JEREMAÏAH 6:26 - Khasi CL Bible (BSI)

²⁶ U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

KA BAIBL

²⁶ “A ka khun u paidbah jong nga, to panpoh ïa lade da ka jaiñ byrni, bad sum ïa lade da ka dpei: pynlong ïa lade ka jingïambriew, kumba na ka bynta u khun marwei, ka jinglynñiar ka bakthang eh; namar u nonglute un lap kyndit ïa ngi.

JEREMAÏAH 6:26 ပူးပေါင်းရင်းမြစ်များ

JENESIS 21:16

bad ïa lade ka leit shong kumba shispah mitar na kata ka jaka. Ka ong ha lade, “Ngam lah shah ban ïohi ïa la u khun ba u ïap.” Katba ka dang shong hangta, ka la sdang ban ïam.

Ka Kitab U Job 15:21

Ki jingsawa ba-sngewtriem kin pah ha ki shkor jong ki, bad ki nonglute kin wan kurup ïa ki haba ki dang pyrkhat ba ki shngain.

Ka Kitab U Job 2:8

U Job u leit bad u shong ha ka kynton ñiut bad u shim da ki saraw khiew ba la pait ban trud ïa ki tohjaw kiba don ha u.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

ISAÏAH 22:4

Mynta to iehnoh ïa nga marwei ban ïamkthang halor kito na ki briew jong nga kiba la ïap. Wat pyrshang ban pyntngen ïa nga.

ISAÏAH 3:24

Ha ka jaka ba kin sleh jingiwbih kin sma iwkhong; ha ka jaka ki panpoh ba-itynnat kin teh da ki tyllai barew; ha ka jaka ban don u shñiuh ba-itynnat kin long kiba lyndum; ha ka jaka ki jaiñ ba-itynnat kin phong ki jaiñjot; ka jingbhabriew jong ki kan kylla sha ka jinglehrain.

ISAÏAH 30:13

Phi long kiba la shah pynrem. Phi long kum ka kynroh kaba jrong kaba don jingorpait naduh jrong haduh tbian; kynsan kynsan phin sa kyllon.

ISAÏAH 32:11

Phi la ju im suk, phim don ki jingkhuslai; hynrei mynta, to khynñiuh da ka jingsheptieng! To loit ïa la ki jaiñ bad teh da ki jaiñjot sawdong ïa la ka syngkai.

JEREMAÏAH 12:12

Sha shiliang ki jaka kynjang baroh jong ka ri shyiap ki rangbah ki la wan ban lute. Nga la phah ïa ka thma ban pynjot ïa ka ri baroh kawei; yn ym don mano mano ba lah ban im ha ka jingsuk.

JEREMAÏAH 13:17

Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

JEREMAÏAH 14:17

U Trai u la hukum ïa nga ban ïathuh ïa ki briew shaphang ka jingsngewsih jong nga bad ban ong: “Ai ba ki khmat jong nga kin tuid da ki ummat mynsngi bad mynmiet, ai ba da lei lei ngan ym sangeh ban ïam, namar ki briew jong nga ki la mynsaw jur bad ki la mong tyngeh.

JEREMAÏAH 15:8

La don kham bun ki riewkynthei ha ka ri jong phi ban ïa ki symboh shyiap harud ka duriaw. Nga la pynïap ïa ki rangsamla jong phi ha ka rta kaba dang khie bha bad pynlong ïa ki kmie jong ki ban shahshitom. Nga lynshop kynsan ïa ki da ka jingkhuslai bad ka jingtriem.

JEREMAÏAH 18:22

To phah ïa u paidbhur ban lute ïa ki ïing jong ki khlem ka jingmaham; pynlong ïa ki ban kyang ha ka jingshyrkhei. Ki la tih ka thliew na ka bynta jong nga ban hap ha ka bad ki la pynap ki jingriam ban pynngat ïa nga.

JEREMAÏAH 30:5

“Nga la ïohsngew ka jinglynñiar ka jingsngewtriem, ka jinglynñiar ka jingtieng bad ym ka jingsuk.

JEREMAÏAH 4:11

Ka por ka wan ha kaba ïa ki briew jong ka Jerusalem yn ïathuh ba ka lyer khluit ka beh shapoh sha ki na ka ri shyiap. Kan ym long ka lyer kaba jai jai kaba shu beh pynher noh ïa u stait —

JEREMAÏAH 4:20

Kawei ka jingjot ka bud hadien kawei pat, ïa ka ri baroh kawei la iehnoh ha ka jingjot. Kynsan kynsan la pynjot ïa ki ïingjaiñ jong ngi, ïa ki pyrda jong ki la tar lyngkhot.

