JEREMAÏAH 6:22 - Khasi CL Bible (BSI)

²² U Trai u ong, “Ki briew ki wan na ka ri ha ka phang bashatei; ka jaitbynriew kaba khrawbor na sha jngai bah ka pynkhreh ïa ka thma.

KA BAIBL

²² Kumne u ong U Trai, “Ha khmih, u paidbah u wan na ka ri kaba shatei; bad yn pynkhih ïa ka jaid bynriew kaba khraw na ki phang ki bakut eh ka khyndew.

JEREMAÏAH 6:22 ပူးပေါင်းရင်းမြစ်များ

NEHEMAÏAH 1:9

Hynrei lada phi phai pat sha nga bad leh ïa kaei kaba nga hukum ïa phi, ngan wallam pat ïa phi sha ka jaka sha kaba nga la jied ban mane ïa nga, wat la ïa phi la pynsakma sha kiba kut ka pyrthei.’

JEREMAÏAH 10:22

To shahshkor! Ka khubor ka wan! Ka don ka jingkhihwin bakhraw ha ka jaitbynriew bashatei; ka kynhun shipai jong ka kan pynkylla ïa ki nongbah ka Judah sha ka ri shyiap, ka jaka ha kaba ki shong ki myrsiang.”

JEREMAÏAH 13:20

Ko Jerusalem, ha khmih! Ki nongshun jong pha ki wan hiar na shatei! Hangno ki briew kiba la buh ha ka jingsumar jong pha, ki briew jong pha kiba pha la sngewsarong haduh katta katta?

JEREMAÏAH 25:32

U Trai Badonbor Baroh u ong ba ka jingpynjot kan wan ha ka jaitbynriew kawei hadien kawei pat, bad ka 'erïong kaba jur kan ïalumlang haduh kiba kut jong ka pyrthei.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 30:5

“Nga la ïohsngew ka jinglynñiar ka jingsngewtriem, ka jinglynñiar ka jingtieng bad ym ka jingsuk.

JEREMAÏAH 4:16

Ki la wan ban maham ïa ki jaitbynriew bad ban ïathuh ïa ka Jerusalem ba ki nongshun ki wan na ka ri kaba jngai bah. Kine ki nongshun kin pyrta pyrshah ïa ki nongbah jong ka Judah

JEREMAÏAH 4:6

To kdew ïa ka lynti sha Seïon! To phet ban lait im! Wat ym pynslem! U Trai u wallam ka jingjot bad ka jingpynjot kaba khraw na shatei.

JEREMAÏAH 47:2

U ong: “Ha khmih! Ki um ki la nang shlei na shatei bad kin tuid stet kum ka wah ba la shlei um. Kin tap ïa ka ri bad ïa kiei kiei baroh kiba don ha ka, ki nongbah bad ki briew kiba im hangta. Ki briew kin pyrta jingïarap; baroh kiba ha ka pyrthei kin ïamkthang.

JEREMAÏAH 5:15

Ko ki paid Israel, U Trai u wallam ka jaitbynriew na sha jngai ban tur ïaleh ïa phi. Ka long ka jaitbynriew kaba khlaiñ bad kaba la rim, ka jaitbynriew kaba ïa ka ktien jong ka phim tip.

JEREMAÏAH 5:16

Ki rang bahryntieh jong ki, ki long ki shipai bakhrawbor kiba pynïap khlem jingisynei.

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

ESEKIEL 21:31

Phin mad ïa ka jingbitar jong nga haba nga phai jar jar ha phi kum ka ding baklang. Bad ngan aiti ïa phi ha ki briew bashyrkhei, kiba tbit ha ka ban pynjot.

ESEKIEL 23:22

“Mynta te, ko Oholibah, kane ka long kaei kaba ma nga, U Trai Nongsynshar, nga ong ha pha. Pha la thait ïa kito ki nongleh-ieit, hynrei ngan pynlong ïa ki ban bitar ïa pha bad ngan wallam ïa ki ban ker sawdong ïa pha.

HABAKKUK 1:6

Ngan wanrah ïa ki nong Babilonia ban don ha ka bor, kito kiba triem, ki briew bym lah ban shong khop. Ki leit kylleng ka pyrthei ban jop ïa kiwei ki ri.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.