JEREMAÏAH 7:10 - Khasi CL Bible (BSI)

¹⁰ Phi leh ïa kine kiei kiei kiba nga ijli, bad nangta phi wan bad ïeng ha ka jingdon ryngkat jong nga, hapoh ka Templ jong nga, bad ong, ‘Ngim lei lei!’

KA BAIBL

¹⁰ bad phin wan ïeng ha khmat jong nga ha kane ka ïing, ïa kaba la khot da ka kyrteng jong nga, bad phin ong, “La aiti noh ïa ngi:” khnang ba phin ïoh leh ïa kine ki jingijli?

JEREMAÏAH 7:10 ပူးပေါင်းရင်းမြစ်များ

1 SYIEM 9:3

U Trai u ong ha u, “Nga la shahshkor ïa ka jingduwai bad jingkyrpad rit jong me. Nga la pynkyntang ïa kane ka ïing kaba me la tei kum ka jaka ha kaba yn mane ïa nga junom. Ngan peit ïa ka bad ngan don hangta borabor.

2 SYIEM 21:4

U tei ïa ki duwan ba-thala ha ka Templ, ka jaka kaba U Trai u la ong ba dei ban mane ïa u.

2 KHRONIKL 33:4

U tei ki duwan ki blei thala ha ka Templ, ka jaka ha kaba U Trai u la ong ba yn mane ïa u junom.

2 KHRONIKL 33:7

U buh ïa ka durblei ha ka Templ, ka jaka ha kaba U Blei u la ong ha u Dabid bad ha u Solomon u khun jong u: “Hangne ha Jerusalem, ha kane ka Templ, ka long ka jaka ïa kaba nga la jied na baroh kawei ka ri jong ki khat-ar jait ki Israel kum ka jaka ha kaba yn mane ïa nga.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

ISAÏAH 48:2

Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

JEREMAÏAH 32:34

Ki buh wat ïa ki bleithaw ba-ijli jong ki ha ka Templ ba la tei na ka bynta ka jingmane ïa nga, bad ki la pyntngit ïa ka.

JEREMAÏAH 34:15

Dang tang khyndiat sngi mynshuwa phi la kylla jingmut bad phi la leh ïa kaei kaba pynsngewbha ïa nga. Baroh na phi, phi la ïamynjur ban pyllaitluid noh ïa la ki para Israel, bad phi la pynlong ïa ka jutang ha ka jingdon ryngkat jong nga, ha ka Templ ha kaba la mane ïa nga.

JEREMAÏAH 44:9

Hato phi la klet ïa ki kam bymman baroh ïa kiba la leh ha ki shnong jong ka Judah bad ha ki surok bah ka Jerusalem da ki kpa tymmen jong phi, da ki syiem ka Judah bad ki tnga jong ki, bad da ma phi bad ki tnga jong phi?

JEREMAÏAH 7:11

Hato phi pyrkhat ba ka Templ jong nga ka dei ka jakarieh ïa ki nonglute? Nga la ïohi ïa kaei kaba phi leh.

JEREMAÏAH 7:14

Bad kumta, kaei kaba nga la leh ïa ka Shiloh ngan leh ruh ïa kane ka Templ jong nga, ha kaba phi shaniah. Hangne ha kane ka jaka kaba nga la ai ha ki kpa tymmen jong phi bad ha phi, ngan leh ïa kata kajuh kaba nga la leh ïa ka Shiloh.

JEREMAÏAH 7:30

“Ki briew ka Judah ki la leh ïa kaba sniew. Ki la buh ïa ki bleithaw jong ki, kiba nga ijli, hapoh ka Templ jong nga bad ki la pyntngit ïa ka.

ESEKIEL 20:39

U Trai Nongsynshar u ong, “Bad mynta, ma phi ki Israel baroh, to pynsngewbha ïa lade! To khie bad to shakri ïa ki bleithaw jong phi! Hynrei nga maham ïa phi ba hadien kane, phi dei ban kohnguh ïa nga bad sangeh ban pynjahburom ïa ka kyrteng jong nga da kaba ai ki jingai sngewbha ha ki bleithaw jong phi.

ESEKIEL 23:29

Bad namar ba ki isih ïa pha, kin shim noh ïa kiei kiei baroh kiba pha la trei na ka bynta kita bad kin ieh lyngkhuit bad thad ïa pha kum ka nuti. Ka jingkwah brai bad ka jingleh nuti jong pha ki la wanrah ïa kane ha pha.

ESEKIEL 23:37

Ki la klim bad pynïap briew — kaba klim bad ki bleithaw bad ka jingpynïap ïa ki khun kiba la kha na ka bynta jong nga. Ki kñia ïa ki khun jong nga ha ki bleithaw jong ki.

ESEKIEL 23:39

Ha kata ka sngi hi ba ki pynïap ïa ki khun jong nga kum ki jingkñia sha ki bleithaw, ki la wan sha ka Templ jong nga bad pyntngit ïa ka!

ESEKIEL 33:25

“To ïathuh ha ki ïa kaei kaba ma nga, U Trai Nongsynshar nga ong: Phi bam ïa ka doh kaba dang bit snam ha ka. Phi mane ïa ki bleithaw. Phi pynïap briew. Kaei kaba pynlong ïa phi ban pyrkhat ba ka ri ka dei ka jong phi?

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

ESEKIEL 5:11

“Namarkata, namar ba nga long U Blei uba im — kane ka long ka ktien U Trai Nongsynshar — namar pha la pyntngit ïa ka Templ jong nga da kiei kiei kiba basniew, ki kam ijli kiba pha la leh, ngan kyntait ïa pha khlem isynei.

DANIEL 9:18

To shahshkor ïa ngi, A Blei; to khmih sha ngi, bad peit ïa ka jingjynjar kaba ngi don bad ïa ka jingshah shitom jong ka nongbah kaba kit ïa ka kyrteng jong me. Ngi duwai ha me namar ba me long uba dap da ka jingisynei, ym namar ba ngi la leh ïa kaba dei.

HOSIA 6:9

Ki lyngdoh ki long kum ka kynhun ki nonglute kiba apthap ïa u briew. Wat ha ka lynti sha ka jaka bakhuid ha Shekhem ki pynïap briew. Bad ki leh ïa kane kaba sniew baroh da kaba thmu lypa!

AMOS 4:5

Ïaid shaphrang bad rah ïa u kpu jong phi kum ka jingainguh sha U Blei, bad to sngewsarong shaphang ki jingainguh ba tam ba phi wallam! Kane ka long ka rukom ïa kaei kaei kaba phi ieit ban leh.

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

MALAKHI 3:15

Kumba ngi ïohi ïa ka, ki briew kiba sarong ki long kita kiba kmen. Ki briew kiba sniew ym tang ba ki roi kyrhai, hynrei ki tynjuh ïa ka jingïaishah U Blei da ki kam basniew jong ki bad ki lait na kata.’”

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 18:28

Dang step phyrngab la ïalam ïa U Jisu na ka ïing u Kaïaphas sha ka ïing jong u lyngskor. Ki nongsynshar jong ki Jiw kim shym la rung shapoh ka ïing, naba ki kwah ban sumar khuid ïa lade kat kum ka jinglehniam, khnang ba ki lah ban bam ïa ka Jingkhawai Niam Ka Jinglait.