JEREMAÏAH 6:6 - Khasi CL Bible (BSI)

⁶ U Trai Badonbor Baroh u la hukum ïa kine ki syiem ban khet ïa ki dieng bad ban shna ki kynton khnang ban kerkut ïa ka Jerusalem. U la ong, “Ngan pynshitom ïa kane ka nongbah namar ka la dap da ka jingbanbeiñ.

KA BAIBL

⁶ Naba kumne u la ong U Trai ki paid, “To khet ki dieng, bad shna kynton pyrshah ïa ka Jerusalem: kane ka long kata ka shnong ïa ka ban wan-i; ka long ka jingbanbeiñ suda hapdeng jong ka.

JEREMAÏAH 6:6 ပူးပေါင်းရင်းမြစ်များ

ISAÏAH 37:33

“Kane ka long kaei kaba U Trai u la ong shaphang u patsha Assyria: ‘Un ym ïohrung ha kane ka nongbah lane siat ïa uwei u khnam pyrshah ïa ka. Yn ym don ki shipai lem bad ki stieh ki ban wan hajan ka nongbah, bad yn ym don ka kynton ba la tei ha sawdong jong ka.

JEREMAÏAH 20:8

Man ba nga kren, nga hap ban kyang jam bad pyrta, “Ka jingleh jubor! Ka jingpynjot!” A Trai, ïa nga la rkhiebeiñ bad ibeiñ ha ki por baroh namar nga pynbna ïa ka khubor jong me.

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

JEREMAÏAH 32:24

“Ki nong Babilonia ki la tei ïa ki kynton kerkut sawdong ïa ka nongbah ban kurup ïa ka, bad ki tur ïaleh ïa ka. Ka thma, ka jingïapthngan bad ka jingpang kin pynlong ïa ka nongbah ban hap ha ki kti jong ki. Me lah ban ïohi ba baroh kaba me la kren ka la urlong shisha.

JEREMAÏAH 32:31

Ki briew jong kane ka nongbah ki la pynbitar bad pynbitar shla ïa nga naduh ka sngi ba la thaw ïa ka.

JEREMAÏAH 33:4

Ma nga, U Trai, U Blei ki Israel, nga ong ba ki ïing ha Jerusalem bad ka ïingsyiem Judah kin sa shah pynkhyllem na ka daw jong ka jingshah kerkut bad ka jingtur ïaleh.

JEREMAÏAH 39:1

Ha u bnai ba-shiphew jong ka snem bakhyndai ba u Sedekaïah u long u syiem ka Judah, u Nebukhadnessar u syiem ka Babilonia u la wan bad ka kynhun shipai jong u baroh bad u la tur ïaleh ïa ka Jerusalem.

JEREMAÏAH 5:29

“Hynrei ma nga, U Trai, ngan pynshitom ïa ki na ka bynta kine kiei kiei, ngan pynhiarkput halor kane ka jaitbynriew.

JEREMAÏAH 5:9

Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

ESEKIEL 4:2

Nangta, ban pyn-i nuksa ïa ka jingshah kerkut, buh ki kharai, ki kynton khyndew, ki jaka sher dara bad ki tiar pynpait kynroh baroh sawdong jong ka.

ESEKIEL 5:5

U Trai Nongsynshar u la ong, “Khmih ïa ka Jerusalem. Nga buh ïa ka hapdeng ka pyrthei, bad kiwei pat ki ri sawdong jong ka.

DANIEL 11:15

Kumta u syiem ka Syria un kerkut ïa ka nongbah ba la ker kynroh bad kurup ïa ka. Ki shipai jong ka Ijipt kin ym ïaleh shuh; wat kiba tbit tam na ki kin ym don ka jingkhlaiñ kaba biang.

SEPHANAÏAH 3:1

Ka Jerusalem ka long kaba la tim, kata ka nongbah kaba ijli, kaba ïeng ïaleh pyrshah, kaba banbeiñ ïa la ki jong ki briew.

LOUKAS 19:43

Ka por kan poi haba ki nongshun jong pha kin ker sawdong ïa pha da ki jingker, ki jingkhanglad ïa pha, bad ki nang tur jan sha pha na ki liang baroh.