JEREMAÏAH 6:7 - Khasi CL Bible (BSI)

⁷ Kumba ka pukri ka pynneh sngur ïa ka um jong ka, kumta ruh ka Jerusalem ka pynneh ïa ka jingsniew jong ka. Nga ïohsngew ïa ka jingleh jubor bad ka jingpynjot hapoh ka nongbah, ka jingpang bad ki jingmong ki long baroh kiba nga ïohi.

KA BAIBL

⁷ Kumba ka pukri ka pynmih noh ïa la ki um, kumta ka pynmih noh ïa la ka jingbymman: kaba leh jubor bad ka jinglute la bna ha ka; ha khmat jong nga borabor ka ju don ka jingpang bad ki jingmong.

JEREMAÏAH 6:7 ပူးပေါင်းရင်းမြစ်များ

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

ISAÏAH 1:6

Naduh khlieh haduh kjat ym don kano kano ka bynta kaba khiah halor ka met jong phi. La tap ïa phi da ki jingjngem, ki prum bad ki jingmong ba-lhieh. Ïa ki jingmong jong phi ym shym la pynkhuid lane sop spaiñ. Ym shym la tah dawai ei ei ha ki.

ISAÏAH 57:20

Hynrei ki riewbymman ki long kum ka duriaw kaba khih phaloh, kiba ki jingat phyllung jong ka kim ju sangeh, ki wanrah ïa ka jakhlia bad ka ktieh.

ISAÏAH 59:6

Hynrei ki jingïasylla jong phi kim wanrah jingbha ei ei ïa phi — ki long bymlarkam kum ka jaiñphong ba la thain da ka snur thapbawa!

JEREMAÏAH 20:8

Man ba nga kren, nga hap ban kyang jam bad pyrta, “Ka jingleh jubor! Ka jingpynjot!” A Trai, ïa nga la rkhiebeiñ bad ibeiñ ha ki por baroh namar nga pynbna ïa ka khubor jong me.

JEREMAÏAH 30:12

U Trai u ong ha ki briew jong u, “Ki jingmong jong phi ki long ki bym lah ban koit, ïa ki jingmynsaw jong phi ym lah ban pynkhiah.

JEREMAÏAH 30:13

Ym don mano mano ba sumar ïa phi, ym don jingïarap na ka bynta ki prum jong phi, ym don jingkyrmen ban koit na ka bynta jong phi.

JEREMAÏAH 30:15

Wat ujor shuh shaphang ki jingmynsaw jong phi; ym don kano kano ka jingpynkoit ïa phi. Nga la pynshitom ïa phi kumne namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 32:31

Ki briew jong kane ka nongbah ki la pynbitar bad pynbitar shla ïa nga naduh ka sngi ba la thaw ïa ka.

JEREMAÏAH 8:22

Hato ym don dawai ha Gilead? Hato ym don doktor hangta? Balei te ba ïa ki briew jong nga ym shym la pynkhiah?

ESEKIEL 21:29

Ki jingïohipaw ba phi ïohi ki long ki bymdei, bad ki jingïathuh lypa ba phi pynlong ki long kiba shukor. Phi long kiba bymman bad kiba sniew, bad ka sngi jong phi ka la wan, ka sngi jong ka jingpynjot kaba kut. Ka waitlam kan hap ha ki ryndang jong phi.

ESEKIEL 24:7

Ka la don ka jingpynïap briew ha ka nongbah, hynrei ka snam kam shym pashait ha ka khyndew ha kaba ka khyndew kam lah ban buhrieh ïa ka; ka la pashait ha u mawsiang basyllen.

ESEKIEL 45:9

U Trai Nongsynshar u la ong, “Phi la leh pop la slem bha, ko ki nongsynshar ka Israel! Sangeh noh na ka jingleh jubor bad ka jingbanbeiñ jong phi. Leh ïa kaei kaba dei bad kaba hok. Phim dei shuh ban beh noh ïa ki briew jong nga na ka ri jong ki. Ma nga, U Trai Nongsynshar, nga ong ha phi ïa kane.

ESEKIEL 7:11

Ka jingleh jubor ka nang pynroi ïa ka jingbymman. Yn ym don kiei kiei kiba dei ki jong ki, ki ban neh, la ka long ka spah, ka burom, ne ka nam jong ki.

ESEKIEL 7:23

“Kiei kiei baroh ki kulmar lut — ka ri ka kynrei da ki jingïa-pynïap bad ki nongbah ki shlei da ka jingleh thombor.

SEPHANAÏAH 3:1

Ka Jerusalem ka long kaba la tim, kata ka nongbah kaba ijli, kaba ïeng ïaleh pyrshah, kaba banbeiñ ïa la ki jong ki briew.