JEREMAÏAH 7:14 - Khasi CL Bible (BSI)

¹⁴ Bad kumta, kaei kaba nga la leh ïa ka Shiloh ngan leh ruh ïa kane ka Templ jong nga, ha kaba phi shaniah. Hangne ha kane ka jaka kaba nga la ai ha ki kpa tymmen jong phi bad ha phi, ngan leh ïa kata kajuh kaba nga la leh ïa ka Shiloh.

KA BAIBL

¹⁴ namar kata, kumba nga la leh ïa ka Sheiloh, kumta ngan leh ïa kane ka ïing ïa kaba la khot da ka kyrteng jong nga, ha kaba phi shaniah, bad ïa kane ka jaka kaba nga la ai ha phi bad ha ki kpa jong phi.

JEREMAÏAH 7:14 ပူးပေါင်းရင်းမြစ်များ

2 SYIEM 25:9

U la thang ïa ka Templ, ïa ka ïingsyiem, bad ïa baroh ki ïing jong ki rangbah bapawnam ha Jerusalem,

2 KHRONIKL 7:21

“Ka Templ ka long mynta kaba ïoh burom shibun, hynrei kat uba ïaid najan jong ka un lyngngoh bad un kylli, ‘Balei ba U Trai u la leh kumne ïa kane ka ri bad ïa kane ka Templ?’

SALM 78:60

U la iehnoh ïa ka ïingjaiñ jong u ha Shiloh, ka ïing ha kaba u la shong hapdeng jong ngi.

ISAÏAH 64:11

bad ïa ka Templ jong ngi, ka jaka kyntang bad ba-itynnat ha kaba ki kpa tymmen jong ngi ki la ïaroh ïa me, la pynjot noh da ka ding. Baroh ki jaka kiba ngi ieit ki la don ha ka jingjot.

JEREMAÏAH 12:7

U Trai u ong, “Nga la iehnoh ïa ka Israel; nga la kyntait noh ïa ka jaitbynriew ba la jied jong nga. Nga la ai ïa ki briew ba nga ieit ha ka bor jong ki nongshun jong ki.

JEREMAÏAH 23:39

te ïathuh ïa ki ba da shisha ngan shim trait ïa ki, bad ngan bret noh ïa ki sha jngai na nga, ïa ki bad ïa ka nongbah kaba nga la ai ha ki bad ha ki kpa tymmen jong ki.

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

JEREMAÏAH 26:4

U Trai u la bthah ïa nga ban ong ha ki briew, “Ma nga, U Trai, nga la ong ba phi dei ban kohnguh ïa nga da kaba bud ïa ka jinghikai kaba nga la ai ha phi,

JEREMAÏAH 7:10

Phi leh ïa kine kiei kiei kiba nga ijli, bad nangta phi wan bad ïeng ha ka jingdon ryngkat jong nga, hapoh ka Templ jong nga, bad ong, ‘Ngim lei lei!’

JEREMAÏAH 7:12

Khie leit sha Shiloh, ka jaka kaba nyngkong ha kaba nga la jied ba yn mane, bad peit aïu nga la leh ïa ka namar ki pop jong ki briew jong nga ki Israel.

JEREMAÏAH 7:4

Sangeh ban ngeit ïa kito ki kyntien shukor, ‘Ngim lei lei! Kane ka dei ka Templ jong U Trai, kane ka dei ka Templ jong U Trai, kane ka dei ka Templ jong U Trai!’

SNGEWSYNEI 2:7

U Trai u la kyntait ïa la ka duwan bad u la iehnoh ïa ka Templ bakhuid jong u; u la shah ïa u nongshun ban kad pynpra ïa ki kynroh jong ka. Ki la pyrta ha ka jingjop hangta ha kaba shisien ngi la ïamane da ka jingkmen.

SNGEWSYNEI 4:1

Ka ksiar baphyrnai jong ngi ka la jngut; ki maw jong ka Templ ki don ha ka jingsaphred ha ki lynti bah.

ESEKIEL 23:31

Pha bud ha ki dien'jat ka hynmen jong pha, bad kumta ngan ai ha pha ïa kajuh ka khuri jong ka jingpynshitom ban dih.”

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

DEUTERONOMI 12:5

Na ka ri ki jait jong phi baroh, U Trai un jied tang kawei ka jaka sha kaba phi dei ban wan mane ïa u.

DEUTERONOMI 28:52

Kin tur pyrshah ïa ki shnong jong phi baroh ha kata ka ri ba U Trai U Blei jong phi u ai ha phi, bad ki kynroh kiba jrong bad kiba skhem ha kiba ai jingshngain ïa phi kin kyllon.