JEREMAÏAH 6:23 - Khasi CL Bible (BSI)

²³ Ki la shim ïa la ki ryntieh bad ki waitlam; ki long kiba runar bad ki bym don jingisynei. Ki sawa kum ka duriaw bakyrhuh, katba ki shong ha ki kulai jong ki. Ki la pynkhreh ïa ka thma pyrshah ïa ka Jerusalem.”

KA BAIBL

²³ Ki bat ryntieh bad sum; ki long kiba runar, bad ki bym isynei; ka ktien jong ki ka kyrhuh kum ka duriaw, bad ki shong halor ki kulai; uwei uwei baroh ba la buh ryntih, kum u briew uba hiar thma, ban ïaleh ïa pha, A ka khun ka Seïon.”

JEREMAÏAH 6:23 ပူးပေါင်းရင်းမြစ်များ

ISAÏAH 10:32

Mynta ki nongshun ki don ha ka shnong jong ka Nob, hangta ki pynkhih ïa ki jingkham jong ki kti jong ki ïa u Lum Seïon, ïa ka nongbah Jerusalem.

ISAÏAH 13:18

Da ki ryntieh bad ki khnam jong ki, kin pynïap ïa samla shynrang. Kin ym pyn-i jingisynei ïa ki khunlung bad kin ym sngewsynei ïa ki khynnah.

ISAÏAH 17:12

Ki hima kiba khlaiñbor ki don ha ka jingkhynwin ha ka jingsawa kum ka jingkyrhuh jong ka duriaw, kum ka jingphaloh jong ki jingat phyllung kiba khraw.

ISAÏAH 19:4

Ngan aiti ïa ki nong Ijipt sha u nongsynshar lehbor, sha u syiem runar u ban synshar ïa ki. Nga, U Trai Badonbor Baroh, nga la kren.”

JEREMAÏAH 25:32

U Trai Badonbor Baroh u ong ba ka jingpynjot kan wan ha ka jaitbynriew kawei hadien kawei pat, bad ka 'erïong kaba jur kan ïalumlang haduh kiba kut jong ka pyrthei.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 4:13

Ha khmih, u nongshun u wan kum ki lyoh. Ki kali ïapom jong u ki long kum ka 'erlangthari, bad ki kulai jong u ki kham stet ban ïa ki pukni. Ngi la shahjop! Ngim lah khie khlieh shuh!

JEREMAÏAH 4:16

Ki la wan ban maham ïa ki jaitbynriew bad ban ïathuh ïa ka Jerusalem ba ki nongshun ki wan na ka ri kaba jngai bah. Kine ki nongshun kin pyrta pyrshah ïa ki nongbah jong ka Judah

JEREMAÏAH 4:29

Ha ka jingsawa jong ki shipai shong kulai bad jong ki nongsiatkhnam, uwei uwei baroh u phet krad. Katto katne kin phet sha khlaw, kiwei kin ïakiew shajrong hapdeng ki mawsiang. Ïa kawei pa kawei ka shnong yn iehnoh thylli, bad yn ym don uno uno u ban shong ban sah pat ha ki.

JEREMAÏAH 5:16

Ki rang bahryntieh jong ki, ki long ki shipai bakhrawbor kiba pynïap khlem jingisynei.

JEREMAÏAH 50:41

“Ki briew ki wan na ka ri bashatei, ka jaitbynriew bakhrawbor na jngai bah; shibun ki syiem ki pynkhreh ïa ka thma.

JEREMAÏAH 50:42

Ki la rah ïa la ki ryntieh bad ki waitlam; ki long kiba runar bad ki bymsngewsynei. Ki sawa kum ka duriaw bakyrhuh, katba ki dang ïaid halor ki kulai. Ki long kiba la pynkhreh ïa ka thma pyrshah ïa ka Babilonia.

JEREMAÏAH 6:4

Kin ïa-ong, “Pynkhreh ban tur ïaleh ïa ka Jerusalem! To khreh! Ngin tur ïaleh ha ka por shiteng sngi!” Hynrei nangta kin ïa-ong, “Ka la slem palat, ka sngi ka la jan kut artat, bad ki syrngiew janmiet ki la sdang jrong.

JEREMAÏAH 8:16

Ki nongshun jong ngi ki la da don hapoh ka nongbah Dan; ngi ïohsngew ïa ka jingsawa pynhiar mynsiem jong ki kulai jong ki. Ka ri baroh kawei ka khynñiuh haba ki kulai jong ki, ki pah. Ki nongshun jong ngi ki la wan ban pynjot ïa ka ri jong ngi bad ïa kiei kiei baroh kiba ha ka, ka nongbah jong ngi bad baroh ki briew jong ka.”

ESEKIEL 21:31

Phin mad ïa ka jingbitar jong nga haba nga phai jar jar ha phi kum ka ding baklang. Bad ngan aiti ïa phi ha ki briew bashyrkhei, kiba tbit ha ka ban pynjot.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.