JEREMAÏAH 6:21 - Khasi CL Bible (BSI)

²¹ Bad kumta ngan pynlong ïa kine ki briew ban jynthut bad kyllon. Ki kpa bad ki khun kin ïap, bad kumta kin long ki paralok bad ki paramarjan.”

KA BAIBL

²¹ Namar kata, kumne u ong U Trai, ‘Ha khmih, ngan buh ki jingjynthut ha khmat une u paidbah: bad ki kpa lem bad ki khun kin ïajynthut ha ki; u paramarjan bad u lok jong u kin ïajot.’ ”

JEREMAÏAH 6:21 ပူးပေါင်းရင်းမြစ်များ

2 KHRONIKL 36:17

Kumta U Trai u wallam ïa u syiem ka Babilonia bad tur ïaleh ïa ki. U syiem u pynïap ïa ki samla shynrang ka Judah, wat hapoh ka Templ hi. Um don jingsngewsynei ïano ïano, samla ne tymmen, shynrang ne kynthei, uba pang ne uba koit. U Blei u aiti ïa ki baroh ha u.

ISAÏAH 8:14

Namar ka jinglongkhuid baphylla jong nga, nga long kum u maw uba ki briew ki jynthut; nga long kum ka jingriam ka ban kem ïa ki briew jong ka Judah bad Israel bad ïa ki briew jong ka Jerusalem.

ISAÏAH 8:15

Kiba bun kin jynthut; kin kyllon bad kin shah pynlwet. Yn pynngat ïa ki ha ka jingriam.”

JEREMAÏAH 13:14

Nangta ngan lynthaw ïa ki kum ïa ki khra uwei pyrshah ïa uwei pat, uba tymmen bad uba samla kumjuh. Ym don ka jingsngewsynei, ka jingsngewlem, lane ka jingisynei ka ban pynsangeh ïa nga na kaba pynïap ïa ki.”

JEREMAÏAH 13:16

To pyndonburom ïa U Trai, U Blei jong phi, ha shuwa ba un wallam ïa ka jingdum, bad ba phi jynthut halor ki lumbah; ha shuwa ba un pynkylla sha ka jingdum synñia ïa ka jingshai kaba phi la kyrmen.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

JEREMAÏAH 18:23

Hynrei, A Trai, me tip ïa baroh ki jingthmu sniew jong ki ban pynïap ïa nga. Wat ym map ïa ka jingsniew jong ki lane map ïa ka pop jong ki. Bret ïa ki sha tbian ha ka jingshahjop bad leh ïa ki katba me dang bitar.”

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

ESEKIEL 3:20

“Lada u briew uba da bha shisha u sdang leh ïa ka kam sniew bad nga buh ïa u ha kaba shong syier, un sa ïap, lada mem shym maham ïa u. Un sa ïap namar ki pop jong u — ngan ym kynmaw ïa ki kam babha ba u la leh — bad ngan pynkitkhlieh ha me namar ka jingïap jong u.

ESEKIEL 5:10

Kaba mih nangta kan long ba ki kmie ki kpa ha Jerusalem kin bam ïa la ki khun, bad ki khun pat kin bam ïa la ki kmie ki kpa. Ngan pynshitom ïa pha bad ngan pynsakma kylleng ïa kino kino kiba dang im.

LEBITIKOS 26:37

Phin ïatyngkhuh para ma phi, wat la ym don uba beh ïa phi, bad phin ym lah ban ïaleh pyrshah ïa uno uno u nongshun.

Ka Shithi U Paul Sha Ki Nong Rom 11:9

Bad u Dabid u ong, “Ai ba kin ngat bad sahkut ha ki jingkhawai jong ki; ai ba kin kyllon, ai ba kin shah pynshitom!

Ka Shithi U Paul Sha Ki Nong Rom 9:33

uba ka Jingthoh Bakhuid ka kren shaphang uta: “Ha khmih, nga buh ha Seïon ïa u maw u ban pynlong ïa ki briew ban jynthut, u mawsiang u ban pynlong ïa ki ban kyllon. Hynrei uno uno uba ngeit ha u un ym shem ïa kaba sngewsih.”

1 PETROS 2:8

Bad kawei pat ka Jingthoh Bakhuid ka ong, “Une u long u maw u ban pynlong ïa ki briew ban jynthut, u mawsiang u ban pynlong ïa ki ba kin kyllon.” Ki la jynthut namar ba kim shym la kohnguh ïa ka ktien, katta ka la long ka mon U Blei ïa ki.