JEREMAÏAH 4:8

Kumta to kup ka jaiñ khain, bad to ïam bad ud sngewsih namar ka jingbitar shla jong U Trai kam shym la phai noh na ka Judah.

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 8:19

Shahshkor! Ha kylleng ka ri nga ïohsngew ba ki briew jong nga ki kyang jam, “Hato U Trai um don shuh ha Seïon? Hato u syiem ka Seïon um don shuh hangta?” U Trai, u syiem jong ki, u jubab, “Balei phi la pynbitar ïa nga da kaba mane ïa ki bleithaw jong phi bad da kaba nguh dem ïa ki blei nongwei bymmyntoi?”

JEREMAÏAH 8:21

Ka dohnud jong nga ka la shah pynlwet namar ki briew jong nga ki la shah pynlwet; nga ïam sngewsih; nga la shaïong jur.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

JEREMAÏAH 9:10

Nga la ong, “Ngan ïam sngewsih na ka bynta ki lumbah bad jaw ummat na ka bynta ki jaka pynbamphlang, namar ki la tyrkhong, bad ym don mano mano ba leit jingleit lyngba jong ki. Ïa ka jingsawa ki jingri ym shym ïohsngew shuh; ki sim bad ki mradkhlaw ki la phet bad kim don shuh.”

SNGEWSYNEI 1:16

“Kata ka long balei ba ki khmat jong nga ki shlei da ki ummat. Ym don mano mano ba lah ban pyntngen ïa nga; ym don mano mano ba lah ban ai jingshlur ïa nga. U nongshun u la jop ïa nga; ki briew jong nga kim don ei ei shuh kaba sah.

SNGEWSYNEI 1:2

Baroh shi miet lynter ka ïam; ki ummat ki tuid ha ki ngab jong ka. Na baroh ki paralok jong ka kiba mynshuwa, ym don iwei ruh iba sah ban pyntngen ïa ka. Kiba ïateh lok bad ka ki la shetkylla ïa ka bad baroh ki la long pyrshah ïa ka mynta.

SNGEWSYNEI 2:11

Ki khmat jong nga ki la tlot da ka jingïam; ka mynsiem jong nga ka don ha ka jinglyng-a. Nga la thait da ka jingsngewsih ha ka jingshah pynjot jong ki briew jong nga. Ki khynnah bad ki khunlung ki ïapler ha ki lynti bah jong ka nongbah.

SNGEWSYNEI 3:16

U la kyrshut ïa ka durkhmat jong nga ha khyndew bad la pynkheiñ ïa ki bniat jong nga ha ki mawria.

SNGEWSYNEI 3:48

Ki khmat jong nga ki tuid da ki ummat kum ki wah ha ka jingshah pynjot jong ki briew jong nga.

SNGEWSYNEI 4:10

Ka jingpynjot kaba la wan ha ki briew jong nga ka wallam ka jingsngew shyrkhei; ki kmie kiba ieit ki shet ïa la ki khun ban long jingbam.

SNGEWSYNEI 4:3

Wat ka kmie suri kan sumar ïa la ki khun, hynrei ki briew jong nga ki long kum ki ostrit, kiba lehbeiñ ïa ki khun rit jong ki.

SNGEWSYNEI 4:6

Ïa ki briew jong nga la pynshitom wat kham jur ban ïa ki nongshong shnong jong ka Sodom, kiba la ïashem da ka jingkyllon kaba kynsan ha ki kti jong U Blei.

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

JONAH 3:6

Haba u syiem ka Ninebeh u la ïohsngew shaphang kata, u ïeng joit na la ka khet, u law noh ïa la ka jaiñkup, u phong da ka jaiñ khain, bad u shong ha u dpei.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

LOUKAS 7:12

Mar ïapoi ha ka khyrdop jong ka shnong, ka kynhun leit ontep ka dang mih shabar. U briew uba la ïap u long u khun nyngkong jong ka briew kaba long ka riewkynthei, bad u paidbah babun na ka shnong u la ïadon lem bad ka.

JAKOB 4:9

To leh sngewsih, to ïam, bad to ïamkthang; to pynlong ïa ka jingrkhie ban kylla sha ka jingïam, ka jingkmen sha ka jingsngewdiaw!

JAKOB 5:1

Bad mynta, phi ki briew kiba riewspah, to shahshkor ïa nga! to ïam bad to lynñiar ïa ki jinglanot ki ban wan hap ha phi!