JEREMAÏAH 6:16 - Khasi CL Bible (BSI)

¹⁶ U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

KA BAIBL

¹⁶ Kumne u ong U Trai, “To ïeng phi ha ki lynti bad to khmih, bad kylli shaphang ki lynti ïaid ki barim, ha kaba don kata ka lynti babha, bad to ïaid ha ka, bad phin shem kaba jahthait ïa ki mynsiem jong phi: hynrei, ki la ong, ‘Ngin ym ïaid ha ka.’

JEREMAÏAH 6:16 ပူးပေါင်းရင်းမြစ်များ

1 SYIEM 8:36

To map ïa ka pop jong u syiem bad jong ki paid Israel. Hikai ïa ki ban leh ïa kaba dei. Nangta, A Trai to phah ïa u slap ha kane ka ri jong me, ïa kaba me la ai ha la ki jong ki briew kum ka jingïohkynti jong ki junom.

2 KHRONIKL 19:11

U Amaraïah u Rangbah Lyngdoh, un don ïa ka bor kaba hakhlieh tam ha baroh ki kam niam, bad u Sebadaïah u khun jong u Ishmael, u lat ka Judah, un don ïa ka bor bahakhlieh duh ha baroh ki kam hima sima. Ki Lebi kin kitkhlieh ban peit halor ki jingpyntreikam ïa ki jingrai jong ki ïingbishar. Long shlur bad pyndep ïa kine ki jingbthah, bad to U Trai un long ha ka liang jong kiba leh ïa kaba dei!”

SALM 116:7

To sngewskhem, ko mynsiem jong nga, namar U Trai u la lehbha ïa nga.

ISAÏAH 2:5

Mynta, ko ki khun ki ksiew jong u Jakob, to ngin ïaid ha ka jingshai kaba U Trai u ai ha ngi!

ISAÏAH 28:12

U la ai ka jingshongthait bad ka jingjahthait ïa phi baroh, hynrei phi kyntait ban shahshkor ïa u.

ISAÏAH 30:21

Lada phi sakma noh na ka lynti sha kamon ne sha kadiang, phin ïohsngew ïa ka sur jong u hadien jong phi kaba ong, “Kane ka dei ka lynti. Bud ïa ka.”

ISAÏAH 46:9

To kynmaw ïa kaei kaba la jia la slem bah; to pdiang ba tang ma nga, nga long U Blei bad ym don uwei pat kum ma nga.

ISAÏAH 57:2

Kito kiba im ka jingim kaba bha ki ïoh jingsuk bad jingjahthait ha ka jingïap.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

JEREMAÏAH 12:16

Lada kin pdiang da ka dohnud jong ki baroh ïa ka niam jong ki briew jong nga bad kin smai, ‘Kumba U Trai u im’ — kumba shisien ki la hikai ïa ki briew jong nga ban smai da u Baal — nangta ki ruh kin long ka bynta jong ki briew jong nga ban kin manbha.

JEREMAÏAH 18:12

Kin jubab, ‘Em, balei ngin leh kumta? Ngi baroh ngin ïailong kiba mutlop bad kiba sniew kumba ngi kwah ban long.’ ”

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 2:25

Ko Israel wat pynlwait ïa ki kjat jong me, lane shah ïa u pdot jong me ban tyrkhong na kaba beh ïa kiwei pat ki blei. Hynrei me ong, ‘Em! Ngam lah ban phai dien. Nga la ieit ïa ki blei nongwei bad ngan leit hadien jong ki.’ ”

JEREMAÏAH 22:21

U Trai u la kren ha phi mynba phi dang manbha, hynrei phi kyntait ban shahshkor. Kata ka long kaei kaba phi leh shi lynter ka jingim jong phi, phim ju treh ban kohnguh ïa U Trai.

JEREMAÏAH 31:21

To pynïeng ki jingkdew lynti bad pruid dak ha ka surok; to wad biang ïa ka lynti kaba phi la iehnoh. To wan phai biang, ko phi ki paid Israel, to wan sha la ka ri, sha ki shnong kiba phi la iehnoh.

JEREMAÏAH 42:3

To duwai ba U Trai U Blei jong ngi un pyn-i ha ngi ïa ka lynti kaba ngi dei ban leit bad kaei kaba ngi dei ban leh.”

JEREMAÏAH 44:16

“Ngi kyntait ban shahshkor ïa kaei kaba phi la ïathuh ha ka kyrteng jong U Trai.

JEREMAÏAH 50:5

Kin kylli ïa ka lynti sha Seïon bad nangta kin leit ha kata ka phang. Kin pynlong ka jutang baïaineh bad nga bad da lei lei kin ym pynkheiñ ïa ka.

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

MALAKHI 4:4

“To kynmaw ïa ki jinghikai u Moses u shakri jong nga, ki aiñ bad ki hukum kiba nga la ai ha u ha u Lum Sinai na ka bynta ki paid Israel baroh ban kohnguh.

LOUKAS 16:29

“U Abraham u la ong, ‘Ki hynmen ki para shynrang jong me ki don u Moses bad ki nongïathuhlypa ban maham ïa ki; ki hynmen ki para shynrang jong me ki dei ban shahshkor ïa kaei kaba ki ong.’

ÏOANNIS 12:35

U Jisu u la jubab, “Ka jingshai kan don hapdeng jong phi sa katto katne por. To nang ïaid katba ka jingshai ka dang don, ba ka jingdum kan ym wan lap ïa phi; naba uta uba ïaid ha ka jingdum um tip shano ba u leit.

ÏOANNIS 13:17

Mynta ba phi tip ïa kane ka jingshisha, katno kiba kmen phin long lada phi pyntreikam ïa ka!

ÏOANNIS 5:39

Phi pule ïa ki Jingthoh Bakhuid, namar phi pyrkhat ba ha ki phin shem ïa ka jingim bymjukut. Bad kine hi ki Jingthoh Bakhuid ki kren shaphang jong nga!

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

Ka Shithi U Paul Sha Ki Nong Rom 4:12

U long ruh u kpa jong kito ïa kiba la otsher, kata, jong kito kiba, nalor ba la otsher ïa ki, ki la im ruh ïa kajuh ka jingim jong ka jingngeit kaba u Abraham u kpa jong ngi u la im shuwa ba yn otsher ïa u.

DEUTERONOMI 32:7

“Pyrkhat ïa ki sngi kiba mynbarim, ïa ka por ba la leit noh, kylli na la ki kpa ban ïathuh ha phi aïu ka la jia, kylli na ki tymmen ban ïathuh ha phi ïa ka mynnor.

KOLOSSAI 2:6

Naduh ba phi la pdiang ïa U Khrist Jisu kum U Trai, to im ha u.

HEBRU 11:2

Ka dei da ka jingngeit jong ki, ba ki briew ha ki por mynbarim ki ïohpdiang ïa ka jingsngewbha jong U Blei.

HEBRU 6:12

Ngim kwah ïa phi ba phin long kiba alhia, hynrei ban long kum kita kiba ngeit bad ban long kiba ïaishah, bad kumta ban ïohpdiang ïa kaei kaba U Blei u la kular.

NONGBISHAR 2:17

Hynrei ki Israel kim shym shahshkor ïa la ki nongïalam. Ki Israel kim shym la ïaineh ha U Trai bad ki la mane ïa kiwei pat ki blei. Ki kpa jong ki, ki la kohnguh ïa ki hukum jong U Trai, hynrei kane ka pateng bathymmai shen ka la sangeh ban leh kumta.