JEREMAÏAH 6:15 - Khasi CL Bible (BSI)

¹⁵ Hato kin sngewlehrain namar ki la leh ïa kine kiei kiei kiba ijli? Em, kim shym la sngewlehrain satia; kim tip hi ruh kumno ban sawkyr-ang. Bad kumta kin kyllon kumba kiwei ki la kyllon; haba nga pynshitom ïa ki, kata kan long kaba kut jong ki. Ma nga, U Trai, nga la kren.”

KA BAIBL

¹⁵ Ki la lehrain ne em ynda ki la lah leh ïa ka jingijli? Em, kim shym la lehrain satia, lymne kim lah ruh ban saw kyr-ang: namar kata, kin kyllon hapdeng kita kiba kyllon: ha kata ka por ba ngan wan-i ïa ki yn pynkyllon ïa ki,” ong U Trai.

JEREMAÏAH 6:15 ပူးပေါင်းရင်းမြစ်များ

JENESIS 19:34

Ha ka sngi kaba bud kata ka khun nyngkong ka ong ha la ka para, “Hynne mynmiet nga la ïathiah bad i pa; mynta to ngin pynbuaid biang ïa i ha kane ka miet ruh, bad phi sa leit thiah lang bad i. Te ma ngi baroh ar ngut ngin ïoh khun mar iwei na la u kpa.”

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

ISAÏAH 3:9

Ïa ki jingnoh shiliang jong ki yn bat pyrshah ïa ki. Ki leh pop khlem rieh kumba ki briew ka Sodom ki la leh. Ki long kiba la tim, bad ki la wallam ïa ka halor jong ki hi.

JEREMAÏAH 14:15

Ma nga, U Trai, nga ïathuh ïa phi ïa kaei ba ngan leh ïa kito ki nongïathuhlypa kiba ngam shym phah hynrei kiba kren ha ka kyrteng jong nga bad ong ba ka thma bad ka jingïapthngan kin ym lynshop ïa kane ka ri — ngan pynïap ïa ki ha ka thma bad da ka jingïapthngan.

JEREMAÏAH 18:23

Hynrei, A Trai, me tip ïa baroh ki jingthmu sniew jong ki ban pynïap ïa nga. Wat ym map ïa ka jingsniew jong ki lane map ïa ka pop jong ki. Bret ïa ki sha tbian ha ka jingshahjop bad leh ïa ki katba me dang bitar.”

JEREMAÏAH 23:12

Ki lynti ïaid ba ki bud kin long kiba btuit bad kiba dum; ngan pynlong ïa ki ba kin jynthut bad kin kyllon. Ngan wallam ka jingpynjot ha ki; ka por ka jingpynshitom ïa ki ka la nang wan, ma nga, U Trai, nga la kren.

JEREMAÏAH 3:3

Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

JEREMAÏAH 44:10

Hynrei haduh kane ka sngi phim shym la pynrit ïa lade. Phim shym la pyndonburom ïa nga lane im kat kum ki aiñ baroh kiba nga la ai ha phi bad ki kpa tymmen jong phi.

JEREMAÏAH 5:29

“Hynrei ma nga, U Trai, ngan pynshitom ïa ki na ka bynta kine kiei kiei, ngan pynhiarkput halor kane ka jaitbynriew.

JEREMAÏAH 5:9

Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

JEREMAÏAH 8:9

Ïa ki rangbah bastad jong phi la buh ha ka jinglehrain; ki la shaïong bad shah riam. Ki la kyntait ïa ki ktien jong nga; ka jingstad kaba kumno ki la ïoh mynta?

ESEKIEL 13:14

Nga thmu ban pynkhyllem ïa ka kynroh ba la pushara lieh, ban pynkhynñiuh ïa ka, bad ban pynpaw shabar ïa ki maw nongrim. Kan khyllem bad pynïap ïa phi baroh. Te uwei uwei baroh un tip ba nga long U Trai.

ESEKIEL 2:4

Ki long kiba mutlop bad kim burom ïa nga, kumta nga phah ïa me sha ki bad men ong ha ki, ïa kaei kaba ma nga U Trai Nongsynshar, nga ong ïa ki.

ESEKIEL 24:7

Ka la don ka jingpynïap briew ha ka nongbah, hynrei ka snam kam shym pashait ha ka khyndew ha kaba ka khyndew kam lah ban buhrieh ïa ka; ka la pashait ha u mawsiang basyllen.

HOSIA 4:5

Mynmiet bad mynsngi phi ïaid bakla, bad ki nongïathuhlypa kim long kham bha ban ïa phi. Ngan sa pynjot ïa ka Israel, ka kmie jong phi.

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

MIKAH 3:6

Ïa kine ki nongïathuhlypa, U Trai u ong, “Ko ki nongïathuhlypa, ka sngi jong phi ka la jan kut noh; ka sngi ka la jan wai na ka bynta jong phi. Namar ba phi ïalam bakla ïa ki briew jong nga, phin ym don shuh ki jingïohipaw ban ïathuhlypa, bad phin ym lah ban ïathuh lypa ei ei.”

MIKAH 7:4

Wat kiba bha tam bad bahok tam na ki, ki long ki bymdondor kum ki ñiut. Ka sngi ka la poi haba U Blei un pynshitom ïa ki briew, kumba u la maham ïa ki lyngba ki nongap phira, ki nongïathuhlypa. Mynta ki don ha ka jingkulmar jingmut.

SEPHANAÏAH 2:1

Ko jaitbynriew bym don jinglehrain, to tipbriew

SEPHANAÏAH 3:5

Hynrei U Trai u dang don ha ka nongbah; u leh ïa kaei kaba dei bad da lei lei ruh em ïa kaei ka bymdei. Man ka step khlem bakla, u wallam ka jinglehhok ha ki briew jong u. Bad pynban hangta ki briew bymhok ki ïai leh bymdei bad kim sngewlehrain.

SEKHARAÏAH 13:4

Haba kata ka por ka poi, yn ym don nongïathuhlypa u ban sngewsarong ïa ki jingïohipaw jong u lane leh kum u nongïathuhlypa lane kup ïa ka jaiñkup bakhain jong u nongïathuhlypa khnang ban shukor ïa ki briew.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.