me; wat shim noh ïa U Mynsiem Bakhuid jong me na nga.

ISAÏAH 7:16

Wat ha shuwa ba kata ka por kan wan, ïa ki ri jong kito ki ar ngut ki syiem kiba la pynshyrkhei ïa phi yn iehnoh.

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 23:33

U Trai u la ong ïa nga, “Ko Jeremaïah, haba uwei na ki briew jong nga ne u nongïathuhlypa ne u lyngdoh u kylli ïa me, ‘Kaei ka khubor jong U Trai?’ Men ïathuh ha u, ‘Me long ka jingkit ïa U Trai, bad un sa kynther noh ïa me.’

JEREMAÏAH 23:39

te ïathuh ïa ki ba da shisha ngan shim trait ïa ki, bad ngan bret noh ïa ki sha jngai na nga, ïa ki bad ïa ka nongbah kaba nga la ai ha ki bad ha ki kpa tymmen jong ki.

JEREMAÏAH 3:8

Ka Judah ka la ïohi ba nga la pyllait tnga ïa ka Israel bad phah noh ïa ka namar ba ka la phai noh na nga bad ka la kylla long ka nuti. Hynrei ka Judah, ka para bymïaineh jong ka Israel, kam shym sheptieng. Ma ka ruh ka la kylla long ka nuti

JEREMAÏAH 52:3

U Trai u la bitar haduh katta katta ïa ki briew jong ka Jerusalem bad ka Judah kat haduh ba u beh noh ïa ki na khmat jong u. U Sedekaïah u ïaleh pyrshah ïa u Nebukhadnessar, u syiem ka Babilonia,

JEREMAÏAH 9:19

To shahshkor ïa ka jingsawa ka jingïam ha Seïon, “La pynjot ïa ngi! La pynlehrain khoit ïa ngi! Ngi dei ban iehnoh ïa ka ri jong ngi; ïa ki ïing jong ngi la pynkhyllem.”

ESEKIEL 23:31

Pha bud ha ki dien'jat ka hynmen jong pha, bad kumta ngan ai ha pha ïa kajuh ka khuri jong ka jingpynshitom ban dih.”

ESEKIEL 33:25

“To ïathuh ha ki ïa kaei kaba ma nga, U Trai Nongsynshar nga ong: Phi bam ïa ka doh kaba dang bit snam ha ka. Phi mane ïa ki bleithaw. Phi pynïap briew. Kaei kaba pynlong ïa phi ban pyrkhat ba ka ri ka dei ka jong phi?

HOSIA 1:4

U Trai u la ong ha u Hosia, “Pynkyrteng ïa u, u ‘Jesreel,’ namar kan ym slem shuh shuwa ba ngan pynshitom ïa u syiem ki Israel namar ki kam pynïap briew ba u kpa tymmen jong u, u Jehu u la leh ha Jesreel. Ngan pynkut noh ïa ka jingsynshar na ka longïing syiem jong u Jehu.

HOSIA 12:1

Kaei kaei baroh ba ki paid Israel ki leh naduh mynstep haduh da miet ka long ka bymmyntoi bad kaba pynjot. Ka jingshetkylla bad ki jingleh jubor ki nang jyllei hapdeng jong ki. Ki ïateh jutang bad ka Assyria, bad ki ïakhaïi bad ka Ijipt.”

HOSIA 13:16

Ïa ka Samaria yn pynshitom namar ka ïaleh pyrshah ïa nga. Ki briew jong ka kin ïap ha ka thma; ïa ki khunlung yn bret sha madan, ïa ki kynthei kiba punkhun yn patar.”

HOSIA 7:13

“A ki long kiba la tim! Ki la iehnoh ïa nga bad ïeng pyrshah ïa nga. Ïa ki yn pynduh noh. Nga la kwah ban pyllait im ïa ki, hynrei ka jingmane jong ki ïa nga ka long kaba thala.

HOSIA 9:13

A Trai, nga lah ban ïohi ïa ki khun jong ki ba ki shah beh kthong bad shah pynïap.

HOSIA 9:3

Ki paid Israel kin ym ïoh shongsah ha ka ri U Trai; hynrei kin hap leit phai sha Ijipt, bad ki hap ban bam ka jingbam ba la kheiñ sang ha Assyria.

HOSIA 9:9

Ki la long sniew khlem jingkyrmen ha kaei kaei kaba ki leh, kumba ki la long ha Gibeah. U Blei un kynmaw ïa ka pop jong ki, bad un pynshitom ïa ki na ka bynta kata.

JONAH 2:4

Nga la pyrkhat ba ïa nga la beh noh na ka jingdon ryngkat jong me bad ba ngan ym ïohi shuh lano lano ruh ïa ka Templ bakhuid jong me.