JEREMAÏAH 6:19 - Khasi CL Bible (BSI)

¹⁹ To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

KA BAIBL

¹⁹ To sngew, A ka khyndew: ha khmih, ngan wallam ka basniew halor une u paidbah, u soh ki jingmut jong ki keiñ, namar kim shym la shahshkor ïa ki ktien jong nga; te shaphang ka hukum jong nga, ki la kyntait ïa ka.

JEREMAÏAH 6:19 ပူးပေါင်းရင်းမြစ်များ

PROBERB 15:26

U Trai u isih ïa ki jingpyrkhat kiba sniew, hynrei u sngewbha ha ki ktien kiba sngur jingmut.

PROBERB 28:9

Lada phim kohnguh ïa ka hukum, U Blei un shem ïa ki jingduwai jong phi kiba ijli eh ban sngap.

ISAÏAH 1:2

U Trai u ong, “Ko ka pyrthei bad ka sahit bneng, shahshkor ïa kaei kaba nga ong! Ki khun kiba nga la pynheh pynsan ki la ïeng ïaleh pyrshah.

ISAÏAH 5:24

Kumta mynta, kumba u skum kba bad u phlang tyrkhong ki ran bad ing ha ka ding, ki thied jong phi kin pyut bad ki syntiew jong phi kin tyrkhong bad shah rong noh ha ka lyer, namar ba phi la kyntait ïa kaei kaba U Trai Badonbor Baroh, U Blei bakhuid ka Israel u la hikai ïa ngi.

ISAÏAH 59:7

Borabor phi thmu ïa kaei kaei kaba sniew, bad phim lah ap ban leh ïa kata. Phim ju sngew ei ei ban pynïap ïa ki briew kiba lui lui; ka jingduh bad ka jingpynjot ki wan jia kat shaba phi leit.

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

JEREMAÏAH 11:11

Kumta mynta, ma nga, U Trai, nga maham ïa ki ba ngan wanrah ka jingpynjot halor jong ki, bad kin ym lah ban lait. Bad haba ki kyang sha nga ban ïoh jingïarap, ngan ym shahshkor ïa ki.

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 19:3

U Trai u la bthah ïa nga ban ong, “Ko ki syiem jong ka Judah bad ki briew jong ka Jerusalem, to shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan wallam kaba kum kane ka jingpynjot ha kane ka jaka ba uwei pa uwei baroh uba ïohsngew shaphang jong ka un kyndit.

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

JEREMAÏAH 22:29

Ko ka ri, ko ka ri, ko ka ri! to shahshkor ïa kaei kaba U Trai u la ong;

JEREMAÏAH 29:19

Kane kan jia ha ki namar kim shym la kohnguh ïa ka khubor kaba nga ju ïai phah sha ki lyngba ki nongïathuhlypa, ki shakri jong nga. Ki la kyntait ban shahshkor.

JEREMAÏAH 4:14

A Jerusalem, to sait noh ïa ka jingsniew na ka dohnud jong pha, khnang ba pha lah ban ïohlait im. Sa katno phan dang ïai pyrkhat ïa ki jingpyrkhat bashlei da ka pop?

JEREMAÏAH 4:16

Ki la wan ban maham ïa ki jaitbynriew bad ban ïathuh ïa ka Jerusalem ba ki nongshun ki wan na ka ri kaba jngai bah. Kine ki nongshun kin pyrta pyrshah ïa ki nongbah jong ka Judah

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

JEREMAÏAH 49:37

Ngan pynlong ïa ki briew ka Elam ban sheptieng ïa ki nongshun jong ki, kiba kwah ban pynïap ïa ki. Ha ka jingbitar bakhraw jong nga ngan pynjot ïa ki briew ka Elam bad ngan phah ki shipai pyrshah ïa ki haduh ba ngan da pynduh khoit ïa ki.

JEREMAÏAH 6:10

Nga la jubab, “Mano ban shahshkor ïa nga lada nga la kren ha ki bad maham ïa ki? Ki long kiba mutlop bad ki kyntait ban shahshkor ïa ka khubor jong me; ki rkhie ïa kaei kaba me ong ïa nga ban ong.

JEREMAÏAH 6:18

Kumta U Trai u ong, “To shahshkor phi ki jaitbynriew, bad to tip kaei ka ban jia ïa ki briew jong nga.

JEREMAÏAH 8:5

Balei te, ko ki briew jong nga, ba phi phai lyndet noh na nga khlem da wan phai shuh? Phi snoh ha la ki bleithaw bad phi kyntait ban wan phai sha nga.

JEREMAÏAH 8:9

Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

HOSIA 10:13

Hynrei pynban phi la bet ïa kaba sniew bad ïoh ot ïa ka jingot jong ka. Phi la bam ïa ki soh ba la pynmih da ka jingshukor jong phi. “Namar ba phi shaniah ha ki kali thma jong phi bad ha ka jingbun paid ki shipai jong phi,

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

AMOS 2:4

U Trai u ong, “Ki briew jong ka Judah ki la ïai leh pop, bad na ka bynta kane ngan pynshitom da shisha ïa ki. Ki la ñiewbeiñ ïa ki jinghikai jong nga bad kim shym la sumar ïa ki hukum jong nga. Ki la shah ïalam bakla da kijuh ki blei thala ba ki kpa tymmen jong ki, ki shakri.

MIKAH 1:2

To sngew ïa kane, phi ki jaitbynriew baroh; to sngap ïa kane, ko phi kiba im ha ka pyrthei! U Trai Nongsynshar un sakhi pyrshah ïa phi. To shahshkor! U kren na ka templ ba kynja bneng.

MIKAH 6:2

Phi ki lumbah, phi ki nongrim bymjukut jong ka khyndew, to shahshkor ïa ka jingmudui jong U Trai! U Trai u don ka jingmudui pyrshah ïa la ki briew. Un wanrah ïa ka jingkynnoh pyrshah ïa ki Israel.

ÏOANNIS 12:48

Uno uno uba kyntait ïa nga bad u bym pdiang ïa ka khubor jong nga, u don uwei u ban bishar ïa u. Ki ktien kiba nga la kren kin long u nongbishar jong u ha ka sngi kaba khatduh!

KI KAM 8:22

To kylla-kaba-mut, te, na kane ka jingthmu bymman jong me, bad duwai ha U Trai ba un map ïa me na kaba pyrkhat ïa kaba kum kane.

DEUTERONOMI 30:19

Nga ai ha phi mynta ban jied napdeng ka jingim bad ka jingïap, napdeng ka jingkyrkhu U Blei bad ka jingtim U Blei, bad nga khot ïa ka bneng bad ka pyrthei ban sakhi ïano phi jied. Jied ïa ka jingim.

DEUTERONOMI 32:1

“Ko ka bneng, shahshkor ïa ki ktien jong nga, bad ko ka pyrthei, sngap bha ïa kaei ba ngan kren.

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.

1 SAMUEL 15:23

Ka jingïaleh pyrshah ïa u ka long kaba sniew hi kum ka jingleh byrtong, bad ka jingmeng ka long hi ka pop kum ka jingmane bleithaw. Namar ba me la kyntait ïa ka hukum U Trai, u la kyntait ïa me kum u syiem.”

1 SAMUEL 15:26

“Ngan ym leit phai bad phi,” u Samuel u jubab. “Phi la kyntait ïa ka hukum U Trai, bad u la kyntait ïa phi kum u syiem ki Israel.”