JEREMAÏAH 6:13 - Khasi CL Bible (BSI)

¹³ Uwei pa uwei, uba khraw bad uba rit, u pyrshang ban shna pisa da ka jingbymhok; wat ki nongïathuhlypa bad ki lyngdoh ki thok ïa ki briew.

KA BAIBL

¹³ “Naba naduh u barit tam na ki wat haduh u bakhraw tam na ki uwei uwei baroh u la aiti ïa lade ha ka jingkwah lalot; bad naduh u prophet wat haduh u lyngdoh uwei uwei baroh u leh shukor.

JEREMAÏAH 6:13 ပူးပေါင်းရင်းမြစ်များ

ISAÏAH 28:7

Wat ki nongïathuhlypa bad ki lyngdoh ki buaid bha bad ki ïaid sheng sheng. Ki la dih waiñ bad dih kyiad haduh katta katta haduh ba ki jynthut kulmar. Ki nongïathuhlypa ki ïabuaid haduh katta katta ba kim sngewthuh shuh ïa ki jingïohipaw ba U Blei u phah, bad ki lyngdoh ki buaid haduh ba kim lah shuh ban ai jingrai ïa ki kam ba la wanrah ha ki.

ISAÏAH 57:17

Nga la bitar ïa ki namar ka pop bad ka jingkwah lalot jong ki, bad kumta nga la pynshitom bad iehnoh ïa ki. Hynrei ki la long mutlop bad ki la nang ïaid ha la ki jong ki lynti.

JEREMAÏAH 14:18

Haba nga leit sha ki lyngkha, nga ïohi ïa ki met jong ki rangbah kiba la shah pynïap ha ka thma; haba nga leit sha ki shnong, nga ïohi ïa ki briew kiba ïapthngan. Ki nongïathuhlypa bad ki lyngdoh ki trei la ki kam, hynrei kim tip ïa kaei ki leh.”

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

JEREMAÏAH 2:26

U Trai u ong, “Kumba u nongtuh u shah pynjahburom haba la kem ïa u, kumta ïa phi baroh ki paid Israel yn pynjahburom — ki syiem bad ki rangbah synshar jong phi, ki lyngdoh bad ki nongïathuhlypa jong phi.

JEREMAÏAH 2:29

Kaei ka jingujor jong pha? Balei pha la ïeng ïaleh pyrshah ïa nga?

JEREMAÏAH 2:8

Ki lyngdoh kim shym kylli, ‘Hangno U Trai u don?’ Ki lyngdoh jong nga hi kim ithuh ïa nga. Ki nongsynshar ki la ïeng ïaleh pyrshah ïa nga; ki nongïathuhlypa ki la kren ha ka kyrteng jong u Baal bad ki la ïamane ïa ki bleithaw bymmyntoi.”

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

JEREMAÏAH 23:10

Ka ri ka jyllei da ki briew ki bymïaineh ha U Trai; ki im ka jingim bymman bad pyndonkam bakla ïa la ka bor. Namar ka jingtim U Trai, ka ri ka ïamkthang, bad ki jaka phlang ki tyrkhong.

JEREMAÏAH 23:11

U Trai u ong, “Ki nongïathuhlypa bad ki lyngdoh ki long ki bymriewblei; nga la lap ïa ki ba ki leh bymman ha ka Templ hi.

JEREMAÏAH 27:15

U Trai hi u la ong ba um shym phah ïa ki bad ba ki lamler ïa phi ha ka kyrteng jong u. Bad kumta un beh noh ïa phi, bad ïa phi yn pynïap, ïa phi bad ki nongïathuhlypa kiba ïathuh ïa phi ïa kine ki jinglamler.”

JEREMAÏAH 32:32

Nga la kut jingmut ban pynjot ïa ka namar baroh kaba sniew ba la leh da ki paid ka Judah bad ka Jerusalem, ryngkat bad ki syiem bad ki nongïalam jong ki, ki lyngdoh bad ki nongïathuhlypa jong ki.

JEREMAÏAH 42:1

Te baroh ki nongïalam ka kynhun shipai, kiba kynthup ïa u Johanan u khun jong u Kareah bad u Asaraïah u khun jong u Heshaïah, ki la wan ryngkat bad ki paidbah kiba ha ki kyrdan baroh bad ki la ong ïa nga, “Sngewbha leh ïa kaei kaba ngi ong ïa phi! To duwai ha U Trai U Blei jong ngi na ka bynta jong ngi. To duwai na ka bynta jong ngi baroh kiba la lait im. Shisien la don bun bah na ngi; hynrei mynta tang khyndiat eh ngi dang sah, kumba phi ïohi.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 8:10

Kumta ngan ai ïa ki lyngkha jong ki ha ki trai bathymmai bad ïa ki tnga jong ki ha kiwei pat ki rangbah. Uwei uwei baroh, uba rit bad uba khraw, u pyrshang ban thaw pisa da ka jingbymhok. Wat ki nongïathuhlypa bad ki lyngdoh ki thok ïa ki briew.

SNGEWSYNEI 4:13

Hynrei ka la jia namar ba ki nongïathuhlypa jong ka ki la leh pop bad ki lyngdoh jong ka ki long kiba la rem namar ka jingpynjia ïa ka jingïap jong ki briew balui lui.

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MIKAH 3:5

Ki briew jong nga ki la shah shukor ha ki nongïathuhlypa kiba la kular ïa ka jingsuk ïa kito kiba da siewdor ïa ki, hynrei ki byrngem da ka thma ïa kito ki bym siew.

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

2 PETROS 2:1

Ki nongïathuhlypa balamler ki la ju mih ha ki por ba la leit noh hapdeng ki briew, bad ha kajuh ka rukom, ki nonghikai balamler kin mih hapdeng jong phi. Kin wallam ïa ki jinghikai bapynjot bad bymshisha ïa ki jinghikai shongtynrai bad kin len ïa U Kynrad uba la siewspah ïa ki, bad kumta kin wallam ha lade ïa ka jingpynjot kaba kynsan.

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!