JEREMAÏAH 7:11 - Khasi CL Bible (BSI)

¹¹ Hato phi pyrkhat ba ka Templ jong nga ka dei ka jakarieh ïa ki nonglute? Nga la ïohi ïa kaei kaba phi leh.

KA BAIBL

¹¹ Hato kane ka ïing, ïa kaba la khot da ka kyrteng jong nga, ka la kylla long ka krem nongtuh ha ki khmat jong phi? Ha khmih, ma nga, ma nga hi keiñ, nga la ïohi ïa kane,’ ” ong U Trai.

JEREMAÏAH 7:11 ပူးပေါင်းရင်းမြစ်များ

2 KHRONIKL 6:33

Na bneng ha kaba me shong, to sngew ïa u bad leh ïa kaei kaba u kyrpad ïa me ban leh, khnang ba ki jaitbynriew ka pyrthei baroh kin tip bad kohnguh ïa me, kumba ki briew jong me ki Israel ki leh. Te kin tip ba kane ka Templ ïa kaba nga la tei ka dei ka jaka ha kaba yn mane ïa me.

ISAÏAH 1:12

Mano ba la ong ïa pha ban wallam ha nga ïa kane baroh haba pha wan mane ïa nga? Mano ba la ong ïa pha ban leh ïa kane ka jingïaid kyrdem sawdong ha ka templ jong nga?

ISAÏAH 56:7

“Ngan ïalam ïa phi sha Seïon, sha u lum bakyntang jong nga, ngan ai ha phi ka jingkmen ha ka ïing jingduwai jong nga; bad pdiang ïa ki jingkñia kiba phi ai ha ka duwan jong nga. Ïa ka ïing jong nga yn khot ka ïing jingduwai na ka bynta ki briew jong ki ri baroh.”

JEREMAÏAH 2:34

Ki jaiñ jong phi ki la khah da ka snam jong kiba duk bad kiba lui lui, ym da ka snam jong ki nonglute.

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

JEREMAÏAH 7:10

Phi leh ïa kine kiei kiei kiba nga ijli, bad nangta phi wan bad ïeng ha ka jingdon ryngkat jong nga, hapoh ka Templ jong nga, bad ong, ‘Ngim lei lei!’

ESEKIEL 35:13

Nga la ïohsngew ïa ki rukom kren kob-pia jong me ba me la kren pyrshah ïa nga.”

DANIEL 9:18

To shahshkor ïa ngi, A Blei; to khmih sha ngi, bad peit ïa ka jingjynjar kaba ngi don bad ïa ka jingshah shitom jong ka nongbah kaba kit ïa ka kyrteng jong me. Ngi duwai ha me namar ba me long uba dap da ka jingisynei, ym namar ba ngi la leh ïa kaba dei.

MATHAÏOS 21:13

bad u la ong ha ki, “La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing ka jingduwai.’ Hynrei phi pynlong ïa ka, ka jakarieh ïa ki nongtuh!”

MARKOS 11:17

Nangta u la hikai ïa u paidbah: “La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing jingduwai ïa ki briew jong ki jaitbynriew baroh.’ Hynrei phi la pynlong ïa ka, ka jakarieh jong ki nongtuh!”

ÏOANNIS 2:16

bad u la hukum ïa kito kiba ïadie paro, “Rah noh ïa ki nangne! Wat pynlong jaka ïew ïa ka ïing U Kpa jong nga!”

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.