JEREMAÏAH 6:8 - Khasi CL Bible (BSI)

⁸ Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

KA BAIBL

⁸ To long kaba la hikai, A Jerusalem, ïoh ba ka mynsiem jong nga kan long nongwei na pha; ïoh ngan pynlong ïa pha ka ri khlaw, ka ri bymshong briew.”

JEREMAÏAH 6:8 ပူးပေါင်းရင်းမြစ်များ

SALM 2:10

Mynta to shahshkor ïa kane ka jingmaham, ma phi ki syiem; to ïoh jinghikai na kane, phi ki nongsynshar jong ka pyrthei.

SALM 50:17

Phi la kyntait ba ngan pynbeit ïa phi; phi la kyntait ïa ki hukum jong nga.

SALM 94:12

A Trai, katno suk long u briew uba me hikai, uta ha uba me hikai ïa ka aiñ jong me!

PROBERB 19:20

Lada phi shahshkor ïa ka jingai jingmut bad phi kloi ban shah hikai, ha kawei ka sngi phin long uba stad.

PROBERB 4:13

Kynmaw borabor ïa kaei kaba phi la nang. Ka jingnang jingtip jong phi ka dei ka jingim jong phi — ri kyndong ïa ka.

JEREMAÏAH 17:23

Ki kpa tymmen jong ki kim shym la shahshkor ïa nga lane pynleit jingmut ei ei. Pynban ki la kylla long kiba mutlop; kin ym kohnguh ïa nga lane ïoh jinghikai na nga.

JEREMAÏAH 2:15

Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

JEREMAÏAH 31:19

Ngi la phai dien noh na me, hynrei shen ngi la kwah ban wan phai pat. Hadien ba me la pynshitom ïa ngi, ngi la pyndem ïa la ki khlieh ha ka jingsngewsih. Ngi la sngewlehrain bad jahburom, namar ngi la leh pop mynba ngi dang samla.’

JEREMAÏAH 32:33

Ki la phai dien na nga; bad wat la nga la ïai hikai ïa ki, kim shahshkor bad ïoh jinghikai.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

JEREMAÏAH 7:28

Men ïathuh ïa ki ba ka jaitbynriew jong ki kam shym kohnguh ïa nga, U Trai U Blei jong ki, lane ïoh jinghikai na ki jingpynshitom jong ki. Ka jingïaineh ka la ïap. Ym shym la ïakren shuh shaphang jong ka.”

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

ESEKIEL 23:18

Ka thadrong ïa lade bad ka ailad ba baroh kin tip ba ka long ka nuti. Nga la sngewngiah ïa ka kumba nga la long ïa ka hynmen jong ka.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

HOSIA 9:12

Hynrei wat la ki ïoh pynheh pynsan ïa la ki khun, ngan shim noh ïa ki bad ngan ym pynsah im uwei ruh. Haba ngan iehnoh noh ïa kine ki briew, kiei kiei kiba shyrkhei kin wan jia ha ki.”

LEBITIKOS 26:34

Te ka ri kan ïoh lehkmen ha ki snem ka jingshongthait kaba pura ha kaba phin ym ai ei ei ïa ka; kan long kaba la iehnoh bad kan ïoh shongthait, katba phi dang don ha ka jinglongmraw ha ka ri ki nongshun jong phi.

SEPHANAÏAH 3:7

Nga la pyrkhat ba kumta ki briew jong nga kin da la ñiewkor ïa nga bad pdiang ïa ka jingsneng pynbeit jong nga, ba kin ym da la klet ïa ka jinghikai kaba nga la hikai ïa ki. Hynrei shen shen ki la leh bymman kumba ki ju leh.

DEUTERONOMI 32:29

Kim lah sngewthuh balei ba ki la shahjop; kim lah shemphang ïa kaba la jia.